Tokyo Olympics: ವಾಲಿಬಾಲ್‌ನಲ್ಲಿ ಫ್ರಾನ್ಸ್ ಪ್ರಭುತ್ವ
ಅಕ್ಷರ ಗಾತ್ರ :ಆ |ಆ |ಆ
ಟೋಕಿಯೊ: ಒಲಿಂಪಿಕ್ಸ್‌ನ ಪುರುಷರ ವಿಭಾಗದ ವಾಲಿಬಾಲ್‌ ಸ್ಪರ್ಧೆಯಲ್ಲಿ ಫ್ರಾನ್ಸ್ ತಂಡವು ಪ್ರಭುತ್ವ ಸಾಧಿಸಿತು.
ಫೈನಲ್‌ನಲ್ಲಿ ಫ್ರಾನ್ಸ್ 3–2 ಸೆಟ್‌ಗಳಿಂದ ರಷ್ಯಾ ಒಲಿಂಪಿಕ್‌ ಸಮಿತಿಯನ್ನು ಸೋಲಿಸಿತು.
ಮೊದಲ ಸೆಟ್‌ನಲ್ಲಿ ಫ್ರಾನ್ಸ್ 25–23ರಿಂದ ಗೆದ್ದಿತು. ಎರಡನೇ ಸೆಟ್‌ನಲ್ಲೂ ಈ ತಂಡದ ಆಟಗಾರರು ಪರಾಕ್ರಮ ಮೆರೆದರು. ಹೀಗಾಗಿ ಈ ತಂಡದ ಮುನ್ನಡೆ 2–0ಗೆ ಹೆಚ್ಚಿತು. ಮೂರು ಮತ್ತು ನಾಲ್ಕನೇ ಸೆಟ್‌ಗಳಲ್ಲಿ ರಷ್ಯಾ ಆಟಗಾರರು ತಿರುಗೇಟು ನೀಡಿದರು. ಹೀಗಾಗಿ 2–2 ಸಮಬಲ ಕಂಡುಬಂತು.
ನಿರ್ಣಾಯಕ ಎನಿಸಿದ್ದ ಐದನೇ ಸೆಟ್‌ನಲ್ಲೂ ಜಿದ್ದಾಜಿದ್ದಿನ ಪೈಪೋಟಿ ಕಂಡುಬಂತು. 18 ನಿಮಿಷಗಳ ಈ ಹೋರಾಟದಲ್ಲಿ 15–12ರಿಂದ ಎದುರಾಳಿಗಳ ಸವಾಲು ಮೀರಿದ ಫ್ರಾನ್ಸ್ ಆಟಗಾರರು ಸಂಭ್ರಮಿಸಿದರು. ಈ ಪಂದ್ಯ ಒಟ್ಟು 2 ಗಂಟೆ 15 ನಿಮಿಷ ನಡೆಯಿತು.
ಕಂಚಿನ ಪದಕಕ್ಕಾಗಿ ನಡೆದ ಹಣಾಹಣಿಯಲ್ಲಿ ಅರ್ಜೆಂಟೀನಾ ತಂಡ 3–2 ಸೆಟ್‌ಗಳಿಂದ ಬ್ರೆಜಿಲ್‌ ತಂಡವನ್ನು ಪರಾಭವಗೊಳಿಸಿತು. ಎದುರಾಳಿಗಳಿಂದ ಪ್ರಬಲ ಪೈಪೋಟಿ ಎದುರಿಸಿದ ಅರ್ಜೆಂಟೀನಾ ಆಟಗಾರರು 2 ಗಂಟೆ 17 ನಿಮಿಷ ಛಲದಿಂದ ಹೋರಾಡಿ ಗೆಲುವು ಒಲಿಸಿಕೊಂಡರು.
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
