ಯಾಂಗಿಂಗ್ ರಾಷ್ಟ್ರೀಯ ಆಲ್ಪೈನ್ ಸ್ಕೀಯಿಂಗ್‌ ಕೇಂದ್ರದಲ್ಲಿ ಭಾನುವಾರ ನಡೆದ ಸ್ಪರ್ಧೆಯಲ್ಲಿ ಪಾಲ್ಗೊಂಡವರು ಪ್ರತಿಕೂಲ ಹವಾಮಾನದಿಂದಾಗಿ ಅತ್ಯಂತ ಕಠಿಣ ಸವಾಲು ಎದುರಿಸಬೇಕಾಯಿತು. ಮೊದಲನೇ ರೇಸ್‌ನಲ್ಲಿ ಆರಿಫ್‌ 53ನೇ ಸ್ಥಾನ ಗಳಿಸಿದರು. 33 ಮಂದಿಗೆ ರೇಸ್ ಪೂರ್ಣಗೊಳಿಸಲು ಆಗಲಿಲ್ಲ. ಇಬ್ಬರು ಆರಂಭಿಸಲಾಗದೇ ಹಿಂದೆ ಉಳಿದರು. ಹಾವಾಮಾನ ವೈಪರೀತ್ಯದಿಂದಾಗಿ ನಾಲ್ಕು ತಾಸು ವಿಳಂಬವಾಗಿ ಆರಂಭಗೊಂಡ ಎರಡನೇ ರೇಸ್‌ನಲ್ಲಿ ಆರಿಫ್‌ 44ನೇ ಸ್ಥಾನ ಗಳಿಸಿದರು.
ಒಂಬತ್ತು ಮಂದಿಗೆ ಪೂರ್ಣಗೊಳಿಸಲು ಆಗಲಿಲ್ಲ. ಆರಿಫ್‌ ಒಟ್ಟಾರೆ ತೆಗೆದುಕೊಂಡ ಕಾಲದ ಆಧಾರದಲ್ಲಿ 45ನೇ ಸ್ಥಾನ ನೀಡಲಾಯಿತು. ಸ್ವಿಟ್ಜರ್ಲೆಂಡ್‌ನ ಮಾರ್ಕೊ ಒಡೆರ್ಮಟ್ (2:09.35) ಚಿನ್ನ ಗೆದ್ದುಕೊಂಡರು. ಸ್ಲೊವೇನಿಯಾದ ಜನ್ ಕ್ರಂಜೆಕ್ (2:09.54) ಮತ್ತು ಫ್ರಾನ್ಸ್‌ನ ಮ್ಯಾಥ್ಯೂ ಫೈವರ್‌(2:10.69) ಕ್ರಮವಾಗಿ ಬೆಳ್ಳಿ ಮತ್ತು ಕಂಚು ಗಳಿಸಿದರು.
