ಪುರುಷರ ಸಿಂಗಲ್ಸ್ ವಿಭಾಗದ ಮೂರನೇ ಸುತ್ತಿನ ಪಂದ್ಯದಲ್ಲಿ ಸಿಟ್ಸಿಪಾಸ್‌ 6-3, 4-6, 6-4ರಿಂದ ಚಿಲಿಯ ಕ್ರಿಸ್ಟಿಯನ್ ಗರಿನ್ ಅವರನ್ನು ಮಣಿಸಿದರು. ಮೂರನೇ ಶ್ರೇಯಾಂಕದ ಸಿಟ್ಸಿಪಾಸ್‌ ಅವರಿಗೆ ಮೊದಲ ಸುತ್ತಿನಲ್ಲಿ ಬೈ ಲಭಿಸಿತ್ತು. ಎರಡನೇ ಸುತ್ತಿನಲ್ಲಿ ವಾಕ್‌ಓವರ್ ಪಡೆದಿದ್ದರು.

ಅರ್ಜೆಂಟೀನಾದ, 25ನೇ ಶ್ರೇಯಾಂಕದ ಆಟಗಾರ ಫ್ರಾನ್ಸಿಸ್ಕೊ ಸೆರುಂಡೊಲೊ 6-2, 7-5ರಿಂದ ಐದನೇ ಶ್ರೇಯಾಂಕದ ಕೆನಡಾ ಆಟಗಾರ ಫೆಲಿಕ್ಸ್ ಅಗರ್ ಅಲಿಯಾಸ್ಸಿಮ್‌ ಅವರನ್ನು ಮಣಿಸಿ ಮುನ್ನಡೆದರು.

ಆ್ಯಂಡ್ರಿಸ್ಕೂಗೆ ಗಾಯ: ಮಹಿಳೆಯರ ವಿಭಾಗದ ಪಂದ್ಯದಲ್ಲಿ, ಅಮೆರಿಕ ಓಪನ್ ಮಾಜಿ ಚಾಂಪಿಯನ್‌ ಬಿಯಾಂಕಾ ಆ್ಯಂಡ್ರಿಸ್ಕೂ ಗಾಯಗೊಂಡು ನಿವೃತ್ತ ರಾದರು. ನಾಲ್ಕನೇ ಸುತ್ತಿನ ಪಂದ್ಯದಲ್ಲಿ ರಷ್ಯಾದ ಏಕಟೆರಿನಾ ಅಲೆಕ್ಸಾಂಡ್ರೊವಾ ಎದುರು ಸ್ಪರ್ಧಿಸಿದ್ದ ಬಿಯಾಂಕಾ ಒಂದು ಸೆಟ್‌ ಹಿನ್ನಡೆಯಲ್ಲಿದ್ದರು.