ಬೆಂಗಳೂರು: ಟ್ವಿಟರ್ ಇಂಡಿಯಾದ ಅಧಿಕೃತ ಟ್ವಿಟರ್ ಖಾತೆಯಿಂದ ಮಂಗಳವಾರಕನ್ನಡದಲ್ಲಿ ‘ಏನ್ ಸಮಾಚಾರ’ ಎಂದು ಟ್ವೀಟ್ ಮಾಡಲಾಗಿದೆ. ಇದಕ್ಕೆ ಸಂಭ್ರಮಗೊಂಡ ಕನ್ನಡಿಗರು ಟ್ವಿಟರ್ ಇಂಡಿಯಾಕ್ಕೆಬಗೆ ಬಗೆಯ ಉತ್ತರಗಳನ್ನು ನೀಡಿದ್ದಾರೆ.
ಮಂಗಳವಾರ ಮಧ್ಯಾಹ್ನ 1.11 ನಿಮಿಷಯದಲ್ಲಿ ‘ಏನ್ ಸಮಾಚಾರ’ ಎಂದು ಟ್ವೀಟ್ ಮಾಡಲಾಗಿದೆ. ಈ ಟ್ವೀಟ್ ವೈರಲ್ ಆಗುತ್ತಿದ್ದು, ಮಂಗಳವಾರ ಸಂಜೆ 7ರ ಹೊತ್ತಿಗೆ 740ಕ್ಕೂ ಹೆಚ್ಚು ಬಾರಿ ರೀಟ್ವೀಟ್ ಆಗಿದೆ. ಅಲ್ಲದೆ, ಮೂರೂವರೆ ಸಾವಿರಕ್ಕೂ ಅಧಿಕ ಮಂದಿ ಮೆಚ್ಚಿದ್ದಾರೆ.
ಬಗೆ ಬಗೆಯ ಉತ್ತರ
ಏನ್ ಸಮಾಚಾರ ಎಂದು ಪ್ರಶ್ನೆ ಹಾಕಿದ ಟ್ವಿಟರ್ ಇಂಡಿಯಾಕ್ಕೆ ಟ್ವೀಟರ್ ಬಳಕೆದಾರರು ವಿಧ ವಿಧದ ಉತ್ತರಗಳನ್ನೇ ನೀಡಿದ್ದಾರೆ. ‘ಊಟಾ ಆಯ್ತ’, ‘ಕನ್ನಡದಲ್ಲಿ ಟ್ವೀಟ್ ಮಾಡಿದ ನಿಮಗೆ ಶ್ಯಾವಿಗೆ ಪಾಯಸ ಕುಡಿಸುತ್ತೇವೆ’, ‘ವಿದ್ಯಾರ್ಥಿ ಭವನದ ದೋಸೆ ಕೊಡಿಸುತ್ತೇವೆ’ ಎಂದೆಲ್ಲ ಉತ್ತರಿಸಿದ್ದಾರೆ.
‘ಕನ್ನಡದವರಿಗೆಲ್ಲೋ ಕೆಲಸ ಕೊಟ್ಟಂತಿದೆ,’ ಎಂದೂ ಒಬ್ಬ ಟ್ವೀಟಿಗರುಹೇಳಿದ್ದಾರೆ. ‘ಕನ್ನಡದಲ್ಲೂ ಸೇವೆ ಕೊಡಿ’ ಎಂದು ಕೆಲವರು ಕೇಳಿಕೊಂಡಿದ್ದಾರೆ.
ಕೆಲವರು ಟ್ವಿಟರ್ನಲ್ಲಿ ಎಡಿಟ್ಗೆ ಅವಕಾಶ ನೀಡಬೇಕು ಎಂದು ಮನವಿ ಮಾಡಿದ್ದಾರೆ. ಆದರೆ, ಟ್ವಿಟರ್ ಇದಕ್ಕೆ ಸಕಾರಾತ್ಮಕವಾಗಿ ಸ್ಪಂದಿಸಿಲ್ಲ.
ಲಘು ಬಗೆಯಲ್ಲಿ ಟ್ವಿಟರ್ ಕೇಳಿದ ಪ್ರಶ್ನೆಗೆ ಉತ್ತರವಾಗಿ ರಾಜಕೀಯದ ವಿಷಯಗಳೂ ತೂರಿ ಬಂದಿವೆ. ಟ್ವಿಟರ್ ಬಳಕೆದಾರರು ತಾವು ಬೆಂಬಲಿಸುವ ಪಕ್ಷಗಳ ಪರವಾಗಿ ಕೆಲ ಮಾತುಗಳನ್ನೂ ಹಂಚಿಕೊಂಡಿದ್ದಾರೆ.
ಏನೂ ಇಲ್ಲ.. ಊಟ ಆಯ್ತಾ
— ಅರುಣ್ ಜಾವಗಲ್ | Arun Javgal (@ajavgal) February 18, 2020
ನಮ್ಮ ಮನ ಗೆದ್ದಿರಿ. ಮನೆಗೆ ಬನ್ನಿ. ಶ್ಯಾವಿಗೆ ಪಾಯಸ ಕೊಡ್ತೀವಿ 😁
— Anantha Subramanyam (@Ananthaforu) February 18, 2020
ನುಡಿ ವಿಚಾರಗಳಲ್ಲಿ ನಿಮಗೆ ಅರ್ಥ ಆಗೋದು ನಮ್ಮ ಸರ್ಕಾರಗಳಿಗೆ ಅರ್ಥ ಆಗಿದ್ರೆ ಎಷ್ಟು ಚೆನ್ನಾಗಿರೋದು
— Rakshith J Gowda ರಕ್ಷಿತ್ ಜಯರಾಮ್ (@RAKKI_GOWDA) February 18, 2020
ನೀವು ಕನ್ನಡದಲ್ಲಿ ಟ್ವಿಟ್ ಮಾಡಿರುವುದೇ ಇವತ್ತಿನ ಮುಖ್ಯ ಸಮಾಚಾರ
— Faizal Peraje 🇮🇳 (@faizal_peraje) February 18, 2020
ಕನ್ನಡದವರಿಗೆ @TwitterIndia ದಲ್ಲಿ
— N V Soumya Rani (@nvsoumyarani) February 18, 2020
ಕೆಲಸ ಕೊಟ್ಟಿದಿರಾ ಅನ್ಸುತ್ತೆ.
ಧನ್ಯವಾದಗಳು..💐💐
ಮತ್ತಷ್ಟು ಕನ್ನಡಿಗರಿಗೆ ಕೆಲಸ ಕೊಡಿ,@TwitterIndia ತುಂಬಾ ಕನ್ನಡದ ಕಂಪು ಇರುತ್ತೆ.
ನಮಸ್ಕಾರ! ಬೆಂಗಳೂರು ಬಿಸಿಲಿನಿಂದ ಉರಿತಿರೋದೇ ಒಂದು ಸಮಾಚಾರ!https://t.co/oLFtZE78no
— Prathap ಕಣಗಾಲ್ (@Kanagalogy) February 18, 2020
ಇಗೋ ಇಲ್ಲಿದೆ ಸಮಾಚಾರ, ಟ್ವಿಟ್ಟರ್ ಮಹಾಶಯ ಕನ್ನಡ ಕಲ್ತಾಯ್ತು!😍
— ವಿಜಯ್ Vijay (@Vijay_KPatil) February 18, 2020
ಕನ್ನಡ ಬರದವರು ನಮ್ ಟ್ವಿಟ್ಟರ್ ನೋಡಿ ಕಲ್ತ್ಕೊಳ್ಳಿ😊 @TwitterIndia ಕನ್ನಡ ಬರಲ್ಲ ಅನ್ನೋವ್ರಿಗೆ ನೀನೂ ಸ್ವಲ್ಪ ಕನ್ನಡ ಕಲಿಸಪ್ಪ👍🏼💛❤️
ಎಲ್ಲ ನೀವೇ ಹೇಳ್ಬೇಕು ಸ್ವಾಮಿ. ಕರ್ನಾಟಕದಲ್ಲಿ ಕನ್ನಡಿಗರಿಗೆ ಸಂಬಂಧಪಟ್ಟ ಹಾಷ್ ಟಾಗ್ ಟ್ರೆಂಡ್ ಮಾಡಿ ಸ್ವಾಮಿ. ಬರೀ ಹಿಂದಿ, ತೆಲುಗು, ತಮಿಳರಿಗೆ ಸಂಬಂಧಪಟ್ಟ ಹಾಷ್ ಟಾಗ್ ಇರುತ್ತೆ.
— Pradeep | ಪ್ರದೀಪ (@_Pradeep07) February 18, 2020
1. 1 ಟ್ವಿಟ್ - 1 ಎಡಿಟ್ ಅನ್ನೋ ಆಯ್ಕೆ ಕೊಟ್ಟು ಪುಣ್ಯ ಕಟ್ಕೋಳ್ಳಿ 😁.
— ಕ್ಷಣಿಕ (@chandanso37) February 18, 2020
2. ಟ್ವಿಟರ್ನಲ್ಲಿ ಯಾವುದೇ ಕಾರಣಕ್ಕೂ ಸ್ಟೇಟಸ್ ಆಯ್ಕೆ ಮಾತ್ರ ಕೊಡ್ಬೇಡಿ 🙏 😬.
ಎಡಿಟ್ ಬಟ್ಟನ್ ಬರುತ್ತಾ?
— Niveditha Bhat (@nivmjr) February 18, 2020
🙃
— Twitter India (@TwitterIndia) February 18, 2020
ಏನಪ್ಪಾ ಇವತ್ತು ವಿಶೇಷ ಕನ್ನಡದಲ್ಲಿ ಟಿವ್ವಿಟ್ಟಿಸಿದಿರಾ..😉😊
— Pramod (@Pkpammu) February 18, 2020
— Namma Kalyana Karnataka (@NammaKalyana) February 18, 2020
ಅಯ್ಯೋ ಸಮಾಚಾರ ಬಹಳಷ್ಟಿವೆ..
— 𝙰.𝙽.𝙽𝚊𝚝𝚊𝚛𝚊𝚓𝙶𝚘𝚠𝚍𝚊🇮🇳ಎ.ಎನ್.ನಟರಾಜ್ ಗೌಡ (@annatarajgowda) February 18, 2020
📍ಗುಜರಾತಿನಲ್ಲಿ "ಬಡತನ ಮುಚ್ಚಿರಿ" ಯೋಜನೆಯಲ್ಲಿ ಗೋಡೆ ಕಟ್ಟಲಾಗುತ್ತಿದೆ.
📍ಕರ್ನಾಟಕದಲ್ಲಿ ನೆರೆ ನಿರ್ವಹಣೆ ಸಮರ್ಪಕವಾಗಿ ಆಗಿಲ್ಲ.
📍₹೧೮೬೦೦ ಕೋಟಿಯ ಸಬರ್ಬನ್ ರೈಲು ಯೋಜನೆಗೆ ಕೇಂದ್ರದಿಂದ ಕೇವಲ ₹೧ಕೋಟಿ ನೀಡಲಾಗಿದೆ
📍ಕೋಲಾರದ ರೈಲು ಕೋಚ್ ಫ್ಯಾಕ್ಟರಿ ಕಲಬುರ್ಗಿಯ ಜವಳಿ ಪಾರ್ಕ್ ರದ್ದು ಮಾಡಲಾಗಿದೆ.
ಏನಿಲ್ಲಾ ಸರ್ ಕನ್ನಡ ಮಾತನಾಡೋಕೇ ಬರದೇ ಇರುವವರನ್ನೆಲ್ಲಾ ಕರ್ನಾಟಕದ ರಾಜ್ಯ+ಪಾಲರಾಗಿದ್ದಾರೆ
— Abdul maliksab (@AbdulMaliksab) February 18, 2020
ಇವರಿಗೆ ಇವತ್ತು ನಾನು “30 ದಿನಗಳಲ್ಲಿ ಕನ್ನಡ ಕಲಿಯಿರಿ” ಪುಸ್ತಕವನ್ನು ಅಂಚೆ ಮುಖಾಂತರ ಕಳಿಸಿದೆ. ಇದೇ ನನ್ನ ಇವತ್ತಿನ ಸಮಾಚಾರ .
ಅಸೆಂಬ್ಲಿ ಲಿ ಪೋರ್ನ್ ನೋಡಿದವರೆಲ್ಲ ಮಿನಿಸ್ಟರ್ ಅಗ್ ಬಿಟ್ಟಿದ್ದಾರೆ ಸಾರ್
— Armaan (@Mehboobp1) February 18, 2020
ಏನ್ ಗುರು.. ಊಟ ಆಯ್ತಾ? ಸುಳ್ಳು ಸುದ್ದಿ ಹಂಚುವವರನ್ನ, ಹೆಂಗಸರಿಗೆ ಕೆಟ್ಟದಾಗಿ ಮಾತಾಡುವವರನ್ನ ಒಂದು ದಿನದ ಮಟ್ಟಕ್ಕೆ ಟ್ವೀಟ್ ಮಾಡದಂತೆ ತಡೆದರೇ ಏನ್ ಪ್ರಯೋಜನ ಗುರು? ಇವರೇನು ಒಂದು ದಿನದಲ್ಲಿ ಬದಲಾಗುತ್ತಾರ? ಉದಾಹರಣೆ: @mvmeet ನಿಮ್ಮ ರೀತಿ ನೀತಿಗಳನ್ನು ಸ್ವಲ್ಪ ಬದಲಾಯಿಸಿ ಗುರು.. ಇದರಿಂದ ಟ್ಟಿಟರ್ ಸ್ವಲ್ಪ ಶಾಂತವಾಗಲಿ..
— ಮಲ್ಲಿಕಾರ್ಜುನ್ ಬಿ (Mallikarjun B) (@arjuna04) February 18, 2020
ಚೌಕಿದಾರ್ ಕಳ್ಳ
— suvarna veerappa (@SuvarnaVeerappa) February 18, 2020
ನೀವು ಸ್ವಲ್ಪ ನಿಮ್ಮ Bio ಚೇಂಜ್ ಮಾಡಿ. ಭಾರತದಲ್ಲಿ ಇರೋದು ಬರಿ ಹಿಂದಿ ಭಾಷೆನ? #Kannada #RespectLinguisticDiversity https://t.co/Mv5O4RF0k4
— Aiyshwarya Mahadev | ಐಶ್ವರ್ಯ ಮಂಚನಹಳ್ಳಿ ಮಹದೇವ (@AiyshwaryaM) February 18, 2020
@PayalKamat . ಏನಮ್ಮ, ನಿಂದಾ ಇದು?😊
— DP SATISH (@dp_satish) February 18, 2020
ಇಲ್ಲ ಸರ್ , ನಮ್ಮ ಆಫೀಸ್ ಸ್ನೇಹಿತರು ಮಾಡಿರುವದು ☺️
— Payal Kamat (@PayalKamat) February 18, 2020
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.