‘ಮನೆಯ ಅಡಿಪಾಯ ನೋಡಿ ಪರಿಹಾರ ನೀಡುವುದು ಸೂಕ್ತ’

ಕಾರವಾರ: ‘ಮನೆಗಳಲ್ಲಿ ನಾಲ್ಕು- ಐದು ಅಡಿ ನೀರು ತುಂಬಿ ಹಾನಿಯಾಗಿದೆ ಎಂದು ಕೇವಲ ಶೇ 50ರಷ್ಟು ಪರಿಹಾರ ನೀಡುವುದು ಸರಿಯಲ್ಲ. ಗ್ರಾಮೀಣ ಭಾಗದ ಬಹುತೇಕರ ಮನೆ ಗೋಡೆಗಳು ಮಣ್ಣಿನದ್ದಾಗಿವೆ.ಮನೆಯ ಅಡಿಪಾಯ ನೋಡಿ ಪರಿಹಾರ ನೀಡಬೇಕು’ ಎಂದು ಹಳಿಯಾಳ ಶಾಸಕ ಆರ್.ವಿ.ದೇಶಪಾಂಡೆ ಸರ್ಕಾರವನ್ನು ಒತ್ತಾಯಿಸಿದ್ದಾರೆ.

. ಗಂಗಾವಳಿ ನದಿಯ ಪ್ರವಾಹದಿಂದ ಹಾನಿಗೊಳಗಾದ ಅಂಕೋಲಾ ತಾಲ್ಲೂಕಿನ ವಿವಿಧ ಗ್ರಾಮಗಳಿಗೆ ಶುಕ್ರವಾರ ಭೇಟಿ ನೀಡಿದ ಅವರು, ನೆರೆಯಿಂದ ಆಗಿರುವ ಹಾನಿಯನ್ನು ಅವಲೋಕಿಸಿದರು.

. ಈ ಸಂದರ್ಭದಲ್ಲಿ ಮಾತನಾಡಿದ ಅವರು, ‘ಅಡಿಪಾಯಕ್ಕೆ ಹೆಚ್ಚಿನ ಹಾನಿಯಾಗಿದ್ದರೆ ಪೂರ್ಣ ಪ್ರಮಾಣದ ಪರಿಹಾರ ನೀಡಬೇಕು. ಈ ಬಗ್ಗೆ ಜಿಲ್ಲಾಧಿಕಾರಿಗೂ ತಿಳಿಸಿದ್ದೇನೆ’ ಎಂದರು.

. ಸರಳೆಬೈಲ್ಗೆ ಮೊದಲು ಭೇಟಿ ನೀಡಿದ ಅವರು, ಮಳೆಯಿಂದಾಗಿ ಹಾನಿಗೆ ಒಳಗಾದ ಮಾಣಿ ಗೌಡ ಅವರ ಮಣ್ಣಿನ ಮನೆಯನ್ನು ಪರಿಶೀಲಿಸಿದರು. ಈ ವೇಳೆ ಮಾತನಾಡಿ, ‘ಭಾಗಶಃ ಬಿದ್ದ ಮನೆಗಳಿಗೆ ಕನಿಷ್ಠ ₹ 5,200, ಗರಿಷ್ಠ ₹ 90 ಸಾವಿರದವರೆಗೆ ಪರಿಹಾರ ನೀಡುವಂತೆ ನಾನು ಕಂದಾಯ ಸಚಿವನಾಗಿದ್ದಾಗ ಆದೇಶಿಸಿದ್ದೆ. ಅದಕ್ಕೂ ಮೊದಲು ₹ 2 ಸಾವಿರ– ₹ 3 ಸಾವಿರಪರಿಹಾರ ನೀಡುತ್ತಿದ್ದರು. ಅದನ್ನು ಬದಲಾಯಿಸಿ, ಮನೆಗೆ ಶೇ 75ರಷ್ಟುಹಾನಿಯಾದರೆ ಶೇ 100ರಷ್ಟು ಪರಿಹಾರ ಕೊಡಲು ಅವಕಾಶ ಕಲ್ಪಿಸಿದ್ದೆ’ ಎಂದುನೆನಪಿಸಿಕೊಂಡರು.

. ಹೆಬ್ಬುಳದ ಪರಿಹಾರ ಕೇಂದ್ರಕ್ಕೆ ಭೇಟಿ ನೀಡಿ, ರಾಜನಗುಳಿ, ಹೊಳೆಗದ್ದೆ, ಸಂಕದಗುಳೆ ಗ್ರಾಮದ 50ಕ್ಕೂ ಅಧಿಕ ಸಂತ್ರಸ್ತರನ್ನು ಮಾತನಾಡಿದರು. ತಮ್ಮ ಮನೆಗಳು ಬಿದ್ದು ಹೋಗಿರುವ ಹಾಗೂ ಮನೆಗೆ ತೆರಳಲು ರಸ್ತೆಗಳು ಇಲ್ಲದ ಬಗ್ಗೆ ಸಂತ್ರಸ್ತರು ಹೇಳಿಕೊಂಡರು.

. ಜಾನುವಾರು ಗಣತಿಯಲ್ಲಿದ್ದರೆ ಸಾಕು:‘ಆಕಳುಗಳು ಪ್ರವಾಹದಲ್ಲಿ ಮೃತಪಟ್ಟಿವೆ. ಅವುಗಳ ಬಗ್ಗೆ ಯಾವ ದಾಖಲೆಯೂ ನಮ್ಮ ಬಳಿ ಇಲ್ಲ. ಜತೆಗೆ, ಅರಣ್ಯ ಅತಿಕ್ರಮಣ ಮಾಡಿಕೊಂಡು ಇಷ್ಟು ವರ್ಷ ವಾಸವಿದ್ದೆವು. ಇದೀಗ ಏನೂ ಇಲ್ಲದೆ ನಿರ್ಗತಿಕರಾಗಿದ್ದೇವೆ’ ಎಂದುಅಳಲು ತೋಡಿಕೊಂಡರು.

. ಇದಕ್ಕೆ ಪ್ರತಿಕ್ರಿಯೆ ನೀಡಿದ ದೇಶಪಾಂಡೆ, ‘ಜಾನುವಾರು ಗಣತಿಯಲ್ಲಿ ನಿಮ್ಮ ದನಗಳು ಒಳಗೊಂಡಿದ್ದರೆ ಸಾಕು. ಪರಿಹಾರಕ್ಕೆ ಮತ್ತೆ ಬೇರಾವುದೇ ಪುರಾವೆಗಳು ಬೇಡ. ಈ ಬಗ್ಗೆ ಯಾರೂ ಭಯ ಪಡುವುದು ಬೇಡ’ ಎಂದರು.

. ‘ಅರಣ್ಯ ಅತಿಕ್ರಮಣ ಭೂಮಿಯಲ್ಲಿ ಮತ್ತೆ ಮನೆ ಕಟ್ಟಿಕೊಂಡರೆ ಈಗಿನ ಪರಿಸ್ಥಿತಿಯೇ ಮುಂದುವರಿಯುತ್ತದೆ. ಅತಿಕ್ರಮಣಕಾರರಿಗೆ ಶಾಶ್ವತ ಪರಿಹಾರ ಕಲ್ಪಿಸಲು ಗ್ರಾಮ ಪಂಚಾಯ್ತಿ ವ್ಯಾಪ್ತಿಯಲ್ಲಿ ಜಾಗ ಹುಡುಕಿ, ಮನೆ ನಿರ್ಮಿಸಿಕೊಡಲು ಕ್ರಮ ಕೈಗೊಳ್ಳಿ’ ಎಂದು ಗ್ರಾಮ ಪಂಚಾಯ್ತಿ ಅಭಿವೃದ್ಧಿ ಅಧಿಕಾರಿಗೆ ಸಲಹೆ ನೀಡಿದರು.

. ಸಿಹಿ ಉಣಬಿಡಿಸಿ: ಇದೇ ವೇಳೆ ₹ 10 ಸಾವಿರ ಹಣವನ್ನು ಪಿ.ಡಿ.ಒ ಕೈಗಿತ್ತು, ‘ಮಕ್ಕಳಿಗೆ ಚಾಕಲೇಟ್, ತಿಂಡಿ, ಜನರಿಗೆ ಸಿಹಿ ಮಾಡಿಸಿ ಉಣಬಡಿಸಿ’ ಎಂದು ಹೇಳಿದರು.

. ‘ಹೆಬ್ಬುಳದ ಪರಿಹಾರ ಕೇಂದ್ರ ಮುಂದುವರಿಸಲು ಜಿಲ್ಲಾಧಿಕಾರಿಗೆ ಸೂಚಿಸಿದ್ದೇನೆ. ಜತೆಗೆ, ಶೀಘ್ರವಾಗಿ ₹ 10 ಸಾವಿರ ಪರಿಹಾರದ ಹಣವನ್ನು ವಿತರಣೆ ಮಾಡಲು ತಿಳಿಸಿದ್ದೇನೆ. ಹೆಬ್ಬುಳ ಭಾಗದಲ್ಲಿ ಜಾನುವಾರಿಗೆ ಮೇವಿನ ಕೊರತೆ ಇದೆ ಎಂಬುದು ನನ್ನ ಗಮನಕ್ಕೆ ಬಂದಿದ್ದು, ಹಸಿ ಅಥವಾ ಒಣ ಮೇವಿನ ವ್ಯವಸ್ಥೆಗೂ ಜಿಲ್ಲಾಧಿಕಾರಿಗೆ ತಿಳಿಸಿದ್ದೇನೆ’ ಎಂದು ದೇಶಪಾಂಡೆ ತಿಳಿಸಿದರು.

. ‘ಪ್ರವಾಹ ಸಂತ್ರಸ್ತರಾದವರಲ್ಲಿ ಅನೇಕರು ಅರಣ್ಯ ಅತಿಕ್ರಮಣ ಮಾಡಿಕೊಂಡು ಬಹಳ ವರ್ಷದಿಂದ ವಾಸವಿದ್ದವರು. ಹೀಗಾಗಿ ಅವರಿಗೆ ಅದನ್ನು ಸಕ್ರಮ ಮಾಡಿಕೊಡಲು ಅವಕಾಶವಿದ್ದರೆ ಸರ್ಕಾರ ಮಟ್ಟದಲ್ಲಿ ಮಾಡಲು ಜಿಲ್ಲಾಧಿಕಾರಿಗೆ ಸೂಚಿಸಿದ್ದೇನೆ’ ಎಂದರು.

. ರಾಮನಗುಳಿಯ ರಾಮನಾಥ ನಾಯ್ಕ ಅವರ ಮನೆಗೆ ಭೇಟಿ ನೀಡಿ, ನೀರಿನಲ್ಲಿ ನೆನೆದು ಹಾಳಾದ ಅಕ್ಕಿಯನ್ನು ಕೈಯಲ್ಲಿ ಹಿಡಿದು ಬೇಸರಿಸಿದರು. ‘ಸರ್ಕಾರದಿಂದ ಆಹಾರದ ಪ್ಯಾಕೆಜ್ ನೀಡುತ್ತಾರೆ. ಪಿ.ಡಿ.ಒ.ಜೊತೆ ಕೇಳಿ ಪಡೆಯಿರಿ. ಮನೆಗೆ ಹಾನಿಯಾಗಿದ್ದರೆ ಪರಿಹಾರ ನೀಡುತ್ತಾರೆ, ಭಯ ಪಡಬೇಡಿ’ ಎಂದು ಸಮಾಧಾನಿಸಿದರು.

. ಜಿಲ್ಲಾ ಪಂಚಾಯ್ತಿ ಅಧ್ಯಕ್ಷೆ ಜಯಶ್ರೀ ಮೊಗೇರ, ಉಪಾಧ್ಯಕ್ಷ ಸಂತೋಷ ರೇಣಕೆ, ಕಾಂಗ್ರೆಸ್ ಮುಖಂಡ ಸತೀಶ್ ಸೈಲ್, ರಮಾನಂದ ನಾಯಕ, ಗುತ್ತಿಗೆದಾರ ಜಿ.ಕೆ.ಶಿವಪ್ರಸಾದ್ ಇದ್ದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

‘ಮನೆಯ ಅಡಿಪಾಯ ನೋಡಿ ಪರಿಹಾರ ನೀಡುವುದು ಸೂಕ್ತ’

ಚಿನಕುರುಳಿ | 05 ಜುಲೈ 2025, ಶನಿವಾರ

ಚುರುಮುರಿ | ಮೌಂಟನ್ ಮೀಟಿಂಗ್!

ದಿನ ಭವಿಷ್ಯ | ಆತುರಗತಿಯಲ್ಲಿ ಓಡುವ ನಿಮ್ಮ ಯೋಚನೆಗೆ ಕಡಿವಾಣ ಹಾಕಿ

ಹುಬ್ಬಳ್ಳಿ | ವೇಶ್ಯಾವಾಟಿಕೆ; ಮಹಿಳೆಯರ ರಕ್ಷಣೆ: ಸುರಂಗ ಮಾರ್ಗದ ಅಡಗುತಾಣ ಪತ್ತೆ

ಚಿನ್ನ ಗೆದ್ದ ನೀರಜ್ ಚೋಪ್ರಾ: ಜಾವೆಲಿನ್ ಥ್ರೋ ಹಬ್ಬದಲ್ಲಿ ಸಂಭ್ರಮಿಸಿದ ಬೆಂಗಳೂರು

IND vs ENG U19: ಸೂರ್ಯವಂಶಿ ಮತ್ತೆ ‘ವೈಭವ’

ಕೆನಡಾ ಓಪನ್‌: ಸೆಮಿಫೈನಲ್‌ಗೆ ಶ್ರೀಕಾಂತ್

Wimbledon: ಸಬಲೆಂಕಾ, ಸಿನ್ನರ್‌ ಮುನ್ನಡೆ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ | 05 ಜುಲೈ 2025, ಶನಿವಾರ

ಚುರುಮುರಿ | ಮೌಂಟನ್ ಮೀಟಿಂಗ್!

ದಿನ ಭವಿಷ್ಯ | ಆತುರಗತಿಯಲ್ಲಿ ಓಡುವ ನಿಮ್ಮ ಯೋಚನೆಗೆ ಕಡಿವಾಣ ಹಾಕಿ

ಹುಬ್ಬಳ್ಳಿ | ವೇಶ್ಯಾವಾಟಿಕೆ; ಮಹಿಳೆಯರ ರಕ್ಷಣೆ: ಸುರಂಗ ಮಾರ್ಗದ ಅಡಗುತಾಣ ಪತ್ತೆ