ಸೋಲಾರ್‌ ಆರ್ಬಿಟರ್‌ನ ಫ್ಲೈಬೈ ಸಾಹಸ: ಬಾಹ್ಯಾಕಾಶ ತ್ಯಾಜ್ಯಕ್ಕೆ ಡಿಕ್ಕಿಯಾಗುವ ಅಪಾಯ

ಹೀಗೆ ಭೂಮಿಯ ಸಮೀಪ ಬಂದು ಹೋಗುವ ಪ್ರಕ್ರಿಯೆಯನ್ನು ಫ್ಲೈಬೈ ಎಂದು, 285 ಮೈಲಿ ಅಂತರದೊಳಗಿನ ಬಾಹ್ಯಾಕಾಶ ಪ್ರದೇಶವನ್ನು 'ಲೋ ಅರ್ಥ್‌ ಆರ್ಬಿಟ್‌(ಎಲ್‌ಇಒ) ಪ್ರದೇಶ' ಎಂದು ಕರೆಯಲಾಗುತ್ತದೆ. ಭೂಮಿಯ ಮೇಲ್ಮೈಯಿಂದ 250 ಕಿ.ಮೀ. ಮತ್ತು 2,000 ಕಿ.ಮೀ. ವ್ಯಾಪ್ತಿಯ ಪ್ರದೇಶವನ್ನು ಎಲ್‌ಇಒ ಎನ್ನಲಾಗುತ್ತದೆ. ಈ ಪ್ರದೇಶದಲ್ಲೇ ಅಂತರರಾಷ್ಟ್ರೀಯ ಬಾಹ್ಯಾಕಾಶ ಸಂಸ್ಥೆ ಸೇರಿದಂತೆ ಇತರ ಉಪಗ್ರಹಗಳನ್ನು ಕಾಣಬಹುದಾಗಿದೆ.

ಸೋಲಾರ್‌ ಆರ್ಬಿಟರ್‌ನ ಈ ಸಾಹಸದ ಹಿಂದೆ ಸೂರ್ಯನೆಡೆಗಿನ ಪಥವನ್ನು ಸರಿದೂಗಿಸಿಕೊಂಡು, ಸೂರ್ಯನನ್ನು ಕೂಲಂಕಷವಾಗಿ ಅಧ್ಯಯನ ಮಾಡುವ ಗುರಿಯಿದೆ. ಭೂಮಿಯ ಸಮೀಪಕ್ಕೆ ಬರುವುದರಿಂದ ಗುರುತ್ವಾಕರ್ಷಣೆಯ ಎಳೆತದ ಶಕ್ತಿಯನ್ನು ಬಳಸಿಕೊಂಡು ಉಪಗ್ರಹದ ವೇಗವನ್ನು ಹೆಚ್ಚಿಸುವುದು ಈ ಪ್ರಯೋಗದ ಗುಟ್ಟು. ಇದರಿಂದ ಸೋಲಾರ್‌ ಆರ್ಬಿಟರ್‌ನ ಚಿಮ್ಮುವಿಕೆ ಮತ್ತು ಮುನ್ನುಗ್ಗುವ ವೇಗ ಹೆಚ್ಚುತ್ತದೆ. ಸಾಧ್ಯವಾದಷ್ಟು ಸೂರ್ಯನ ಸಮೀಪಕ್ಕೆ ಹೋಗಿ ಅಧ್ಯಯನಕ್ಕೆ ಸಹಕರಿಸುತ್ತದೆ.

'ಸೋಲಾರ್‌ ಆರ್ಬಿಟರ್‌' ಸೂರ್ಯನ ಮೇಲೆ ಅಧ್ಯಯನ ನಡೆಸುತ್ತಿರುವ ಯುರೋಪಿಯನ್‌ ಸ್ಪೇಸ್‌ ಏಜೆನ್ಸಿಯ ಉಪಗ್ರಹವಾಗಿದೆ.