ಸಪ್ತ ಗ್ರಹಗಳನ್ನು ಬರಿಗಣ್ಣಲ್ಲೇ ನೋಡಿ: ಅವು ಕಾಣುವುದೆಲ್ಲಿ? ಯಾವಾಗ ನೋಡಬಹುದು?

ಬೆಂಗಳೂರು: ಇಂದು (ಶುಕ್ರವಾರ ಫೆ.28) ಗ್ರಹಗಳ ಸಾಲುಗೂಡುವಿಕೆಯ ಅಪರೂಪದ ಖಗೋಳ ವಿದ್ಯಮಾನಕ್ಕೆ ಈ ಜಗತ್ತು ಸಾಕ್ಷಿಯಾಗಲಿದೆ.

ಬುಧ, ಶುಕ್ರ, ಮಂಗಳ, ಗುರು, ಶನಿ, ಯುರೇನಸ್ ಮತ್ತು ನೆಪ್ಚೂನ್ ಗ್ರಹಗಳು ಒಟ್ಟಾಗಿ ಕಾಣಿಸಿಕೊಳ್ಳಲಿವೆ. ಈ ಏಳು ಗ್ರಹಗಳು ಇಂದು ರಾತ್ರಿ ಸೌರ ಮಂಡಲದಲ್ಲಿ ‘ಪಥಸಂಚಲನ’ ನಡೆಸಲಿವೆ.

. ಗ್ರಹಗಳು ಕಾಣುವುದೆಲ್ಲಿ?

ಭೂಮಿ ಸೇರಿದಂತೆ ಎಲ್ಲ ಗ್ರಹಗಳು ಇದೇ ಸಮತಲದಲ್ಲಿ ಸೂರ್ಯನ ಸುತ್ತ ತಿರುಗುವುದರಿಂದ ಎಲ್ಲ ಗ್ರಹಗಳು ರಾತ್ರಿ ಆಕಾಶದಲ್ಲಿ ಕಾಣಲಿವೆ. ಏಕಕಾಲದಲ್ಲಿ ಸೂರ್ಯನಿಗೆ ಹತ್ತಿರವಾಗಿ ಒಂದು ಬದಿಗೆ ಬಂದಾಗ ಗ್ರಹಗಳ ಸಾಲು ಕಾಣುತ್ತದೆ. ಈ ಗ್ರಹಗಳು ಸರಳ ರೇಖೆಯಲ್ಲಿ ಇರುವುದಿಲ್ಲ. ವೈಜ್ಞಾನಿಕವಾಗಿ ‘ಇಕ್ಲಿಪ್ಟಿಕ್’ ಎಂದು ಕರೆಯಲಾಗುವ ಕಲ್ಪನಾ ಪಥ ಅಥವಾ ಕಕ್ಷೆಯಲ್ಲಿ ಕಾಣಿಸಿಕೊಳ್ಳುತ್ತವೆ.

.ಆಳ–ಅಗಲ: ಏಳು ಗ್ರಹಗಳ ‘ಪಥಸಂಚಲನ’; ಇಂದು ಆಗಸದಲ್ಲಿ ಅಪರೂಪದ ವಿದ್ಯಮಾನ.ಆಗಸದಲ್ಲಿ ಗ್ರಹಗಳ ಮೆರವಣಿಗೆಯ ನೋಡಾ...!. ಯಾವಾಗ ವೀಕ್ಷಿಸಬಹುದು?

l ಶುಕ್ರವಾರ ಸಂಜೆ ಸೂರ್ಯಾಸ್ತ ಆದ ನಂತರ ಈ ಅಪರೂಪದ ವಿದ್ಯಮಾನವನ್ನು ವೀಕ್ಷಿಸಬಹುದು ಎಂದು ವಿಜ್ಞಾನಿಗಳು ಹೇಳಿದ್ದಾರೆ. ಭಾರತದಲ್ಲೂ ಎಲ್ಲ ಕಡೆಗಳಲ್ಲಿ ಈ ಖಗೋಳ ಕೌತುಕವನ್ನು ವೀಕ್ಷಿಸಬಹುದು. ಆಕಾಶ ಶುಭ್ರವಾಗಿರಬೇಕಷ್ಟೆ

l ಬುಧ, ಶುಕ್ರ, ಮಂಗಳ, ಗುರು, ಶನಿ ಗ್ರಹಗಳು ಬರಿ ಕಣ್ಣಿಗೆ ಗೋಚರಿಸಲಿವೆ ಯುರೇನಸ್ ಮತ್ತು ನೆಪ್ಚೂನ್ ಗ್ರಹಗಳನ್ನು ವೀಕ್ಷಿಸಲು ಬೈನಾಕ್ಯುಲರ್ ಅಥವಾ ದೂರದರ್ಶಕದ ಸಹಾಯ ಬೇಕು

l ಶುಕ್ರ ಮತ್ತು ಗುರು ಗ್ರಹವು ಹೆಚ್ಚು ಪ್ರಕಾಶಮಾನವಾಗಿರುವುದರಿಂದ ಗುರುತಿಸುವುದು ಸುಲಭ. ಮಂಗಳ ಗ್ರಹ ಕೊಂಚ ನಸುಗೆಂಪು ಬಣ್ಣದಲ್ಲಿ ಕಾಣಲಿದೆ

l ಬುಧ ಮತ್ತು ಶನಿ ಗ್ರಹಗಳು ಸೂರ್ಯಾಸ್ತ ಆದ ಸ್ವಲ್ಪ ಹೊತ್ತಿನಲ್ಲೇ ದಿಗಂತದಿಂದ ಕೆಳಗೆ ಜಾರುವುದರಿಂದ ಇವುಗಳ ವೀಕ್ಷಣೆಗೆಗೆ ಕೆಲವು ನಿಮಿಷಗಳ ಅವಕಾಶವಷ್ಟೇ ಸಿಗಬಹುದು ಎಂದು ವಿಜ್ಞಾನಿಗಳು ಹೇಳಿದ್ದಾರೆ.

. ಎಲ್ಲಿಯವರೆಗೂ ಈ ಖಗೋಳ ಅಚ್ಚರಿ ಕಾಣಲಿದೆ?

ಮಾರ್ಚ್ 1ರಿಂದ ಶನಿ ಗ್ರಹವು ಈ ಗ್ರಹಗಳ ಸಾಲಿನಿಂದ ಮರೆಯಾಗಲಿದೆ. ಇದರೊಂದಿಗೆ ಏಳು ಗ್ರಹಗಳ ಅಪರೂಪದ ಪಥಸಂಚಲನಕ್ಕೆ ತೆರೆ ಬೀಳಲಿದೆ.

. ಮತ್ತೆ ಈ ವಿದ್ಯಮಾನ ಯಾವಾಗ ಕಾಣಲಿದೆ?

ಮತ್ತೊಮ್ಮೆ ಇಂತಹ ಅಪರೂಪದ ವಿದ್ಯಮಾನಕ್ಕೆ ನಾವು ಸಾಕ್ಷಿಯಾಗಲು ಕನಿಷ್ಠ 15 ವರ್ಷ ಕಾಯಬೇಕು. 2040ನೇ ವರ್ಷದಲ್ಲಿ ಈ ವಿದ್ಯಮಾನ ಗೋಚರಿಸಲಿದೆ ಎಂದು ವಿಜ್ಞಾನಿಗಳು ಹೇಳಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಸಪ್ತ ಗ್ರಹಗಳನ್ನು ಬರಿಗಣ್ಣಲ್ಲೇ ನೋಡಿ: ಅವು ಕಾಣುವುದೆಲ್ಲಿ? ಯಾವಾಗ ನೋಡಬಹುದು?

ಚಿನಕುರುಳಿ | 05 ಜುಲೈ 2025, ಶನಿವಾರ

ಚುರುಮುರಿ | ಮೌಂಟನ್ ಮೀಟಿಂಗ್!

ದಿನ ಭವಿಷ್ಯ | ಆತುರಗತಿಯಲ್ಲಿ ಓಡುವ ನಿಮ್ಮ ಯೋಚನೆಗೆ ಕಡಿವಾಣ ಹಾಕಿ

ಮಂಗಳೂರು: ಬಾಲೆಯ ಚಿಕಿತ್ಸೆಗೆ 15 ಗಂಟೆಯಲ್ಲಿ ₹75 ಲಕ್ಷ ಸಂಗ್ರಹ

ಚಿನ್ನ ಗೆದ್ದ ನೀರಜ್ ಚೋಪ್ರಾ: ಜಾವೆಲಿನ್ ಥ್ರೋ ಹಬ್ಬದಲ್ಲಿ ಸಂಭ್ರಮಿಸಿದ ಬೆಂಗಳೂರು

IND vs ENG U19: ಸೂರ್ಯವಂಶಿ ಮತ್ತೆ ‘ವೈಭವ’

ಕೆನಡಾ ಓಪನ್‌: ಸೆಮಿಫೈನಲ್‌ಗೆ ಶ್ರೀಕಾಂತ್

Wimbledon: ಸಬಲೆಂಕಾ, ಸಿನ್ನರ್‌ ಮುನ್ನಡೆ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ | 05 ಜುಲೈ 2025, ಶನಿವಾರ

ಚುರುಮುರಿ | ಮೌಂಟನ್ ಮೀಟಿಂಗ್!

ದಿನ ಭವಿಷ್ಯ | ಆತುರಗತಿಯಲ್ಲಿ ಓಡುವ ನಿಮ್ಮ ಯೋಚನೆಗೆ ಕಡಿವಾಣ ಹಾಕಿ

ಮಂಗಳೂರು: ಬಾಲೆಯ ಚಿಕಿತ್ಸೆಗೆ 15 ಗಂಟೆಯಲ್ಲಿ ₹75 ಲಕ್ಷ ಸಂಗ್ರಹ