ಕ್ಯಾಮೆರಾ ಇಲ್ಲ, ಕಾಲ್‌ ಮಾಡಲು ಆಗಲ್ಲ; ಇದು ಗೂಗಲ್‌ 'ಪೇಪರ್‌ ಫೋನ್‌'

ಡಿಜಿಟಲ್ ಲೋಕದಿಂದ ಜನರನ್ನು ಬಿಡುಗಡೆಗೊಳಿಸಲು ಗೂಗಲ್ ಹೊಸ ಫೋನ್ ಪರಿಚಯಿಸಿದೆ. ಸೆಲ್ಫಿ ತೆಗೆದುಕೊಳ್ಳಲು ಇದರಲ್ಲಿ ಕ್ಯಾಮೆರಾ ಇಲ್ಲ, ಚಾಟ್ ಮಾಡಲು ವಾಟ್ಸ್ಆ್ಯಪ್ ಇನ್ಸ್ಟಾಲ್ ಆಗೋಲ್ಲ, ಯಾರೊಬ್ಬರಿಗೂ ಕರೆ ಮಾಡಿ ಮಾತು–ಕತೆ ನಡೆಸಲು ಸಾಧ್ಯವಿಲ್ಲ. ಒಂದರಿಂದೊಂದು ವಿಡಿಯೊ ನೋಡುತ್ತ ಕಾಲ ಕಳೆದುಕೊಳ್ಳಲು ಇದರಲ್ಲಿ ಡಿಸ್ಪ್ಲೇ ಸಹ ಇಲ್ಲ. ಇದು ಗೂಗಲ್ನ ಪ್ರಯೋಗಾತ್ಮಕ ವೇದಿಕೆಯಲ್ಲಿ ತೆರೆದುಕೊಂಡಿರುವ 'ಪೇಪರ್ ಫೋನ್'.

. ಸ್ಮಾರ್ಟ್ಫೋನ್ ವ್ಯಸಿನಿಗಳಾಗಿ ಡಿಜಿಟಲ್ ಲೋಕದೊಳಗೆ ವಿಹರಿಸುತ್ತ ವಾಸ್ತವದಿಂದ ಬಹುದೂರ ಸಾಗುತ್ತಿರುವ ಬೆಳವಣಿಗೆ 'ಸಾಮಾಜಿಕ ಮತ್ತು ವೈಯಕ್ತಿಕ ಆರೋಗ್ಯಕ್ಕೆ ಹಾನಿಕಾರ' ಎಂಬುದು ತಂತ್ರಜ್ಞಾನ ಸಂಸ್ಥೆಗಳ ಅರಿವಿಗೂ ಬಂದಂತಿದೆ. ಬೆರಳ ತುದಿಯಲ್ಲಿ ಲೋಕದ ಸಕಲ ಮಾಹಿತಿಯನ್ನೂ ಪೂರೈಸುತ್ತಿರುವ 'ಗೂಗಲ್' ಈಗ 'ಡಿಜಿಟಲ್ ಸ್ವಾಸ್ಥ್ಯ' ಕಾಪಾಡುವ ನಿಟ್ಟಿನಲ್ಲಿ ವಿನೂತನ ಪ್ರಯತ್ನಗಳಿಗೆ ಮುನ್ನುಡಿಯಾಗಿದೆ. ನಿತ್ಯ ಕಾರ್ಯಗಳಿಗೆ ಅಡ್ಡಿ ಎದುರಾಗದ ಹಾಗೆ ಡಿಜಿಟಲ್ ವ್ಯಸನವನ್ನು ದೂರಾಗಿಸುವ ಹಲವು ಪ್ರಯೋಗಗಳಿಗೆ ಸಂಸ್ಥೆ 'ಎಕ್ಸ್ಪೆರಿಮೆಂಟ್ ವಿತ್ ಗೂಗಲ್' (Experiments with Google) ಮುಖೇನ ವೇದಿಕೆ ಕಲ್ಪಿಸಿದೆ. ಇದರಿಂದ ಹೊರಬಂದಿರುವುದೇ ಪೇಪರ್ ಫೋನ್ ಆ್ಯಂಡ್ರಾಯ್ಡ್ ಅಪ್ಲಿಕೇಷನ್.

. ಅಗತ್ಯವಿರುವ ಎಲ್ಲ ಮಾಹಿತಿಯನ್ನು ಪ್ರಿಂಟ್ ಮಾಡುತ್ತಿದ್ದಂತೆ ಪೇಪರ್ ಫೋನ್ ಸಿದ್ಧಗೊಳ್ಳುತ್ತದೆ. ದಿನವಿಡೀ ಜತೆಯಲ್ಲಿಟ್ಟುಕೊಂಡು ಅಗತ್ಯವಿರುವಾಗ ಬೇಕಾದ ಮಾಹಿತಿ ಪಡೆದು ಮತ್ತೆ ಮಡಚಿ ಕಿಸೆಯಲ್ಲಿಟ್ಟುಕೊಳ್ಳಬಹುದು ಅಥವಾ ಕೈಯಲ್ಲೇ ಹಿಡಿದು ಓಡಾಡಬಹುದು. ಗೂಗಲ್ ಬಿಡುಗಡೆ ಮಾಡಿರುವ 'ಪೇಪರ್ ಫೋನ್' ಅಪ್ಲಿಕೇಷನ್ನಿಂದ ಪೇಪರ್ ಫೋನ್ ಪ್ರಿಂಟ್ ಮಾಡಿಕೊಳ್ಳಲು ಸಾಧ್ಯವಿದೆ.

. ಅತ್ಯಗತ್ಯ ಅಥವಾ ತುರ್ತು ಸಂಪರ್ಕ ಸಂಖ್ಯೆಗಳು, ತಲುಪಬೇಕಾದ ಸ್ಥಳದ ಮಾರ್ಗ(ಮ್ಯಾಪ್) ಹಾಗೂ ಮೀಟಿಂಗ್ ಪಟ್ಟಿಯನ್ನು ವ್ಯವಸ್ಥಿವಾಗಿ ಒಂದೇ ಪೇಪರ್ನಲ್ಲಿ ಮುದ್ರಿಸಿ ತೆಗೆಯಬಹುದು. ರೆಸಿಪಿ, ಕನ್ವರ್ಶನ್ ಚಾರ್ಟ್ಸ್, ಸೈನ್ ಲಾಂಗ್ವೇಜ್, ಮಲ್ಟಿಪ್ಲಿಕೇಷನ್ ಟೇಬಲ್ ಹಾಗೂ ರೆಸಿಪಿ ಸೇರಿದಂತೆ ಇತರೆ ಪೇಪರ್ ಆ್ಯಪ್ಗಳೊಂದಿಗೆ ಸಂಪರ್ಕ ಹೊಂದಲು ಅವಕಾಶವಿದ್ದು, ಅಗತ್ಯ ವಿವರಗಳನ್ನು ಸೇರ್ಪಡೆ ಮಾಡಿ ಪೇಪರ್ ಫೋನ್ ಪ್ರಿಂಟ್ ಪಡೆಯಬಹುದು.

. ಒಂದೇ ಹಾಳೆಯಲ್ಲಿ ಸುಡೋಕು, ಚಿಪ್ ಹೊಂದಿರುವ ಡೆಬಿಟ್ ಕಾರ್ಡ್ ಇಡಲು ನಿಗದಿತ ಸ್ಥಳ ಎಲ್ಲವನ್ನೂ ಒಳಗೊಳ್ಳುವ ಮೂಲಕ ಸ್ಮಾರ್ಟ್ಫೋನ್ ಮತ್ತು ಡಿಜಿಟಲ್ ಬಳಕೆಯಿಂದ ದಿನ ಪೂರ್ತಿ ಬಿಡುಗಡೆ ಪಡೆಯಲು ಈ ಯೋಜನೆ ಸಹಕಾರಿಯಾಗಿದೆ. ಗೂಗಲ್ ಪ್ಲೇ ಸ್ಟೋರ್ನಲ್ಲಿ Paper Phone ಆ್ಯಪ್ ಲಭ್ಯವಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕ್ಯಾಮೆರಾ ಇಲ್ಲ, ಕಾಲ್‌ ಮಾಡಲು ಆಗಲ್ಲ; ಇದು ಗೂಗಲ್‌ 'ಪೇಪರ್‌ ಫೋನ್‌'

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬಾಗೇಪಲ್ಲಿ ಕಾಂಗ್ರೆಸ್ ಶಾಸಕ‌ ಸುಬ್ಬಾರೆಡ್ಡಿ ನಿವಾಸದ ಮೇಲೆ ಇ.ಡಿ ದಾಳಿ

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

Wimbledon 2025: ಅರಿನಾ ಸಬಲೆಂಕಾಗೆ ಆಘಾತ ನೀಡಿದ ಅಮಂಡಾ ಅನಿಸಿಮೋವಾ

IND vs ENG 2nd Test: ಆತಿಥೇಯರಿಗೆ ರೂಟ್ ಆಸರೆ

ವಿಂಬಲ್ಡನ್‌ ಟೆನಿಸ್‌ ಟೂರ್ನಿ: ದಾಖಲೆಯ 14ನೇ ಬಾರಿ ಸೆಮಿಗೆ ಜೊಕೊವಿಚ್‌

ಮಂಗಳೂರಿನಲ್ಲಿ ರಾಜ್ಯ ರ‍್ಯಾಂಕಿಂಗ್ TT:ಮಹಿಳಾ ಸಿಂಗಲ್ಸ್ ಪ್ರಶಸ್ತಿ ಗೆದ್ದ ತೃಪ್ತಿ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬಾಗೇಪಲ್ಲಿ ಕಾಂಗ್ರೆಸ್ ಶಾಸಕ‌ ಸುಬ್ಬಾರೆಡ್ಡಿ ನಿವಾಸದ ಮೇಲೆ ಇ.ಡಿ ದಾಳಿ

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ