ಅಮೆರಿಕದಿಂದ 66 ಎಫ್‌–16 ಯುದ್ಧ ವಿಮಾನ ಖರೀದಿಸಲಿರುವ ತೈವಾನ್‌: ಚೀನಾಗೆ ಆತಂಕ
ಅಕ್ಷರ ಗಾತ್ರ :ಆ |ಆ |ಆ
ವಾಷಿಂಗ್ಟನ್‌: ಅತ್ಯಾಧುನಿಕ ಎಫ್‌–16 ಯುದ್ಧ ವಿಮಾನಗಳ ಖರೀದಿಗೆ ತೈವಾನ್‌ ಅಧಿಕೃತವಾಗಿ ಸಹಿ ಮಾಡಿರುವುದು ಅಮೆರಿಕ ಮತ್ತು ಚೀನಾ ನಡುವಿನ ಉದ್ವಿಗ್ನ ಪರಿಸ್ಥಿತಿ ಮತ್ತಷ್ಟು ಉಲ್ಬಣಗೊಳ್ಳುವ ಸಾಧ್ಯತೆ ಇದೆ.
ಅಮೆರಿಕದ ಲಾಕ್‌ಹೀಡ್‌ ಕಂಪೆನಿ ಎಫ್‌–16 ಯುದ್ಧ ವಿಮಾನಗಳನ್ನು ತಯಾರಿಸುತ್ತಿದ್ದು ತೈವಾನ್‌ ಎಫ್‌–16 ವಿಮಾನ ಖರೀದಿಗೆ ಮುಂದಾಗಿರುವುದನ್ನು 2026ರ ಅಂತ್ಯದ ವೇಳೆಗೆ ಸುಮಾರು 96 ಯುದ್ಧ ವಿಮಾನಗಳನ್ನು ತಯಾರಿಸುವುದಾಗಿ ಕಂಪನಿ ತಿಳಿಸಿದೆ.
1992ರಲ್ಲೇ ಎಫ್‌ ಸರಣಿಯ ಯುದ್ಧ ವಿಮಾನ ಖರೀದಿ ಬಗ್ಗೆ ಅಮೆರಿಕ ಮತ್ತು ತೈವಾನ್‌ ನಡುವೆ ಒಪ್ಪಂದವಾಗಿತ್ತು. ತೈವಾನ್‌ಗೆ ಎಫ್‌–16 ಯುದ್ಧ ವಿಮಾನ ನೀಡುವ ಬಗ್ಗೆ ಚೀನಾ ಆಕ್ಷೇಪ ವ್ಯಕ್ತಪಡಿಸುವ ಸಾಧ್ಯತೆಗಳಿವೆ.
ತೈವಾನ್‌ಗೆ ಯುದ್ಧ ವಿಮಾನಗಳು ಹಾಗೂ ಶಸ್ತ್ರಾಸ್ತ್ರ ಮಾರಾಟ ಮಾಡುವುದನ್ನು ನಿಲ್ಲಿಸಬೇಕು ಎಂದು ಚೀನಾ ಬಲವಾಗಿ ತಾಕೀತು ಮಾಡಿತ್ತು. ಇಲ್ಲವಾದಲ್ಲಿ ಅಮೆರಿಕ ಎಲ್ಲಾ ರೀತಿಯ ಪರಿಣಾಮಗಳನ್ನು ಎದುರಿಸಬೇಕಾಗುತ್ತದೆ ಎಂಬ ಎಚ್ಚರಿಕೆಯನ್ನು ನೀಡಿತ್ತು.
ಈಗಾಗಲೇ ಅಮೆರಿಕ ಸಂಸತ್ತಿನಲ್ಲಿ ತೈವಾನ್‌ಗೆ ಯುದ್ಧ ವಿಮಾನ ಮಾರಾಟ ಮಾಡುವ ಬಗ್ಗೆ ಕಳೆದ ವರ್ಷವೇ ಅನೌಪಚಾರಿಕವಾಗಿ ಒಪ್ಪಿಗೆ ಪಡೆಯಲಾಗಿತ್ತು ಎಂದು ಲಾಕ್‌ಹೀಡ್‌ ಕಂಪೆನಿಯ ಉನ್ನತ ಮೂಲಗಳು ತಿಳಿಸಿವೆ. ಜಾಗತಿಕವಾಗಿ 400 ಎಫ್‌–16 ಯುದ್ಧ ವಿಮಾನಗಳು ಹಾರಾಟ ನಡೆಸುತ್ತಿವೆ.
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
