ಷೇರು ಸಂಬಂಧಿತ ಎಂಎಫ್‌ ಒಳಹರಿವು ಮೇನಲ್ಲಿ 5 ತಿಂಗಳ ಕನಿಷ್ಠ ಮಟ್ಟಕ್ಕೆ
ಅಕ್ಷರ ಗಾತ್ರ :ಆ |ಆ |ಆ
ನವದೆಹಲಿ: ಷೇರು ಸಂಬಂಧಿತ ಮ್ಯೂಚುವಲ್ ಫಂಡ್‌ಗಳಲ್ಲಿ (ಎಂಎಫ್‌) ಬಂಡವಾಳ ಹೂಡಿಕೆಯು ಮೇ ತಿಂಗಳಿನಲ್ಲಿ 5 ತಿಂಗಳ ಕನಿಷ್ಠ ಮಟ್ಟಕ್ಕೆ ಇಳಿಕೆಯಾಗಿದೆ.
ಮೇನಲ್ಲಿ ₹ 5,256 ಕೋಟಿ ಹೂಡಿಕೆಯಾಗಿದೆ. ಏಪ್ರಿಲ್‌ನಲ್ಲಿನ ಹೂಡಿಕೆ ₹ 6,213 ಕೋಟಿ ಇತ್ತು.
ಮ್ಯೂಚುವಲ್ ಫಂಡ್‌ ಉದ್ಯಮದಲ್ಲಿನ ಒಟ್ಟಾರೆ ಹೂಡಿಕೆಯು ಮೇನಲ್ಲಿ ₹ 70,813 ಕೋಟಿಗಳಷ್ಟಾಗಿದೆ. ಏಪ್ರಿಲ್‌ನಲ್ಲಿ ₹ 45,999 ಕೋಟಿ ಇತ್ತು.
ಲಾಕ್‌ಡೌನ್‌ ಇದ್ದರೂ ವ್ಯವಸ್ಥಿತ ಹೂಡಿಕೆ ಯೋಜನೆ (ಸಿಪ್‌) ಮೂಲಕ ತಿಂಗಳ ಬಂಡವಾಳ ಹೂಡಿಕೆ ₹ 8 ಸಾವಿರ ಕೋಟಿಯ ಗಡಿ ದಾಟಿದೆ. ಮೇನಲ್ಲಿ ₹ 8,123 ಕೋಟಿ ಹೂಡಿಕೆಯಾಗಿದೆ. 2019–20ರಲ್ಲಿ ತಿಂಗಳ ಹೂಡಿಕೆಯು ₹ 8,100 ಕೋಟಿಗಳಿಂದ ₹ 8,600 ಕೋಟಿಯ ಒಳಗಿತ್ತು.
ಚಿನ್ನದ ವಿನಿಮಯ ವಹಿವಾಟು ನಿಧಿಯಲ್ಲಿ (ಇಟಿಎಫ್‌) ₹ 815 ಕೋಟಿ ಹೂಡಿಕೆಯಾಗಿದೆ. ಏಪ್ರಿಲ್‌ನಲ್ಲಿ ₹ 731 ಕೋಟಿ ಹೂಡಿಕೆಯಾಗಿತ್ತು.
ಎಂಎಫ್‌ ನಿರ್ವಹಣಾ ಸಂಪತ್ತು
₹ 24.55 ಲಕ್ಷ ಕೋಟಿ: ಮೇ ಅಂತ್ಯಕ್ಕೆ
₹ 23.93 ಲಕ್ಷ ಕೋಟಿ: ಏಪ್ರಿಲ್‌ ಅಂತ್ಯಕ್ಕೆ
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.
ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.
ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.
