<p><strong>ಬೆಂಗಳೂರು: </strong>ದೇಶದ ಪ್ರಮುಖ ದೂರ ಸಂಪರ್ಕ ಸೇವಾಧಾರ ಸಂಸ್ಥೆ ಭಾರ್ತಿ ಏರ್ಟೆಲ್ನಲ್ಲಿ ಜಾಗತಿಕ ಸಂಸ್ಥೆ ಅಮೆಜಾನ್ 2 ಬಿಲಿಯನ್ ಡಾಲರ್ (ಸುಮಾರು ₹15,000 ಕೋಟಿ) ಷೇರು ಪಡೆಯಲು ಮಾತುಕತೆ ನಡೆದಿರುವುದಾಗಿ ವರದಿಯಾಗಿದೆ. ರಿಲಯನ್ಸ್ ಆರು ವಾರಗಳಲ್ಲಿ ಆರನೇ ಸಂಸ್ಥೆಯೊಂದಿಗೆ ಹೂಡಿಕೆ ಒಪ್ಪಂದ ಮಾಡಿಕೊಂಡಿದೆ. ದೂರ ಸಂಪರ್ಕ ಸಂಸ್ಥೆಗಳಲ್ಲಿನ ಈ ಬೆಳವಣಿಗೆಗಳು ಷೇರುಪೇಟೆಯಲ್ಲಿ ಶುಕ್ರವಾರ ಉತ್ಸಾಹ ಮೂಡಿಸಿದೆ.</p>.<p>ಮುಂಬೈ ಷೇರುಪೇಟೆ ಸಂವೇದಿ ಸೂಚ್ಯಂಕ ಸೆನ್ಸೆಕ್ಸ್ 295.97 ಅಂಶ ಹೆಚ್ಛಳವಾಗಿ 34,276.67 ಅಂಶ ತಲುಪಿದೆ. ರಾಷ್ಟ್ರೀಯ ಷೇರುಪೇಟೆ ಸಂವೇದಿ ಸೂಚ್ಯಂಕ ನಿಫ್ಟಿ 114 ಅಂಶ ಏರಿಕೆಯಾಗಿ 10,143.10 ಅಂಶಗಳಲ್ಲಿ ವಹಿವಾಟು ನಡೆದಿದೆ.</p>.<p>ಅಬು–ಧಾಬಿ ಮೂಲದ ಮುಬದಲಾ ಸಂಸ್ಥೆ ಜಿಯೊ ಪ್ಲಾಟ್ಫಾರ್ಮ್ಗಳಲ್ಲಿ ₹9,093.60 ಕೋಟಿ ಹೂಡಿಕೆ ಮಾಡಲಿರುವುದು ಪ್ರಕಟಗೊಂಡ ಬೆನ್ನಲ್ಲೇ ರಿಲಯನ್ಸ್ ಇಂಡಸ್ಟ್ರೀಸ್ ಷೇರು ಶೇ 2.38ರಷ್ಟು ಏರಿಕೆಯಾಗಿ 52 ವಾರಗಳ ಅಧಿಕ ಮಟ್ಟ ₹1,617.70 ಮುಟ್ಟಿತು. ಒಟಿಟಿ ಸಂಸ್ಥೆಗಳೊಂದಿಗೆ ಒಪ್ಪಂದ ಮಾಡಿಕೊಳ್ಳುತ್ತಿರುವ ಏರ್ಟೆಲ್ನಲ್ಲಿ ಅಮೆಜಾನ್ 2 ಬಿಲಿಯನ್ ಡಾಲರ್ ಮೌಲ್ಯದ ಷೇರು ಖರೀದಿಸುವ ಯೋಜನೆ ಇರುವುದಾಗಿ ವರದಿಯಾಗಿದ್ದು, ಏರ್ಟೆಲ್ ಷೇರು ಸಹ ಶೇ 1ರಷ್ಟು ಗಳಿಕೆ ದಾಖಲಿಸಿದೆ. ಇಂದು ಪ್ರತಿ ಷೇರಿಗೆ ₹584ರ ವರೆಗೂ ವಹಿವಾಟು ನಡೆದಿದೆ. ಆದರೆ, ಅಮೆಜಾನ್ ಜೊತೆಗೆ ಅಂತಹ ಮಾತುಕತೆ ನಡೆದಿಲ್ಲ ಎಂದು ಏರ್ಟೆಲ್ ಹೇಳಿದೆ.</p>.<p>ತೀವ್ರ ಕುಸಿತಕ್ಕೆ ಒಳಗಾಗಿದ್ದ ಟಾಟಾ ಮೋಟಾರ್ಸ್ ಷೇರು ಇಂದು ದಿಢೀರ್ ಏರಿಕೆಯಾಗಿದೆ. ಶೇ 11.47ರಷ್ಟು ಗಳಿಕೆಯೊಂದಿಗೆ ಪ್ರತಿ ಷೇರು ಬೆಲೆ ₹110 ಆಗಿದೆ. ಲೋಹ ವಲಯ ಹಾಗೂ ಸಾರ್ವಜನಿಕ ವಲಯದ ಬ್ಯಾಂಕ್ಗಳ ಷೇರುಗಳು ಗಳಿಕೆ ದಾಖಲಿಸಿವೆ. ಎಸ್ಬಿಐ, ಸನ್ ಫಾರ್ಮಾ, ಟಾಟಾ ಸ್ಟೀಲ್, ಬಜಾಜ್ ಫೈನಾನ್ಸ್ ಷೇರುಗಳು ಏರಿಕೆ ಕಂಡಿವೆ.</p>.<p>ಟಿಸಿಎಸ್, ಹಿಂದುಸ್ತಾನ್ ಯೂನಿಲಿವರ್ ಷೇರುಗಳು ಕುಸಿತ ಕಂಡಿವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು: </strong>ದೇಶದ ಪ್ರಮುಖ ದೂರ ಸಂಪರ್ಕ ಸೇವಾಧಾರ ಸಂಸ್ಥೆ ಭಾರ್ತಿ ಏರ್ಟೆಲ್ನಲ್ಲಿ ಜಾಗತಿಕ ಸಂಸ್ಥೆ ಅಮೆಜಾನ್ 2 ಬಿಲಿಯನ್ ಡಾಲರ್ (ಸುಮಾರು ₹15,000 ಕೋಟಿ) ಷೇರು ಪಡೆಯಲು ಮಾತುಕತೆ ನಡೆದಿರುವುದಾಗಿ ವರದಿಯಾಗಿದೆ. ರಿಲಯನ್ಸ್ ಆರು ವಾರಗಳಲ್ಲಿ ಆರನೇ ಸಂಸ್ಥೆಯೊಂದಿಗೆ ಹೂಡಿಕೆ ಒಪ್ಪಂದ ಮಾಡಿಕೊಂಡಿದೆ. ದೂರ ಸಂಪರ್ಕ ಸಂಸ್ಥೆಗಳಲ್ಲಿನ ಈ ಬೆಳವಣಿಗೆಗಳು ಷೇರುಪೇಟೆಯಲ್ಲಿ ಶುಕ್ರವಾರ ಉತ್ಸಾಹ ಮೂಡಿಸಿದೆ.</p>.<p>ಮುಂಬೈ ಷೇರುಪೇಟೆ ಸಂವೇದಿ ಸೂಚ್ಯಂಕ ಸೆನ್ಸೆಕ್ಸ್ 295.97 ಅಂಶ ಹೆಚ್ಛಳವಾಗಿ 34,276.67 ಅಂಶ ತಲುಪಿದೆ. ರಾಷ್ಟ್ರೀಯ ಷೇರುಪೇಟೆ ಸಂವೇದಿ ಸೂಚ್ಯಂಕ ನಿಫ್ಟಿ 114 ಅಂಶ ಏರಿಕೆಯಾಗಿ 10,143.10 ಅಂಶಗಳಲ್ಲಿ ವಹಿವಾಟು ನಡೆದಿದೆ.</p>.<p>ಅಬು–ಧಾಬಿ ಮೂಲದ ಮುಬದಲಾ ಸಂಸ್ಥೆ ಜಿಯೊ ಪ್ಲಾಟ್ಫಾರ್ಮ್ಗಳಲ್ಲಿ ₹9,093.60 ಕೋಟಿ ಹೂಡಿಕೆ ಮಾಡಲಿರುವುದು ಪ್ರಕಟಗೊಂಡ ಬೆನ್ನಲ್ಲೇ ರಿಲಯನ್ಸ್ ಇಂಡಸ್ಟ್ರೀಸ್ ಷೇರು ಶೇ 2.38ರಷ್ಟು ಏರಿಕೆಯಾಗಿ 52 ವಾರಗಳ ಅಧಿಕ ಮಟ್ಟ ₹1,617.70 ಮುಟ್ಟಿತು. ಒಟಿಟಿ ಸಂಸ್ಥೆಗಳೊಂದಿಗೆ ಒಪ್ಪಂದ ಮಾಡಿಕೊಳ್ಳುತ್ತಿರುವ ಏರ್ಟೆಲ್ನಲ್ಲಿ ಅಮೆಜಾನ್ 2 ಬಿಲಿಯನ್ ಡಾಲರ್ ಮೌಲ್ಯದ ಷೇರು ಖರೀದಿಸುವ ಯೋಜನೆ ಇರುವುದಾಗಿ ವರದಿಯಾಗಿದ್ದು, ಏರ್ಟೆಲ್ ಷೇರು ಸಹ ಶೇ 1ರಷ್ಟು ಗಳಿಕೆ ದಾಖಲಿಸಿದೆ. ಇಂದು ಪ್ರತಿ ಷೇರಿಗೆ ₹584ರ ವರೆಗೂ ವಹಿವಾಟು ನಡೆದಿದೆ. ಆದರೆ, ಅಮೆಜಾನ್ ಜೊತೆಗೆ ಅಂತಹ ಮಾತುಕತೆ ನಡೆದಿಲ್ಲ ಎಂದು ಏರ್ಟೆಲ್ ಹೇಳಿದೆ.</p>.<p>ತೀವ್ರ ಕುಸಿತಕ್ಕೆ ಒಳಗಾಗಿದ್ದ ಟಾಟಾ ಮೋಟಾರ್ಸ್ ಷೇರು ಇಂದು ದಿಢೀರ್ ಏರಿಕೆಯಾಗಿದೆ. ಶೇ 11.47ರಷ್ಟು ಗಳಿಕೆಯೊಂದಿಗೆ ಪ್ರತಿ ಷೇರು ಬೆಲೆ ₹110 ಆಗಿದೆ. ಲೋಹ ವಲಯ ಹಾಗೂ ಸಾರ್ವಜನಿಕ ವಲಯದ ಬ್ಯಾಂಕ್ಗಳ ಷೇರುಗಳು ಗಳಿಕೆ ದಾಖಲಿಸಿವೆ. ಎಸ್ಬಿಐ, ಸನ್ ಫಾರ್ಮಾ, ಟಾಟಾ ಸ್ಟೀಲ್, ಬಜಾಜ್ ಫೈನಾನ್ಸ್ ಷೇರುಗಳು ಏರಿಕೆ ಕಂಡಿವೆ.</p>.<p>ಟಿಸಿಎಸ್, ಹಿಂದುಸ್ತಾನ್ ಯೂನಿಲಿವರ್ ಷೇರುಗಳು ಕುಸಿತ ಕಂಡಿವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
