ದಿನದ ಸೂಕ್ತಿ: ಸುಖ ಮತ್ತು ದುಃಖ

ಸುಖಮಾಪತಿತಂ ಸೇವ್ಯಂ ದುಃಖಮಾಪತಿತಂ ತಥಾ । ಚಕ್ರವತ್ಪರಿವರ್ತಂತೇ ದುಃಖಾನಿ ಚ ಸುಖಾನಿ ಚ ।।

. ಇದರ ತಾತ್ಪರ್ಯ ಹೀಗೆ: ‘ನಮಗೆ ಬಂದೊದಗಿದ ಸುಖವನ್ನೂ ಅಂತೆಯೇ ದುಃಖವನ್ನೂ ಅನುಭವಿಸಲೇ ಬೇಕು. ದುಃಖಗಳೂ ಸುಖಗಳೂ ಒಂದಾದಮೇಲೊಂದರಂತೆ ಚಕ್ರದ ಹಾಗೆ ಸುತ್ತುತ್ತಿರುತ್ತವೆ.’

. ಕಳೆದ ವರ್ಷ ಸುಮಾರು ಇದೇ ಸಮಯದಲ್ಲಿ ನಮ್ಮ ಮೇಲೆ ಕೊರೊನಾ ದಾಳಿ ಆರಂಭವಾಯಿತು. ಹಲವು ತಿಂಗಳು ನಮ್ಮನ್ನು ತುಂಬ ಕಾಡಿತು. ಇನ್ನೇನು ಅದರ ಹಾವಳಿ ಕಡಿಮೆ ಆಯಿತು; ಮೊದಲಿನಂತೆಯೇ ನೆಮ್ಮದಿಯಾಗಿ ಬಾಳಬಹುದು ಎಂದು ಅಂದುಕೊಳ್ಳುವಷ್ಟರಲ್ಲೇ ಮತ್ತೆ ಕೊರೊನಾ ಅಲೆ ನಮ್ಮ ಮೇಲೆ ಎರಗುತ್ತಿರುವಂತಿದೆ. ಸುಖವಾಗಿದ್ದಾಗ ದುಃಖ ಬಂದೊದಗಿತು; ಹೀಗೆಂದು ದುಃಖವೊಂದೇ ಉಳಿಯಲಿಲ್ಲ, ಅದರ ಜೊತೆಗೆ ಸುಖವೂ ಬಂದಿತು; ಆದರೆ ಸುಖವಷ್ಟೆ ನೆಲೆ ನಿಲ್ಲಲಿಲ್ಲ; ದುಃಖವೂ ಅದರ ಜೊತೆಯಾಗಿದೆ. ಎಂದರೆ ಸುಖ–ದುಃಖ – ಒಂದಾದಮೇಲೊಂದರಂತೆ ನಿರಂತರವಾಗಿ ಸುತ್ತುತ್ತಲೇ ಇರುತ್ತದೆ ಎಂಬುದು ಸ್ಪಷ್ಟವಾಗಿ ನಮ್ಮ ಅನುಭವಕ್ಕೇ ಬರುತ್ತಿರುತ್ತದೆ. ಇದನ್ನೇ ಸುಭಾಷಿತ ಹೇಳುತ್ತಿರುವುದು.

. ಹೀಗೆಂದು ನಾವು ಸುಖ ಮಾತ್ರವೇ ಇರಲಿ ಎಂದು ಆಶಿಸಲೂ ಆಗದು, ದುಃಖ ಮಾತ್ರವೇ ಇರುತ್ತದೆ ಎಂಬ ಆತಂಕವೂ ಸಲ್ಲದು; ಎರಡೂ ಚಕ್ರದಂತೆ ಸುತ್ತುತ್ತಲೇ ಇರುತ್ತವೆ. ಈ ವಾಸ್ತವವನ್ನು ನಾವು ತಿಳಿದುಕೊಂಡರೆ ಆಗ ಜೀವನವನ್ನು ನಾವು ತುಂಬ ವಿವೇಕದಿಂದ ನಿರ್ವಹಿಸಬಹುದು.

. ಇನ್ನೊಂದು ಸುಭಾಷಿತವನ್ನು ನೋಡಿ:

. ಸುಖಮಧ್ಯೇ ಸ್ಥಿತಂ ದುಃಖಂ ದುಃಖಮಧ್ಯೇ ಸ್ಥಿತಂ ಸುಖಮ್ । ದ್ವಯಮನ್ಯೋನ್ಯಸಂಯುಕ್ತಂ ಪ್ರೋಚ್ಯತೇ ಜಲಪಂಕವತ್ ।।

. ಎಂದರೆ ‘ಸುಖದ ಮಧ್ಯೆ ದುಃಖವಿದೆ; ದುಃಖದ ಮಧ್ಯೆ ಸುಖವಿದೆ. ನೀರು ಮತ್ತು ಕೆಸರು ಹೇಗೆ ಕೂಡಿಕೊಂಡಿರುತ್ತವೆಯೋ ಹಾಗೆಯೇ ಸುಖ ಮತ್ತು ದುಃಖ ಎರಡೂ ಕೂಡಿಕೊಂಡಿರುತ್ತವೆ.’

. ಸುಖ ಮತ್ತು ದುಃಖ ಒಂದು ಇನ್ನೊಂದನ್ನು ಬಿಟ್ಟು ಇರುವುದಿಲ್ಲ; ಹೇಗೆ ಹಗಲು ಮತ್ತು ರಾತ್ರಿಗಳು ಜೊತೆಯಾಗಿರುತ್ತವೆಯೋ ಹಾಗೆಯೇ ಇವೆರಡು ಕೂಡ ಸಂಗಾತಿಗಳಂತೆಯೇ ಇರುತ್ತವೆ.

. ಜೀವನದ ಸಣ್ಣ ಸಣ್ಣ ಸಂಗತಿಗಳಲ್ಲೂ ಈ ಸತ್ಯವನ್ನು ನಾವು ಕಾಣಬಹುದು.

. ಕಷ್ಟಪಟ್ಟು ಓದಿದರೆ ಪರೀಕ್ಷೆಯನ್ನು ಸುಲಭವಾಗಿ ಎದುರಿಸಬಹುದು. ಹೌದು, ಓದುವಾಗ ತುಂಬ ಕಷ್ಟಪಡಬೇಕಾಗುತ್ತದೆ; ಆದರೆ ಆ ಕಷ್ಟದಲ್ಲಿಯೇ ಪರೀಕ್ಷೆಯನ್ನು ಸುಲಭವಾಗಿಸುವ ಸುಖದ ಗುಟ್ಟು ಕೂಡ ಅಡಗಿರುತ್ತದೆ. ಹೀಗೆಯೇ ಕಷ್ಟಪಟ್ಟು ದುಡಿದು ಜೀವನವನ್ನು ರೂಪಿಸಿಕೊಂಡರೆ ಆಗ ಜೀವನದ ಸುಖವನ್ನು ಸವಿಯಬಹುದು.

. ಸುಖದಲ್ಲಿ ಕರಗಿಹೋಗದೆ, ದುಃಖದಲ್ಲಿ ಕೊಚ್ಚಿಹೋಗದೆ ಜೀವನವನ್ನು ಸಮತೋಲನದಿಂದ ರೂಪಿಸಿಕೊಳ್ಳಬಲ್ಲ ಜಾಣ್ಮೆ ನಮಗೆ ದಕ್ಕಬೇಕು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ದಿನದ ಸೂಕ್ತಿ: ಸುಖ ಮತ್ತು ದುಃಖ

ಚಿನಕುರುಳಿ ಕಾರ್ಟೂನು: ಮಂಗಳವಾರ, 09 ಸೆಪ್ಟೆಂಬರ್ 2025

ಚುರುಮುರಿ: ಗ್ರೇಟರ್ ಗಾರುಡಿ

ಬಸವರಾಜ ಹೊರಟ್ಟಿ– ಯು.ಟಿ.ಖಾದರ್ ಪತ್ರ ಸಮರ

ನಮ್ಮ ಮೆಟ್ರೊ ನೀಲಿ ಮಾರ್ಗ: 2ಎ ಕಾಮಗಾರಿ ಅಂತಿಮ ಹಂತಕ್ಕೆ

ತಿಮ್ಮಪ್ಪಯ್ಯ ಸ್ಮಾರಕ ಕ್ರಿಕೆಟ್ | ಕಾರ್ತಿಕೇಯ ಶತಕ: ಸುಸ್ಥಿತಿಯಲ್ಲಿ ಕೋಲ್ಟ್ಸ್‌

ಏಷ್ಯಾ ಕಪ್: ಅಫ್ಗನ್‌ಗೆ ಮಣಿದ ಹಾಂಗ್‌ಕಾಂಗ್‌

ಏಷ್ಯಾ ಕಪ್ ಕ್ರಿಕೆಟ್: ಸ್ಪರ್ಧಾತ್ಮಕ ಮೊತ್ತ ಪೇರಿಸಿದ ಅಫ್ಗಾನಿಸ್ತಾನ

ಫಿಡೆ ಗ್ರ್ಯಾಂಡ್‌ ಸ್ವಿಸ್‌ ಚೆಸ್‌ ಟೂರ್ನಿ: ಅಗ್ರಸ್ಥಾನದಲ್ಲಿ ಮಘಸೂಡ್ಲು, ವೈಶಾಲಿ

ಒಳನೋಟ | ನೆರೆ ಸಂತ್ರಸ್ತರ ತೀರದ ಬವಣೆ

Elephant Attack | ಆನೆ ದಾಳಿ ಸಂತ್ರಸ್ತರ ಅರಣ್ಯ ರೋದನ

ಒಳನೋಟ: ಬೆಳಗಾವಿ, ಮಹಾರಾಷ್ಟ್ರ ಗಡಿಯಲ್ಲಿ ಮದ್ಯ ಅಕ್ರಮ ಸಾಗಣೆ ನಿರಂತರ..!

ಒಳನೋಟ: ಬಿಆರ್‌ಟಿಗೆ ಒತ್ತುವರಿ ಸಂಕಟ

ಚಿನಕುರುಳಿ ಕಾರ್ಟೂನು: ಮಂಗಳವಾರ, 09 ಸೆಪ್ಟೆಂಬರ್ 2025

ಚುರುಮುರಿ: ಗ್ರೇಟರ್ ಗಾರುಡಿ

ಬಸವರಾಜ ಹೊರಟ್ಟಿ– ಯು.ಟಿ.ಖಾದರ್ ಪತ್ರ ಸಮರ

ನಮ್ಮ ಮೆಟ್ರೊ ನೀಲಿ ಮಾರ್ಗ: 2ಎ ಕಾಮಗಾರಿ ಅಂತಿಮ ಹಂತಕ್ಕೆ