ದಿನದ ಸೂಕ್ತಿ: ಪ್ರಾಮಾಣಿಕ ಜೀವನ

ದಾನೇನ ಪಾಣಿರ್ನ ತು ಕಂಕಣೇನ

. ಸ್ನಾನೇನ ಶುದ್ಧಿರ್ನ ಚ ಚಂದನೇನ ।

. ಮಾನೇನ ತೃಪ್ತಿರ್ನ ತು ಭೋಜನೇನ

. ಜ್ಞಾನೇನ ಮುಕ್ತಿರ್ನ ತು ಮಂಡನೇನ ।।

. ಇದರ ತಾತ್ಪರ್ಯ ಹೀಗೆ:

. ’ಕೈಗಳಿಗೆ ಶುದ್ಧಿ ದಾನದಿಂದಲೇ ವಿನಾ ಕಂಕಣದಿಂದಲ್ಲ; ಶರೀರಕ್ಕೆ ಸ್ನಾನದಿಂದ ಶುದ್ಧಿಯೇ ವಿನಾ ಚಂದನಲೇಪದಿಂದ ಅಲ್ಲ; ಮನುಷ್ಯನಿಗೆ ಸನ್ಮಾನದಿಂದ ತೃಪ್ತಿಯೇ ವಿನಾ ಭೋಜನದಿಂದ ಅಲ್ಲ; ಜ್ಞಾನದಿಂದ ಮೋಕ್ಷವೇ ವಿನಾ ವಸ್ತ್ರ–ಭೂಷಣಗಳಿಂದ ಅಲ್ಲ.’

. ಜೀವನದಲ್ಲಿ ಕೆಲವೊಂದು ವಿಷಯಗಳನ್ನು ತಪ್ಪಾಗಿ ತಿಳಿದುಕೊಂಡಿರುತ್ತೇವೆ. ಇದರಿಂದ ನಾವು ನಮಗೇ ತೊಂದರೆಗಳನ್ನು ಸೃಷ್ಟಿಸಿಕೊಳ್ಳುತ್ತಿರುತ್ತೇವೆ ; ಮಾತ್ರವಲ್ಲ, ಅದರಿಂದ ನಮ್ಮ ಜೀವನದ ದಿಕ್ಕೇ ಬದಲಾಗಬಹುದು. ಅಂಥ ಕೆಲವೊಂದು ಸಂಗತಿಗಳ ಬಗ್ಗೆ ಸುಭಾಷಿತ ಇಲ್ಲಿ ಹೇಳುತ್ತಿದೆ.

. ಯಾವುದಾದರೂ ಧಾರ್ಮಿಕ ಕಲಾಪಗಳ ಆರಂಭದ ಮೊದಲು ಕೈಗಳಿಗೆ ಕಂಕಣವನ್ನು ಕಟ್ಟಿಕೊಳ್ಳುವುದುಂಟು. ಇದರಿಂದ ರಕ್ಷಣೆ ದೊರೆಯುತ್ತದೆ; ಆ ಕಲಾಪ ಮಾಡಲು ಪಾವಿತ್ರ್ಯವೂ ದಕ್ಕುತ್ತದೆ ಎನ್ನುವುದು ಇದರ ಉದ್ದೇಶ. ಆದರೆ ಸುಭಾಷಿತ ಹೇಳುತ್ತಿದೆ: ಕಂಕಣದಿಂದ ಅಲ್ಲ, ದಾನಗುಣದಿಂದ ನಮಗೆ ಪಾವಿತ್ರ್ಯ, ಶುದ್ಧಿಗಳು ಒದಗುತ್ತದೆ ಎಂದು. ದಾನ ಎಂದರೆ ವಿತರಣಶೀಲತೆ; ಸಂಗ್ರಹಬುದ್ಧಿಗೆ ವಿರುದ್ಧವಾದುದು.

. ಶರೀರ ಶುದ್ಧವಾಗಬೇಕು ಎಂದರೆ ಚೆನ್ನಾಗಿ ಸ್ನಾನ ಮಾಡಬೇಕು. ಹೀಗಲ್ಲದೆ ನಾವು ಚಂದನಾದಿಗಳನ್ನು, ಎಂದರೆ ಸುಗಂಧದ್ರವ್ಯಗಳನ್ನು ಪೂಸಿಕೊಂಡರೆ ಅದು ಸ್ನಾನ ಆಗಲಾರದಲ್ಲವೆ? ಕೊಳೆ ನಮ್ಮ ಮೈಮೇಲೆ ಹಾಗೇ ಉಳಿಯುತ್ತದೆ; ನಮ್ಮ ದುರ್ಗಂಧವನ್ನು ಮರೆಮಾಡಿ ಜನರಿಗೆ ಮೋಸ ಮಾಡಬಹುದು; ಆದರೆ ನಮಗಂತೂ ನಮ್ಮ ಕೊಳೆಯ ಭಾರ ತಿಳಿಯುತ್ತಲೇ ಇರುತ್ತದೆಯಲ್ಲವೆ?

. ಮನುಷ್ಯನಿಗೆ ಸನ್ಮಾನದಿಂದ ತೃಪ್ತಿ, ಭೋಜನದಿಂದ ಅಲ್ಲ ಎಂದು ಸುಭಾಷಿತ ಹೇಳಿದೆ. ಭೋಜನ ಎಂದರೆ ಶರೀರದ ಭೋಗ; ಯಾವುದೇ ಉದಾತ್ತ ಉದ್ದೇಶಗಳಿಲ್ಲದ ಜೀವನವಿಧಾನ. ಸನ್ಮಾನ ಎಂದರೆ ನಾಲ್ಕು ಜನರು ಒಪ್ಪುವಂಥ ಕೆಲಸ. ನಾಲ್ಕು ಜನರಿಗೆ ಪ್ರಯೋಜನ ಆಗುವಂಥ ಕೆಲಸದಿಂದಲೇ ನಾಲ್ಕು ಜನರು ನಮ್ಮನ್ನು ಗುರುತಿಸುತ್ತಾರಷ್ಟೆ. ಹೀಗಾಗಿ ಸಮಾಜಕ್ಕೆ ಉಪಯೋಗವಾಗುವ ರೀತಿಯಲ್ಲಿ ನಮ್ಮ ಬದುಕನ್ನು ರೂಪಿಸಿಕೊಳ್ಳಬೇಕು.

. ತೋರಿಕೆಯಿಂದ ಮೋಕ್ಷ ಸಿಗುವುದಿಲ್ಲ; ಅರಿವಿನಿಂದಲೇ ಮೋಕ್ಷ ಎನ್ನುವುದು ಸುಭಾಷಿತ ಮುಂದಿನ ಮಾತು. ವಸ್ತ್ರ–ಭೂಷಣಗಳು ಹೊರಗಿನ ಅಲಂಕಾರಗಳು, ತೋರಿಕೆಗಳು; ಆದರೆ ಜ್ಞಾನ ಎನ್ನುವುದು ಅಂತರಂಗದ ಪಾಕ, ನಮ್ಮ ವ್ಯಕ್ತಿತ್ವದ ಭಾಗ.

. ಸುಭಾಷಿತ ಒಟ್ಟು ತಾತ್ಪರ್ಯ ಎಂದರೆ ನಮ್ಮ ಜೀವನವನ್ನು ಪ್ರಾಮಾಣಿಕವಾಗಿ ಬದುಕಬೇಕು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ದಿನದ ಸೂಕ್ತಿ: ಪ್ರಾಮಾಣಿಕ ಜೀವನ

ಗೋಕರ್ಣದ ಗುಹೆಯಲ್ಲಿ ಎರಡು ಮಕ್ಕಳೊಂದಿಗೆ ರಷ್ಯಾದ ಮಹಿಳೆ ರಹಸ್ಯವಾಗಿ ವಾಸ!

ಚಿನಕುರುಳಿ Cartoon: 12 ಜುಲೈ 2025

ಮದುವೆಯಾಗಿ ಮೂರೇ ತಿಂಗಳಿಗೆ ಗಂಡನನ್ನು ಕೃಷ್ಣಾ ನದಿಗೆ ತಳ್ಳಿದ ಪತ್ನಿ! ಹೈಡ್ರಾಮಾ

Lord's Test: 'ಕ್ರಿಕೆಟ್‌ ಕಾಶಿ'ಯಲ್ಲಿ 2ನೇ ಶತಕ; ದಿಗ್ಗಜರ ಸಾಲಿಗೆ ರಾಹುಲ್

ಮಹಿಳಾ ಕ್ರಿಕೆಟ್ | 5ನೇ ಟಿ20 ಪಂದ್ಯದಲ್ಲಿ ಗೆದ್ದ ಇಂಗ್ಲೆಂಡ್; ಭಾರತಕ್ಕೆ ಸರಣಿ

Wimbledon 2025: ಆಧಿಪತ್ಯಕ್ಕೆ ಸಿನ್ನರ್–ಅಲ್ಕರಾಜ್‌ ಪೈಪೋಟಿ

ಪ್ಯಾರಾ ಅಥ್ಲೆಟಿಕ್ಸ್: ರಕ್ಷಿತಾ, ಶರತ್‌ಗೆ ಚಿನ್ನ

IND vs ENG 3rd Test: ಲಾರ್ಡ್ಸ್‌ನಲ್ಲಿ ರಾಹುಲ್ ಹೊಳಪು

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಗೋಕರ್ಣದ ಗುಹೆಯಲ್ಲಿ ಎರಡು ಮಕ್ಕಳೊಂದಿಗೆ ರಷ್ಯಾದ ಮಹಿಳೆ ರಹಸ್ಯವಾಗಿ ವಾಸ!

ಚಿನಕುರುಳಿ Cartoon: 12 ಜುಲೈ 2025

ಮದುವೆಯಾಗಿ ಮೂರೇ ತಿಂಗಳಿಗೆ ಗಂಡನನ್ನು ಕೃಷ್ಣಾ ನದಿಗೆ ತಳ್ಳಿದ ಪತ್ನಿ! ಹೈಡ್ರಾಮಾ

Lord's Test: 'ಕ್ರಿಕೆಟ್‌ ಕಾಶಿ'ಯಲ್ಲಿ 2ನೇ ಶತಕ; ದಿಗ್ಗಜರ ಸಾಲಿಗೆ ರಾಹುಲ್