ಬೆಂಗಳೂರು: ಸ್ವಾತಂತ್ರ್ಯೋತ್ಸವ ಮತ್ತು ಗೌರಿ ಗಣೇಶ ಹಬ್ಬದ ಅಂಗವಾಗಿ ನಂದಿನಿ ತುಪ್ಪ ಮತ್ತು ಬೆಣ್ಣೆ ದರವನ್ನು ಸೆಪ್ಟೆಂಬರ್ 15ರ ತನಕ ಇಳಿಕೆ ಮಾಡಲಾಗಿದೆ ಎಂದು ಕೆಎಂಎಫ್ ತಿಳಿಸಿದೆ.
ನಂದಿನಿ ತುಪ್ಪ ಪ್ರತಿ ಲೀಟರ್ ದರ ₹490 ಇತ್ತು. ಅದನ್ನು ₹450ಕ್ಕೆ ಇಳಿಸಲಾಗಿದೆ.ನಂದಿನಿ ಬೆಣ್ಣೆ ಪ್ರತಿ ಕೆಜಿ ದರ ₹460 ಇತ್ತು. ₹390ಕ್ಕೆ ಇಳಿಕೆ ಮಾಡಲಾಗಿದೆ.
ನಂದಿನಿ ಕೆನೆ ರಹಿತ ಹಾಲಿನಪುಡಿ ಪ್ರತಿ ಕೆಜಿಗೆ₹295ರಿಂದ₹245ಕ್ಕೆ,ನಂದಿನಿ ಡೈರಿ ವೈಟನರ್ ದರ ಪ್ರತಿ ಕೆಜಿಗೆ ₹285ರಿಂದ ₹235ಕ್ಕೆ ಇಳಿಸಲಾಗಿದೆ ಎಂದು ವಿವರಿಸಿದೆ.
ನಂದಿನಿ ಕೇಸರ್ ಕುಲ್ಫಿಯನ್ನು ₹10 ದರದಲ್ಲಿ,ನಂದಿನಿ 1 ಕೆಜಿ ತುಪ್ಪವನ್ನು ಟಿನ್ ಪ್ಯಾಕ್ ನಲ್ಲಿ ₹450 ದರದಲ್ಲಿ ಮಾರುಕಟ್ಟೆಗೆ ಬಿಡುಗಡೆ ಮಾಡಲಾಗಿದೆ ಎಂದು ತಿಳಿಸಿದೆ.
ಗ್ರಾಹಕರ ಅಭಿರುಚಿ ಮತ್ತು ಬೇಡಿಕೆ ಪರಿಗಣಿಸಿ ನಂದಿನಿ ಪನ್ನಿರ್ ಮತ್ತು ನಂದಿನಿ ಚೀಸ್, ಹಾಲು, ತುಪ್ಪ ಬಳಸಿ ತಯಾರಿಸಿದ 5 ಬಗೆಯ ಬೇಕರಿ ಉತ್ಪನ್ನಗಳನ್ನು ಮಾರುಕಟ್ಟೆಗೆ ಮುಂದಿನ ದಿನಗಳಲ್ಲಿ ಬಿಡುಗಡೆ ಮಾಡಲಾಗುವುದು.
ಪ್ರತಿ ವರ್ಷದಂತೆ ನಂದಿನಿ ಸಿಹಿ ಉತ್ಸವ ಆಚರಿಸಲಾಗುತ್ತಿದ್ದು, ಆ.30ರವರೆಗೆ ನಡೆಯಲಿದೆ. ಶೇ 10ರ ರಿಯಾಯಾತಿ ದರದಲ್ಲಿ ನಂದಿನಿ ಸಿಹಿ ಉತ್ಪನ್ನಗಳನ್ನು ಗ್ರಾಹಕರು ಪಡೆಯಬಹುದು ಎಂದು ಕೆಎಂಎಫ್ ಪ್ರಕಟಣೆ ತಿಳಿಸಿದೆ.
