ತ್ರಿಪುರಾಂತ ಕೆರೆ ಸೇತುವೆ: ಅಪಾಯದ ಭಯ

ಬಸವಕಲ್ಯಾಣ: ವಾಹನ ಡಿಕ್ಕಿಯಾದ ಪರಿಣಾಮ ನಗರದ ತ್ರಿಪುರಾಂತ ಕೆರೆ ನಾಲೆಗಿರುವ ಹೊಸ ಸೇತುವೆಯ ಬ್ಯಾರಿಕೇಡ್ ಮುರಿದಿದೆ. ಇದರಿಂದ ಅಪಾಯದ ಸಾಧ್ಯತೆ ಇದೆ.

. ಜಿಲ್ಲೆಯಲ್ಲಿಯೇ ಬಸವಕಲ್ಯಾಣದಲ್ಲಿ ಅತ್ಯಧಿಕ ಸರಕು ಸಾಗಾಣಿಕೆ ವಾಹನಗಳಿವೆ. 10 ಸಾವಿರಕ್ಕೂ ಅಧಿಕ ಲಾರಿಗಳಿರುವ ಬಗ್ಗೆ ಅಂದಾಜು ಮಾಡಲಾಗಿದ್ದು ಸಾವಿರಕ್ಕೂ ಅಧಿಕ ಆಟೊ, ಟಂಟಂಗಳಿವೆ. ಸಾವಿರಾರು ದ್ವಿಚಕ್ರವಾಹನಗಳಿವೆ. ಹೀಗಾಗಿ ಇಲ್ಲಿ ವಾಹನಗಳ ಓಡಾಟ ಹೆಚ್ಚಿರುತ್ತದೆ. ಇಲ್ಲಿಂದ 7 ಕಿ.ಮೀ ಅಂತರದಲ್ಲಿನ ಸಸ್ತಾಪುರ ಬಂಗ್ಲಾ ಬಳಿಯ ರಾಷ್ಟ್ರೀಯ ಹೆದ್ದಾರಿವರೆಗೆ ರಾತ್ರಿ ಹಗಲು ವಾಹನಗಳು ಸಂಚರಿಸುತ್ತವೆ. ಆದರೆ ಈ ರಸ್ತೆಯಲ್ಲಿನ ತ್ರಿಪುರಾಂತ ಕೆರೆಯ ನಾಲೆಗೆ ಕಟ್ಟಿರುವ ಹೊಸ ಸೇತುವೆಯ ಬ್ಯಾರಿಕೇಡ್ಗೆ ಈಚೆಗೆ ಹಾನಿ ಆಗಿದ್ದರಿಂದ ತೊಂದರೆಯಾಗಿದೆ.

. ನಗರದಿಂದ ಹೊರ ಹೋಗುವ ವಾಹನಗಳು ಇಲ್ಲಿನ ಎತ್ತರದ ಹೊಸ ಸೇತುವೆಯಿಂದ ಸಾಗುತ್ತವೆ. ಆದರೆ ನಗರದೊಳಗೆ ಬರುವ ವಾಹನಗಳು ಪಕ್ಕದಲ್ಲಿನ ಚಿಕ್ಕದಾಗಿರುವ ಹಳೆಯ ಸೇತುವೆಯ ಮೇಲಿಂದಲೇ ಸಂಚರಿಸುತ್ತವೆ. ಈ ಸೇತುವೆ ಸಹ ಶಿಥಿಲಗೊಂಡಿದೆ. ಇಲ್ಲಿಯೂ ಹೊಸದಾಗಿ ಎತ್ತರದ ಸೇತುವೆ ನಿರ್ಮಿಸುವ ಅಗತ್ಯವಿದೆ.

. ಎರಡೂ ಸೇತುವೆಗಳಿಂದಲೂ ಅಪಾಯದ ಭಯ ಕಾಡುತ್ತಿದ್ದರೂ ಸಂಬಂಧಿತರು ಮಾತ್ರ ನಿರ್ಲಕ್ಷ ತೋರಿದ್ದಾರೆ. ಹೊಸ ಸೇತುವೆಯ ಬ್ಯಾರಿಕೇಡ್ ಮುರಿದು ಕೆಲ ತಿಂಗಳುಗಳಾದರೂ ಇದುವರೆಗೆ ದುರಸ್ತಿ ಕೈಗೊಂಡಿಲ್ಲ. ತಡೆಗೋಡೆಯೂ ನಿರ್ಮಿಸಿಲ್ಲ.

. ‘ಬ್ಯಾರಿಕೇಡ್ ಹಾಳಾಗಿದ್ದರಿಂದ ರಾತ್ರಿ ಸಮಯದಲ್ಲಿ ದ್ವಿಚಕ್ರ ವಾಹನದವರಿಗೆ ರಸ್ತೆ ಕಾಣದೆ ಕೆಳಗೆ ಜಾರಿ ಬೀಳುವ ಸಾಧ್ಯತೆಯಿದೆ’ ಎಂದು ವ್ಯಾಪಾರಸ್ಥ ವೀರೇಶ ಬೋರಗೆ ಭೀತಿ ವ್ಯಕ್ತಪಡಿಸಿದ್ದಾರೆ.

. ‘ರಸ್ತೆ ಸರಳವಾಗಿರದೆ ತಿರುವಿನಂತಿದೆ. ಇಂಥದರಲ್ಲಿ ಬ್ಯಾರಿಕೇಡ್ ಸಹ ವ್ಯವಸ್ಥಿತವಾಗಿಲ್ಲ. ಹೊಸಬರಿಗೆ ಇಲ್ಲಿಂದ ಸುಲಭವಾಗಿ ವಾಹನಗಳನ್ನು ತೆಗೆದುಕೊಂಡು ಹೋಗುವುದಕ್ಕೆ ಆಗಲಾರದು' ಎಂದು ಮುಖಂಡ ಲಕ್ಷ್ಮಣ ಕಪನೂರೆ ಹೇಳಿದ್ದಾರೆ.

. ‘ಹೊಸ ಸೇತುವೆಗೆ ಬ್ಯಾರಿಕೇಡ್ ಅಳವಡಿಸುವುದಕ್ಕೆ ಮತ್ತು ಹಳೆಯ ಸೇತುವೆಯ ದುರಸ್ತಿಗೆ ಕ್ರಮ ತೆಗೆದುಕೊಳ್ಳಲಾಗುತ್ತದೆ. ಈ ಸಂಬಂಧ ಕಲ್ಯಾಣ ಕರ್ನಾಟಕ ಪ್ರದೇಶಾಭಿವೃದ್ಧಿ ಮಂಡಳಿಯ ಅನುದಾನಕ್ಕಗಿ ಪ್ರಸ್ತಾವನೆ ಸಲ್ಲಿಸಲಾಗಿದೆ’ ಎಂದು ಲೋಕೋಪಯೋಗಿ ಇಲಾಖೆಯ ಎಇಇ ಧನರಾಜ ಚವಾಣ್ ಹೇಳಿದ್ದಾರೆ.

. ಇಲಾಖೆಗೆ ಹೊಸ ಅನುದಾನ ಬಿಡುಗಡೆಯಾದ ಬಳಿಕ ಬ್ಯಾರಿಕೇಡ್ ಅಳವಡಿಸಲಾಗುವುದು. ಹಳೆಯ ಸೇತುವೆಯ ದುರುಸ್ತಿಗೂ ಕ್ರಮ ಕೈಗೊಳ್ಳಲಾಗುವುದು

-ಧನರಾಜ ಚವಾಣ್ ಎಇಇ ಲೋಕೋಪಯೋಗಿ ಇಲಾಖೆ

. ಸೇತುವೆ 25 ಅಡಿ ಎತ್ತರವಿದೆ. ಅಲ್ಲದೆ ರಸ್ತೆಗೆ ಹತ್ತಿಕೊಂಡಿಯೇ ಮುಳ್ಳುಕಂಟೆಗಳು ಇರುವುದರಿಂದ ವಾಹನ ಕೆಳಕ್ಕೆ ಬಿದ್ದರೆ ದೊಡ್ಡ ಪ್ರಮಾಣದ ಹಾನಿ ಆಗಲಿದೆ

-ಲಕ್ಷ್ಮಣ ಕಪನೂರೆ ಮುಖಂಡ ಬಸವಕಲ್ಯಾಣ

. ಸೇತುವೆ ಸ್ಥಳದಲ್ಲಿ ವಿದ್ಯುತ್ ದೀಪದ ವ್ಯವಸ್ಥೆ ಹಾಗೂ ಸಿಗ್ನಲ್ ಫಲಕಗಳನ್ನು ಅಳವಡಿಸಲು ಆಗ್ರಹಿಸಿ ಸಂಬಂಧಿತರಿಗೆ ಈಚೆಗೆ ಮನವಿಪತ್ರ ಸಲ್ಲಿಸಲಾಗಿದೆ

-ವೀರೇಶ ಬೋರಗೆ ವ್ಯಾಪಾರಸ್ಥ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ತ್ರಿಪುರಾಂತ ಕೆರೆ ಸೇತುವೆ: ಅಪಾಯದ ಭಯ

ಚಿನಕುರುಳಿ | ಸೋಮವಾರ, 14 ಜುಲೈ 2025

ಚುರುಮುರಿ | ಭೋಜನ ಭಾಗ್ಯ

ಚೀನಾ ಅತಿಕ್ರಮಣ: ತೈವಾನ್ ವಾಯುಪ್ರದೇಶ ಪ್ರವೇಶಿಸಿದ 17 ಯುದ್ಧ ವಿಮಾನ

ಮದುವೆಯಾಗಿ ಮೂರೇ ತಿಂಗಳಿಗೆ ಗಂಡನನ್ನು ಕೃಷ್ಣಾ ನದಿಗೆ ತಳ್ಳಿದ ಪತ್ನಿ! ಹೈಡ್ರಾಮಾ

Lords Test: ಹೋರಾಡಿ ಸೋತ ಗಿಲ್‌ ಬಳಗ

ಜಪಾನ್‌ ಓಪನ್‌ ಬ್ಯಾಡ್ಮಿಂಟನ್‌ ಟೂರ್ನಿ: ಸಾತ್ವಿಕ್‌– ಚಿರಾಗ್‌ ಮೇಲೆ ನಿರೀಕ್ಷೆ

ರಾಜ್ಯ ರ‍್ಯಾಂಕಿಂಗ್‌ ಬ್ಯಾಡ್ಮಿಂಟನ್‌ ಟೂರ್ನಿ: ಇಶಾನ್‌, ಜೋಹನ್ನಾಗೆ ಪ್ರಶಸ್ತಿ

ಟಿ20 ತ್ರಿಕೋನ ಸರಣಿ: ದಕ್ಷಿಣ ಆಫ್ರಿಕಾ ಶುಭಾರಂಭ

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಚಿನಕುರುಳಿ | ಸೋಮವಾರ, 14 ಜುಲೈ 2025

ಚುರುಮುರಿ | ಭೋಜನ ಭಾಗ್ಯ

ಚೀನಾ ಅತಿಕ್ರಮಣ: ತೈವಾನ್ ವಾಯುಪ್ರದೇಶ ಪ್ರವೇಶಿಸಿದ 17 ಯುದ್ಧ ವಿಮಾನ

ಮದುವೆಯಾಗಿ ಮೂರೇ ತಿಂಗಳಿಗೆ ಗಂಡನನ್ನು ಕೃಷ್ಣಾ ನದಿಗೆ ತಳ್ಳಿದ ಪತ್ನಿ! ಹೈಡ್ರಾಮಾ