ಚಿಕ್ಕಬಳ್ಳಾಪುರ: ‘ನಂದಿ’ಯಲ್ಲಿ ಆತಿಥ್ಯದ ಸೊಬಗು

ಚಿಕ್ಕಬಳ್ಳಾಪುರ: ಐತಿಹಾಸಿಕ ಮತ್ತು ರಾಜ್ಯದಲ್ಲಿಯೇ ಪ್ರಸಿದ್ಧ ಪ್ರವಾಸಿ ತಾಣಗಳಲ್ಲಿ ಒಂದಾಗಿರುವ ತಾಲ್ಲೂಕಿನ ನಂದಿಗಿರಿಧಾಮಕ್ಕೆ ಪ್ರವಾಸಿಗರ ಸಂಖ್ಯೆ ಹೆಚ್ಚುತ್ತಲೇ ಇದೆ. ಗಿರಿಧಾಮದಲ್ಲಿ ವಾಸ್ತವ್ಯ ಹೂಡುವವರ ಸಂಖ್ಯೆಯೂ ದೊಡ್ಡ ಪ್ರಮಾಣದಲ್ಲಿ ಇದೆ.

. ಗಿರಿಧಾಮದಲ್ಲಿ ವಾಸ್ತವ್ಯ ಹೂಡುವ ಅತಿಥಿಗಳ ಆತಿಥ್ಯವನ್ನು ಭಿನ್ನವಾಗಿಸುವ ಉದ್ದೇಶವನ್ನು ಕರ್ನಾಟಕ ಪ್ರವಾಸೋದ್ಯಮ ಅಭಿವೃದ್ಧಿ ನಿಗಮವು (ಕೆಎಸ್ಟಿಡಿಸಿ) ಹೊಂದಿದೆ.

. ಈ ಹಿನ್ನೆಲೆಯಲ್ಲಿ ಗಿರಿಧಾಮದಲ್ಲಿ ಹಮ್ಮಿಕೊಂಡಿರುವ ಮಯೂರ ಹೋಟೆಲ್ ಘಟಕಗಳ ಸಪ್ತಾಹಕ್ಕೆ ಬುಧವಾರ (ಮೇ 7) ತೆರೆ ಬೀಳಲಿದೆ. ಈ ಸಪ್ತಾಹವು ಭಿನ್ನವಾಗಿ ನಡೆದಿದ್ದು ಪ್ರವಾಸಿಗರ ಮನದಲ್ಲಿ ಅಚ್ಚೊತ್ತಿದೆ.

. ರಾಜ್ಯ, ದೇಶದ ನಾನಾ ಭಾಗಗಳ ಜನರಷ್ಟೇ ಅಲ್ಲ ವಿದೇಶಿ ಪ್ರವಾಸಿಗರನ್ನೂ ನಂದಿಗಿರಿಧಾಮ ಸೆಳೆಯುತ್ತಿದೆ.

. ಸಪ್ತಾಹದ ವಿಶೇಷ: ಸಾಮಾನ್ಯವಾಗಿ ಖಾಸಗಿ ಐಶಾರಾಮಿ ಹೋಟೆಲ್ಗಳಲ್ಲಿ ವಾಸ್ತವ್ಯಕ್ಕೆ ಬರುವ ಅತಿಥಿಗಳನ್ನು ಅಲ್ಲಿನ ಸಿಬ್ಬಂದಿ ಸ್ವಾಗತಿಸುವರು. ಕೆಲವು ಹೋಟೆಲ್ಗಳಲ್ಲಿ ವಾಸ್ತವ್ಯಕ್ಕೆ ಬರುವವರಿಗೆ ಹಾರ ಹಾಕಿ ಬರಮಾಡಿಕೊಳ್ಳುವರು. ತಿಲಕವಿಟ್ಟು ಆರತಿ ಬೆಳಗುವರು.

. ಇದೇ ಹಾದಿಯಲ್ಲಿಯೇ ನಂದಿ ಗಿರಿಧಾಮದಲ್ಲಿ ಮಯೂರ ಹೋಟೆಲ್ ಘಟಕಗಳ ಸಪ್ತಾಹ ನಡೆಯುತ್ತಿದೆ. ಗಿರಿಧಾಮದಲ್ಲಿ ಒಟ್ಟು 34 ಕೊಠಡಿಗಳು ಇವೆ. ಇಲ್ಲಿ ವಾಸ್ತವ್ಯಕ್ಕೆ ಪ್ರವಾಸಿಗರು ಬಂದಾಗ ಅವರಿಗೆ ಹಾರ ಹಾಕಿ ಸ್ವಾಗತ ಕೋರಲಾಗುತ್ತದೆ. ಆರತಿ ಮಾಡಿ ತಿಲಕ ಇಡಲಾಗುತ್ತದೆ.

. ನಂತರ ರಾತ್ರಿ ಕ್ಯಾಂಡಲ್ ಲೈಟ್ ಡಿನ್ನರ್, ಕ್ಯಾಂಪ್ ಫೈರ್, ಟ್ರಕ್ಕಿಂಗ್, ಬಾಳೆ ಎಲೆ ಊಟ, ಗ್ರಾಮೀಣ ಕ್ರೀಡೆಗಳಲ್ಲಿ ಪಾಲ್ಗೊಳ್ಳುವಂತೆ ಪ್ರೇರೇಪಿಸುವುದು, ಯೋಗಾಭ್ಯಾಸ ಮಾಡಿಸುವುದು ಸಪ್ತಾಹದ ಭಾಗವಾಗಿವೆ. ಈ ಎಲ್ಲವೂ ಸಪ್ತಾಹದ ದಿನಗಳಲ್ಲಿ ನಡೆಯುತ್ತಿವೆ.

. ಯಾವ ಅವಧಿಯಲ್ಲಿ ಯಾವ ಕಾರ್ಯಕ್ರಮ ನಡೆಯುತ್ತದೆ ಎನ್ನುವ ಮಾಹಿತಿಯನ್ನು ನಿಗಮದ ಸಿಬ್ಬಂದಿ ಅತಿಥಿಗಳಿಗೆ ಆರಂಭದಲ್ಲಿಯೇ ನೀಡುತ್ತಾರೆ.

. ಸಾಂಪ್ರದಾಯಿಕ ಸ್ವಾಗತ, ದೇಸಿ ಆಟಗಳ ಪರಿಚಯ, ಐಶಾರಾಮಿ ಹೋಟೆಲ್ಗಳಲ್ಲಿ ದೊರೆಯುವ ಸೌಲಭ್ಯಗಳು ಸಹ ಸಪ್ತಾಹದಲ್ಲಿ ದೊರೆಯುತ್ತಿವೆ. ಅತಿಥಿಗಳು ಈ ಸಪ್ತಾಹದ ಚಟುವಟಿಕೆಗಳನ್ನು ಮನಸಾರೆ ಮೆಚ್ಚುತ್ತಿದ್ದಾರೆ. ಸಪ್ತಾಹಕ್ಕೆ ಸಂಬಂಧಿಸಿದ ಪ್ರತಿಕ್ರಿಯೆ ಪುಸ್ತಕದಲ್ಲಿ ಮನಸಾರೆ ಹೊಗಳಿಕೆಯ ಬರಹಗಳಿವೆ.

. ‘ರಾಜ್ಯದಾದ್ಯಂತ ಮಯೂರ ಹೋಟೆಲ್ ಘಟಕಗಳ ಸಪ್ತಾಹ ಆಚರಿಸಲು ನಿರ್ಧರಿಸಲಾಗಿದೆ. ಪ್ರವಾಸೋದ್ಯಮ ಅಭಿವೃದ್ಧಿ ನಿಗಮದ ವ್ಯವಸ್ಥಾಪಕರ ಮುತುವರ್ಜಿಯಿಂದ ನಂದಿಗಿರಿಧಾಮಕ್ಕೆ ಮೊದಲ ಅವಕಾಶ ದೊರೆತಿದೆ’ ಎಂದು ಗಿರಿಧಾಮದ ನಿಗಮದ ಸಿಬ್ಬಂದಿ ತಿಳಿಸುವರು.

. ‘ಭಿನ್ನ, ವಿಭಿನ್ನವಾಗಿ ಸಪ್ತಾಹ ಆಚರಿಸುತ್ತಿದ್ದೇವೆ. ಅತಿಥಿಗಳಿಂದ ಉತ್ತಮ ಪ್ರತಿಕ್ರಿಯೆ ಸಹ ದೊರೆಯುತ್ತಿದೆ. ವಾರಾಂತ್ಯದಲ್ಲಿ 62ರಿಂದ 70 ಅತಿಥಿಗಳು ವಾಸ್ತವ್ಯ ಹೂಡಿದ್ದಾರೆ. ಈ ಒಂದು ವಾರದಲ್ಲಿ 200ಕ್ಕಿಂತ ಹೆಚ್ಚು ಅತಿಥಿಗಳು ನಮ್ಮ ಆತಿಥ್ಯ ಸ್ವೀಕರಿಸಿದ್ದಾರೆ ಎಂದರು.

. ಸಪ್ತಾಹ ಪೂರ್ಣವಾದ ತರುವಾಯ ಕ್ಯಾಂಡಲ್ ಲೈಟ್ ಡಿನ್ನರ್, ಕ್ಯಾಂಪ್ ಪೈರ್ ಮುಂದುವರಿಸುತ್ತೇವೆ. ಯೋಗ ಕಾರ್ಯಕ್ರಮದಲ್ಲಿ ಹೆಚ್ಚು ಮಂದಿ ಭಾಗಿಯಾಗಿದ್ದರು. ಮಂಗಳವಾರ ಬೆಳಿಗ್ಗೆ ಅತಿಥಿಗಳನ್ನು ಬೋಗ ನಂದೀಶ್ವರ ದೇಗುಲಕ್ಕೆ ಕರೆದುಕೊಂಡು ಹೋಗುತ್ತೇವೆ. ನಂತರ ಸುಲ್ತಾನಪೇಟೆಯ ಮೆಟ್ಟಿಲುಗಳ ಮಾರ್ಗದಲ್ಲಿ ಗಿರಿಧಾಮಕ್ಕೆ ಟ್ರಕ್ಕಿಂಗ್ ಮಾಡಿಸಲಾಗುವುದು ಎಂದರು.

. ಈಗಾಗಲೇ ಪ್ರವಾಸಿಗರು ಗಿರಿಧಾಮದಲ್ಲಿ ಹೆಚ್ಚು ಸಮಯ ಕಳೆಯುವಂತೆ ಮಾಡುವ ಮತ್ತು ದೇಸಿ ಆಟಗಳನ್ನು ಪರಿಚಯಿಸುವ ಕೆಎಸ್ಟಿಡಿಸಿ ದೇಸಿ ಆಟಗಳನ್ನು ಗಿರಿಧಾಮದಲ್ಲಿ ಆಡಿಸುತ್ತಿದೆ.

. ಈ ಆಟಗಳೂ ಅಷ್ಟೇ ಪ್ರವಾಸಿಗರನ್ನು ಹೆಚ್ಚು ಸೆಳೆಯುತ್ತಿದೆ. ಚಿಕ್ಕಮಕ್ಕಳು, ಪ್ರೌಢರು, ವೃದ್ಧರು ಹೀಗೆ ಎಲ್ಲರೂ ದೇಸಿ ಆಟಗಳಿಗೆ ಮನಸೋತು, ಗಿರಿಧಾಮದ ಪ್ರಕೃತಿ ಆಹ್ಲಾದಿಸುವ ಜೊತೆಗೆ ಆಟಗಳಲ್ಲಿಯೂ ತೊಡಗುತ್ತಿದ್ದಾರೆ.

. ಹೀಗೆ ಗಿರಿಧಾಮಕ್ಕೆ ಬರುವ ಪ್ರವಾಸಿಗರನ್ನು ಹೆಚ್ಚು ಸೆಳೆಯಲು ಮತ್ತು ಅವರು ಗಿರಿಧಾಮದಲ್ಲಿ ಹೆಚ್ಚು ಕಾಲ ಕಳೆಯುವಂತೆ ಮಾಡಲು ಪ್ರವಾಸೋದ್ಯಮ ಅಭಿವೃದ್ಧಿ ನಿಗಮವು ವಿಭಿನ್ನ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳುತ್ತಿದೆ.

. ಕ್ಯಾಂಡಲ್ ಲೈಟ್ ಡಿನ್ನರ್ಗೆ ಬೇಡಿಕೆ

ನಂದಿಬೆಟ್ಟದಲ್ಲಿ ಕ್ಯಾಂಡಲ್ ಲೈಟ್ ಡಿನ್ನರ್ ಮಾಡಬೇಕು ಎನ್ನುವುದು ಬಹಳಷ್ಟು ಮಂದಿಯ ಆಸೆ ಆಗಿರುತ್ತದೆ. ಅತಿಥಿಗಳು ಈ ಕಾರ್ಯಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಮುಂದಿನ ವಾರ ನಮ್ಮ ಸ್ನೇಹಿತರ ವಿವಾಹವಿದೆ. ಅವರಿಗೂ ಕ್ಯಾಂಡಲ್ ಲೈಟ್ ಡಿನ್ನರ್ ವ್ಯವಸ್ಥೆ ಮಾಡಿಕೊಡುವಿರಾ ಎಂದು ಕೇಳಿದ್ದಾರೆ. ಒಪ್ಪಿಗೆ ನೀಡಿದ್ದೇವೆ ಎಂದು ನಿಗಮದ ಸಿಬ್ಬಂದಿ ತಿಳಿಸುವರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಚಿಕ್ಕಬಳ್ಳಾಪುರ: ‘ನಂದಿ’ಯಲ್ಲಿ ಆತಿಥ್ಯದ ಸೊಬಗು

ಚಿನಕುರುಳಿ: 03 ಜುಲೈ 2025 ಗುರುವಾರ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್

ಚುರುಮುರಿ | ಬದಲಾವಣೆ ಕ್ರಾಂತಿ!

ಟೆಸ್ಟ್, ಏಕದಿನ ಮಾದರಿಯಲ್ಲಿ ದ್ವಿಶತಕ: ಸಚಿನ್, ಸೆಹ್ವಾಗ್, ರೋಹಿತ್ ಸಾಲಿಗೆ ಗಿಲ್

ದ್ವಿಶತಕ: ಸಚಿನ್, ಕೊಹ್ಲಿ ಸೇರಿದಂತೆ ದಿಗ್ಗಜರ ದಾಖಲೆಗಳನ್ನು ಮುರಿದ ಗಿಲ್

ಜಾವೆಲಿನ್‌ ಥ್ರೊ ಕೂಟ: ಬೆಂಗಳೂರಿನಲ್ಲಿ ಕಣಕ್ಕಿಳಿಯಲು ನೀರಜ್ ಉತ್ಸುಕ

ಬ್ಯಾಡ್ಮಿಂಟನ್: ಕ್ವಾರ್ಟರ್‌ಗೆ ಶ್ರೀಕಾಂತ್‌

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್

ಚುರುಮುರಿ | ಬದಲಾವಣೆ ಕ್ರಾಂತಿ!