ಮಂಗಳೂರು | ಯಾರೂ ಭಯದಲ್ಲಿ ಬದುಕುವ ಸ್ಥಿತಿ ಬರಬಾರದು: ಪರಮೇಶ್ವರ

ಧ್ವನಿವರ್ಧಕವನ್ನು ಗಟ್ಟಿಯಾಗಿ ಹಾಕಿದರೂ ಗೃಹ ಇಲಾಖೆ ಕ್ರಮ ಕೈಗೊಳ್ಳುವುದಿಲ್ಲ. ಧಾರ್ಮಿಕ ಪ್ರವಚನವಿರಲಿ, ಭಜನೆ ಕಾರ್ಯಕ್ರಮವೇ ಇರಲಿ, ಸಮಾಜಕ್ಕೆ ತೊಂದರೆ ನೀಡದೇ ಬಾಳುವ ವ್ಯವಸ್ಥೆ ನಿರ್ಮಾಣ ಆಗಬೇಕು. ನಮ್ಮ ಪೂಜಾ ಪದ್ಧತಿ ಶ್ರೇಷ್ಠ, ಉಳಿದವರದು ಕನಿಷ್ಠ ಎಂಬ ಭಾವನೆ ಮೂಡಿಸಬಾರದು

ದೇವಸ್ಥಾನಗಳಲ್ಲಿ ಧರ್ಮದ ಹೆಸರಿನಲ್ಲಿ ಸಿದ್ಧಾಂತ ಪ್ರತಿಪಾದಿಸುವ ಬಗ್ಗೆ ಗಮನವಿಡಬೇಕು. ಕೋಳಿ ಅಂಕ‌, ಹೊಡೆದಾಟಗಳಲ್ಲಿ ಭಾಗಿಯಾದವರನ್ನು ಹಿಂದೂ ಹೋರಾಟಗಾರ ಎಂಬ ಬದಲು  ಕ್ರಿಮಿನಲ್ ಎಂದೇ ಪರಿಗಣಿಸಬೇಕು. ಜನಾಂಗೀಯ ಶ್ರೇಷ್ಠತೆ ಹೆಸರಿನಲ್ಲಿ ಯಕ್ಷಗಾನಗಳಲ್ಲಿ ಬೇರೆ ಧರ್ಮಗಳ ಹೀಯಾಳಿಸದಂತೆ ಮೇಳಗಳ ಯಜಮಾನರಿಗೆ ಸೂಚನೆ ನೀಡಬೇಕು.

ಮನಸ್ಸುಗಳು ಕದಡಿವೆ. ಸೌಹಾರ್ದ ಸಾರುವುದಕ್ಕೆ  ಸ್ವಾಮೀಜಿ, ಕ್ರೈಸ್ತ ಧರ್ಮಗುರು, ಮುಸ್ಲಿಂ ಧರ್ಮಗುರುಗಳನ್ನೆ ಸೇರಿಸಿ ಸೌಹಾರ್ದ ರ‍್ಯಾಲಿ ನಡೆಸಿ ಸಂದೇಶ ನೀಡೋಣ.

ಪೊಲೀಸ್ ಅಧಿಕಾರಿಗಳು ರಾಜಕೀಯ ಒತ್ತಡ, ವಶೀಲಿಗೆ ಒಳಗಾಗದೆ ಕೆಲಸ ಮಾಡಿದರೆ ಶಾಂತಿ ಸ್ಥಾಪನೆ ಆಗುತ್ತದೆ. ಈಗಿನ ಅಧಿಕಾರಿಗಳು ಒಳ್ಳೆಯ ರೀತಿ ಕೆಲಸ ಮಾಡುತ್ತಿದ್ದಾರೆ. ಅವರಿಗೆ ಕೆಲಸ ಮಾಡಲು ಅವಕಾಶ ನೀಡಿ.

ಸೈಬರ್ ಸೆಂಟರ್ ಬಲಪಡಿಸಿ, ವಾಟ್ಸ್‌ ಆ್ಯಪ್ ಗ್ರೂಪ್‌ಗಳ ಮೇಲೆ ಕಣ್ಣಿಡಿ.  ಅವುಗಳ ಮೂಲಕ ಸಣ್ಣ ಮಕ್ಕಳಲ್ಲೂ ಧಾರ್ಮಿಕ ದ್ವೇಷ ಮೂಡಿಸಲಾಗುತ್ತಿದೆ. 

ಉದ್ರೇಕಕಾರಿ ಭಾಷಣ ಮಾಡಿ ಯುವಕರನ್ನು ಬಡಿದೆಬ್ಬಿಸುವುದು ಸುಲಭ.‌ ಅದರ ಅನಾಹುತ ನಿಲ್ಲಿಸುವುದು ಕಷ್ಟ. ಈ ವಿಚಾರ ಗೊತ್ತಿದ್ದೂ ಕೆಲ ಸಂಘಟನೆ ಇಂತಹ ಕೃತ್ಯದಲ್ಲಿ ತೊಡಗುತ್ತವೆ. ಇದನ್ನು ತಡೆಯುವುದು ಆಯಾ ಪಕ್ಷದ ಹಾಗೂ ಸಂಘಟನೆಗಳ ಹೊಣೆಯಾಬೇಕು

ಸೌಹಾರ್ದ ಮೂಡಿಸಲು ಗ್ರಾಮಗಳಲ್ಲಿ ಸೌಹಾರ್ದ ಸಮಿತಿ ರಚಿಸಿ. ಜಿಲ್ಲಾ ಮಟ್ಟದಲ್ಲಿ ಕಾಣಿಸುವ ಕೋಮುವಾದಿ ಚಟುವಟಿಕೆ ಹಳ್ಳಿಗಳಲ್ಲಿ ಇಲ್ಲ

ಘಟನೆ ಆದಾಗಲೇ ಜನಪ್ರತಿನಿಧಿಗಳನ್ನು ವಿಶ್ವಾಸಕ್ಕೆ ಪಡೆದು  ಶಾಂತಿ ಸಭೆ ನಡೆಸಬೇಕಿತ್ತು. ಹಿಂದೆ ಇದ್ದ ಅಧಿಕಾರಿಗಳನ್ನು ಹಾಗೂ ಈಗಿನವರನ್ನು ಜಿಲ್ಲೆಗೆ ನೇಮಿಸಿದ್ದು ಇದೇ ಸರ್ಕಾರ. ಅವರು ಬರುತ್ತಾರೆ ಹೋಗುತ್ತಾರೆ. ಜಿಲ್ಲೆಯಲ್ಲಿ ಇರುವವರು ಇಲ್ಲಿನ ಜನ

ಶಾಂತಿ ಕಾಪಡುವತ್ತ ಸರ್ಕಾರ ದೃಢ ಹೆಜ್ಜೆ ಇಟ್ಟಿದೆ.‌ ಸಮಾಜ ಘಾತುಕ ಕೃತ್ಯದಲ್ಲಿ ತೊಡಗುವವರ ವಿರುದ್ಧ ಕಟ್ಟು ನಿಟ್ಟಿನ ಕ್ರಮ ಇನ್ನೂ ಮುಂದುವರಿಯಬೇಕು

ಶಾಲೆ ಕಾಲೇಜುಗಳಲ್ಲಿ ಎಲ್ಲ ಧರ್ಮಗಳ ಆಚರಣೆ ಪರಂಪರೆಗಳಿಗೆ ವೇದಿಕೆ ಕಲ್ಪಿಸಬೇಕು. ವಿದ್ಯಾರ್ಥಿಗಳಲ್ಲೂ ವಿಶಾಲ ಭಾವ ಮೂಡಿಸಬೇಕು

ಕೋಮುವಾದಕ್ಕೂ ಅಕ್ರಮ ದಂಧೆಗೂ ಸಂಬಂಧ ಇದೆ. ಜಿಲ್ಲೆಯಲ್ಲಿರುವ ‌ಅಕಾಡೆಮಿಗಳನ್ನು ಬಳಸಿ ಧಾರ್ಮಿಕ ಅಪನಂಬಿಕೆ ದೂರಮಾಡುವ ಕಾರ್ಯಕ್ರಮ ನಡೆಸಬೇಕು. ದ್ವೇಷ ಭಾಷಣ ಮಾಡುವರಿಗೆ ಜಾಮೀನು ಸಿಗದಂತೆ ನೋಡಿಕೊಳ್ಳಬೇಕು

ರೋಗಕ್ಕ ಮದ್ದು ಹುಡುಕುವುದಕ್ಕಿಂತ ರೋಗ ಬಾರದಂತೆ ತಡೆಯಬೇಕು. ಕೋಮು ಹಿಂಸಾಚಾರಗಳಲ್ಲಿ ಪಾತ್ರಧಾರಿಗಳ ಬದಲು ಸೂತ್ರಧಾರಿಗಳ ವಿರುದ್ಧ  ಕ್ರಮ ಆಗಬೇಕು.