ಬಾಗಲಕೋಟೆ ತೋಟಗಾರಿಕೆ ವಿವಿಯಿಂದ ಟೊಮೆಟೊ 4 ಹೊಸ ತಳಿ ಬಿಡುಗಡೆ

ಬಾಗಲಕೋಟೆ : ಮುದುಡು ರೋಗ ನಿರೋಧಕ ಶಕ್ತಿ ಹೊಂದಿರುವ ಟೊಮೆಟೊದ ನಾಲ್ಕು ಹೊಸ ತಳಿಗಳನ್ನು ಬಾಗಲಕೋಟೆ ತೋಟಗಾರಿಕೆ ವಿಜ್ಞಾನಗಳ ವಿಶ್ವವಿದ್ಯಾಲಯ ಬಿಡುಗಡೆ ಮಾಡಿದೆ.

. ಮುದುಡು ರೋಗದಿಂದಾಗಿ ರೈತರು ಸಂಕಷ್ಟಕ್ಕೆ ಸಿಲುಕುತ್ತಿದ್ದಾರೆ. ಎಲೆ ಸಣ್ಣದಿರುವಾಗ ರೋಗ ಬಂದರೆ ಗಿಡಗಳ ಬೆಳವಣಿಗೆಯು ಕುಂಠಿತವಾಗಲಿದೆ. ಜೊತೆಗೆ, ಇಳುವರಿಯೂ ಕಡಿಮೆಯಾಗುತ್ತದೆ. ಇದರಿಂದ ಖರ್ಚು ಹೆಚ್ಚಾಗಿ, ಆದಾಯ ಕಡಿಮೆಯಾಗುತ್ತದೆ.

. ‘ವಿಶ್ವವಿದ್ಯಾಲಯವು ಈ ಸಮಸ್ಯೆಯನ್ನು ಗಮನದಲ್ಲಿಟ್ಟುಕೊಂಡು ರೋಗ ನಿರೋಧಕ ಶಕ್ತಿಯುಳ್ಳ ‘ಕೃಷ್ಣಪ್ರಭಾ ಶಾಲ್ಮಲಾ’, ‘ಕೃಷ್ಣಪ್ರಭಾ ಬಾರಿ’, ‘ಕೃಷ್ಣಪ್ರಭಾ ತುಂಗಾ’ ಮತ್ತು ‘ಕೃಷ್ಣಪ್ರಭಾ ಶಾಂತ’ ಎಂಬ ತಳಿಗಳನ್ನು ಅಭಿವೃದ್ಧಿಪಡಿಸಿದೆ’ ಎಂದು ವಿಶ್ವವಿದ್ಯಾಲಯದ ಸಂಶೋಧನಾ ನಿರ್ದೇಶಕ ಫಕ್ರುದ್ದೀನ್ ತಿಳಿಸಿದರು.

. ‘ಹಲವು ಟೊಮೆಟೊ ತಳಿಗಳ ಬೀಜಗಳನ್ನು ಪ್ರತಿ ಬಾರಿ ಬೆಳೆಸಲು ಮಾರುಕಟ್ಟೆಯಲ್ಲಿ ಕೊಂಡು ತರಬೇಕು. ಆದರೆ, ಈ ತಳಿಗಳನ್ನು ಬೆಳೆದರೆ, ಮುಂದಿನ ಸಲಕ್ಕೆ ಬೀಜವಾಗಿ ಬಳಸಬಹುದು. ಬಿತ್ತನೆ ಬೀಜದ ಖರೀದಿ ವೆಚ್ಚ ಕಡಿಮೆಯಾಗುತ್ತದೆ. ರೈತರೇ ಉತ್ಪಾದಿಸಿರುವುದರಿಂದ ಗುಣಮಟ್ಟದ ಬೀಜಗಳೂ ಲಭ್ಯವಾಗುತ್ತವೆ’ ಎಂದರು.

. ‘ಹಲವಾರು ಹಂತಗಳ ಪರೀಕ್ಷೆಯ ನಂತರ ಹೊಸ ತಳಿಗಳನ್ನು ಬಿಡುಗಡೆ ಮಾಡಲಾಗಿದೆ. ಈಗಾಗಲೇ, ರೈತರು ಬೆಳೆಯಲಾರಂಭಿಸಿದ್ದು, ಉತ್ತಮ ಪ್ರತಿಕ್ರಿಯೆ ಸಿಕ್ಕಿದೆ’ ಎಂದು ತಿಳಿಸಿದರು.

. ಹುಳಿ ಹೆಚ್ಚು: ‘ಕೃಷ್ಣಪ್ರಭಾ ಬಾರಿ’ ತಳಿಯು ಹೆಚ್ಚಿನ ಹುಳಿ ಅಂಶವನ್ನು ಹೊಂದಿದೆ. ಇದು ‘ಟೊಮೆಟೊ ಕರಿ’ ತಯಾರಿಸಲು ಹೇಳಿ ಮಾಡಿಸಿದಂತಹ ತಳಿ.

. ಸಾಂಬಾರಿಗೆ ಸೂಕ್ತ: ‘ಕೃಷ್ಣಪ್ರಭಾ ತುಂಗಾ’ ತಳಿಯೂ ಸಾಂಬಾರಿನ ರುಚಿ ಹೆಚ್ಚಿಸುವ ತಳಿಯಾಗಿದೆ. ಇದು ಹೆಚ್ಚು ಇಳುವರಿ ನೀಡುತ್ತದೆ. ಪ್ರತಿ ಗಿಡಕ್ಕೆ 50 ರಿಂದ 55 ಟೊಮೆಟೊಗಳನ್ನು ಬಿಡುತ್ತದೆ.

. ‘ಕೃಷ್ಣಪ್ರಭಾ ಶಾಂತ’ ತಳಿಯು ಮುಂಗಾರು, ಹಿಂಗಾರು ಅವಧಿಗೂ ಸೂಕ್ತವಾಗಿದೆ. ಮಳೆಯಾಶ್ರಿತ, ನೀರಾವರಿ ಪ್ರದೇಶದಲ್ಲಿಯೂ ಇದನ್ನು ಬೆಳೆಯಬಹುದು.

. ಹೊಸ ತಳಿ ಪರಿಚಯಿಸುವ ಮೂಲಕ ರೈತರ ಸಮಸ್ಯೆಗಳಿಗೆ ವಿ.ವಿಯು ಸ್ಪಂದಿಸುತ್ತಿದೆ. ಹೊಸ ತಳಿಗಳ ಸಂಶೋಧನೆಗೆ ಹೆಚ್ಚಿನ ಒತ್ತು ನೀಡಿದೆ. ವಿಷ್ಣುವರ್ಧನ, ಕುಲಪತಿ ತೋಟಗಾರಿಕೆ ವಿಶ್ವವಿದ್ಯಾಲಯ ಬಾಗಲಕೋಟೆ . ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಬಾಗಲಕೋಟೆ ತೋಟಗಾರಿಕೆ ವಿವಿಯಿಂದ ಟೊಮೆಟೊ 4 ಹೊಸ ತಳಿ ಬಿಡುಗಡೆ

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ದಿನ ಭವಿಷ್ಯ | ಎಲ್ಲಾ ವಿಚಾರಗಳಲ್ಲಿಯೂ ಸಾವಧಾನವಾಗಿ ಮುಂದುವರಿಯಿರಿ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

Wimbledon: ಜೊಕೊವಿಚ್‌, ಅಲ್ಕರಾಜ್‌ ಮುನ್ನಡೆ

IND vs ENG 2nd Test: ಗಿಲ್ ಅಮೋಘ ದ್ವಿಶತಕ; ಭಾರತ 587ಕ್ಕೆ ಆಲೌಟ್

ರೇಬಿಸ್‌: ಕಬಡ್ಡಿ ಆಟಗಾರ ಸಾವು

ವಿಶ್ವ ಬಾಕ್ಸಿಂಗ್ ಕಪ್: ಪದಕ ಖಚಿತಪಡಿಸಿಕೊಂಡ ಹಿತೇಶ್‌, ಸಾಕ್ಷಿ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ದಿನ ಭವಿಷ್ಯ | ಎಲ್ಲಾ ವಿಚಾರಗಳಲ್ಲಿಯೂ ಸಾವಧಾನವಾಗಿ ಮುಂದುವರಿಯಿರಿ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ