ವಿಶ್ವ ಆನೆಗಳ ದಿನಾಚರಣೆ: ಚಿತ್ರಕಲಾ ಸ್ಪರ್ಧೆ
ಗಂಗಾವತಿ: ಇಲ್ಲಿನ ಲಿಟಲ್ ಹಾರ್ಟ್ಸ್ ಆಂಗ್ಲ ಮಾಧ್ಯಮ ಶಾಲೆಯ 6 ಮತ್ತು 7ನೇ ತರಗತಿ ವಿದ್ಯಾರ್ಥಿಗಳಿಗೆ ಇನ್ನರ್ ವ್ಹೀಲ್‌ ಕ್ಲಬ್ ವತಿಯಿಂದ ಶನಿವಾರ ವಿಶ್ವ ಆನೆಗಳ ದಿನಾಚರಣೆ ನಿಮಿತ್ತ ಆನೆಯ ಚಿತ್ರ ಬಿಡಿಸುವ ಸ್ಪರ್ಧೆ ನಡೆಯಿತು. ಸ್ಪರ್ಧೆಯಲ್ಲಿ 6 ಮತ್ತು 7ನೇ ತರಗತಿ ಯಿಂದ ಒಟ್ಟು 200ಕ್ಕೂ ಹೆಚ್ಚು ವಿದ್ಯಾರ್ಥಿಗಳು ಭಾಗವಹಿಸಿದ್ದರು.
ಪ್ಲಾಸ್ಟರ್ ಆಫ್ ಪ್ಯಾರೀಸ್ ಹಾಗೂ ಗೋಣಿ ಚೀಲ ಬಳಸಿ ಬೃಹತ್ ಆನೆ ನಿರ್ಮಾಣ ಮಾಡಿದ ಲಿಟಲ್ ಹಾರ್ಟ್ಸ್ ಶಾಲೆಯ ಚಿತ್ರಕಲಾ ಶಿಕ್ಷಕಿ ಯಶೋಧ ಪತ್ತಾರ ಅವರನ್ನ ಇನ್ನರ್ ವೀಲ್ ಕ್ಲಬ್‌ನ ಸದಸ್ಯರು ಸನ್ಮಾನಿಸಿದರು.
ಮನೆಗಳಿಗೆ ಟೈಲ್ಸ್ ಹಾಕುವ ಕಾರ್ಮಿಕ ಸಂತೋಷ ಅವರ ಮಕ್ಕಳ ವಿದ್ಯಾಭ್ಯಾಸ ನೆರವಿಗೆ ಇನ್ನರ್‌ವ್ಹೀಲ್‌ ಕ್ಲಬ್ ಸದಸ್ಯೆ ಸುಜಾತ ರೆಡ್ಡಿ ₹25 ಸಾವಿರ ಹಣ ದೇಣಿಗೆ ನೀಡಿದರು.
ಇನ್ನರ್ ವ್ಹೀಲ್‌ ಕ್ಲಬ್‌ನ ಅಧ್ಯಕ್ಷೆ ಪ್ರಿಯಾಕುಮಾರಿ, ಖಜಾಂಚಿ ಮಂಜುಳ ಸಿಂಗನಾಳ, ರಜನಿ ಆಲಂಪಲ್ಲಿ ಸೇರಿ ಶಿಕ್ಷಕರು, ಶಿಕ್ಷಕಿಯರು, ಮಕ್ಕಳು ಇದ್ದರು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.