ಮುಂಬೈ: ಬಾಲಿವುಡ್ ನಟ ಶಾರುಕ್ ಖಾನ್ ನಿವಾಸದಲ್ಲಿ ಎನ್ಸಿಬಿ ತಂಡದ ಅಧಿಕಾರಿಗಳು ಗುರುವಾರ ಪರಿಶೀಲನೆ ನಡೆಸಿದ್ದಾರೆ ಎಂದು ಸುದ್ದಿಸಂಸ್ಥೆ ಎಎನ್ಐ ಟ್ವೀಟ್ ಮಾಡಿದೆ.
ಡ್ರಗ್ಸ್ ಪ್ರಕರಣದ ಸಂಬಂಧ ಜೈಲಿನಲ್ಲಿರುವ ಪುತ್ರ ಆರ್ಯನ್ನನ್ನು ಶಾರುಕ್ ಖಾನ್ ಇಂದು (ಗುರುವಾರ) ಭೇಟಿಯಾದರು. ಇದಾದ ಕೆಲ ಕ್ಷಣಗಳಲ್ಲೇ ಶಾರುಕ್ ಅವರ ನಿವಾಸ 'ಮನ್ನತ್'ನಲ್ಲಿ ಎನ್ಸಿಬಿ ತಂಡದ ಅಧಿಕಾರಿಗಳು ಕಾಣಿಸಿಕೊಂಡಿದ್ದಾರೆ.
ಇದೇ ಸಂದರ್ಭದಲ್ಲಿ ಮತ್ತೊಬ್ಬ ಬಾಲಿವುಡ್ ನಟ ಚಂಕಿ ಪಾಂಡೆ ಅವರ ನಿವಾಸಕ್ಕೂ ಎನ್ಸಿಬಿ ತಂಡ ತೆರಳಿದೆ ಎಂಬ ಮಾಹಿತಿ ಲಭ್ಯವಾಗಿದೆ. ಚಂಕಿ ಪಾಂಡೆ ಮಗಳು ಅನನ್ಯಾ ಪಾಂಡೆ ಅವರು ಎನ್ಸಿಬಿ ವಿಚಾರಣೆಗೆ ಇಂದು ಹಾಜರಾಗಲಿದ್ದಾರೆ.