ಬೆಂಗಳೂರು: ಆಗಸ್ಟ್ 12 ರಂದು ಪ್ರತಿವರ್ಷ ಅಂತರರಾಷ್ಟ್ರೀಯ ಆನೆ ದಿನವನ್ನಾಗಿ ಆಚರಿಸಲಾಗುತ್ತದೆ. ಇದೇ ಸಂದರ್ಭದಲ್ಲಿ ರಾಬರ್ಟ್ ಚಿತ್ರದ ನಟಿ ಆಶಾ ಭಟ್ ಕೂಡ ಆನೆಯ ಬಗ್ಗೆ ಪ್ರೀತಿ ಮತ್ತು ಕಾಳಜಿ ವ್ಯಕ್ತಪಡಿಸಿದ್ದಾರೆ.
ತಮ್ಮ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ನಟಿ ಆಶಾ ಭಟ್, ‘ಹಾಥಿ ಮೇರೆ ಸಾಥಿ’ ಎಂಬ ಅಡಿಬರಹದೊಂದಿಗೆ ಆನೆಯ ಜತೆಗಿರುವ ಫೋಟೊ ಪೋಸ್ಟ್ ಮಾಡಿದ್ದಾರೆ.
ಆನೆಗಳು ಗಾತ್ರದಲ್ಲಿ ದೊಡ್ಡದಾಗಿ ಕಂಡರೂ, ಅವು ಪಾಪದ ಪ್ರಾಣಿಯಾಗಿದೆ. ಆನೆಗಳನ್ನು ರಕ್ಷಿಸಲು ಮತ್ತು ಅವುಗಳ ಬಗ್ಗೆ ಕಾಳಜಿ ವಹಿಸಲು ನಾವೆಲ್ಲ ಒಂದಾಗಬೇಕು ಎಂದು ನಟಿ ಆಶಾ ಭಟ್ ಹೇಳಿದ್ದಾರೆ.
