ಆಹಾರ ಸೇವಿಸಲು ನಿಮ್ಮ ಮಗು ಹಠ ಮಾಡುತ್ತಿದ್ದರೆ ಹೀಗೆ ಮಾಡಿ

ಮಕ್ಕಳ ಆರೋಗ್ಯದ ಮೂಲವೇ ಜೀರ್ಣಶಕ್ತಿ (ಜಠರಾಗ್ನಿ). ಆಯುರ್ವೇದದ ಪ್ರಕಾರ, ಮಗುವಿನ ಬೆಳವಣಿಗೆ, ಬುದ್ಧಿವಿಕಾಸ, ರೋಗ ನಿರೋಧಕ ಶಕ್ತಿ ಎಲ್ಲವೂ ಜೀರ್ಣಶಕ್ತಿಯ ಮೇಲೆಯೇ ಅವಲಂಬಿತವಾಗಿದೆ. ಆದರೆ ಇಂದಿನ ಪೋಷಕರಲ್ಲಿ ಹಲವರಿಗೆ ಒಂದು ಪ್ರಶ್ನೆ ಸಾಮಾನ್ಯ - “ಮಗು ಸರಿಯಾಗಿ ತಿನ್ನುತ್ತಿಲ್ಲ, ಜೀರ್ಣವಾಗುತ್ತಿಲ್ಲ, ಏನು ಮಾಡಬೇಕು?” ಈ ಗೊಂದಲಗಳಿಗೆ ಉಪಯುಕ್ತ ಮಾಹಿತಿ ಇಲ್ಲಿವೆ.

ಮಕ್ಕಳಲ್ಲಿ ಜೀರ್ಣಶಕ್ತಿಯ ಬೆಳವಣಿಗೆಯ ಹಂತಗಳು

⦁ 1–6 ತಿಂಗಳು : ಕೇವಲ ತಾಯಿ ಹಾಲು (Exclusive breastfeeding) – ಇದು ಸುಲಭವಾಗಿ ಜೀರ್ಣವಾಗುವ, ಸಂಪೂರ್ಣ ಆಹಾರ.

⦁ 6 ತಿಂಗಳ ನಂತರ : ಅರ್ಧಘನ (Semisolid) ಆಹಾರವನ್ನು ನಿಧಾನವಾಗಿ ಪರಿಚಯಿಸಬೇಕು.

⦁ 1 ವರ್ಷಕ್ಕೆ : ಮನೆಯ ಆಹಾರಕ್ಕೆ (Family pot) ಮಗು ಹೊಂದಿಕೊಳ್ಳುವ ಹಂತ.

⦁ 1–2 ವರ್ಷ (ಕ್ಷೀರಾನ್ನದ ಅವಸ್ಥೆ) : ಈ ವಯಸ್ಸಿನಲ್ಲಿ ಜಠರಾಗ್ನಿ ಸ್ವಾಭಾವಿಕವಾಗಿ ದುರ್ಬಲವಾಗಿರುತ್ತದೆ. ಈ ಹಂತದಲ್ಲಿ ಹೊಸ ಆಹಾರಗಳ ಪರಿಚಯ, ಹಲ್ಲು ಮೂಡುವಿಕೆ (Teething) ಬಾಯಿಗೆ ಎಲ್ಲವನ್ನೂ ಹಾಕಿಕೊಳ್ಳುವ ಅಭ್ಯಾಸ(Mouthing), ಹೊಸ ಸೋಂಕುಗಳು, ಲಿವರ್ ಎನ್ಜೈಮ್ಗಳ ಅಪೂರ್ಣತೆ ಇವೆಲ್ಲವೂ ಜೀರ್ಣಕ್ರಿಯೆ ಮೇಲೆ ಪರಿಣಾಮ ಬೀರುತ್ತವೆ.

ಮಗುವಿನ ಆಹಾರ ನಡವಳಿಕೆ – ಸಹಜವೇ ಅಥವಾ ಸಮಸ್ಯೆಯೇ? ಗುರುತಿಸುವುದು ಹೇಗೆ

ಮಂದಾಗ್ನಿ (ದುರ್ಬಲ ಜೀರ್ಣಶಕ್ತಿ) ಲಕ್ಷಣಗಳು ಪೋಷಕರು ಗಮನಿಸಬೇಕಾದ ಸೂಚನೆಗಳು:

1 ರಿಂದ 3 ವರ್ಷದೊಳಗಿನ ಮಕ್ಕಳನ್ನು ಟಾಡ್ಲರ್ ಗಳು ಎಂದು ಕರೆಯಲಾಗುತ್ತದೆ. ಈ ವಯಸ್ಸಿನ ಮಕ್ಕಳ ಆಹಾರ ನಡವಳಿಕೆ ದೊಡ್ಡವರಂತಿಲ್ಲ. ಬಹುತೇಕ ಪೋಷಕರು ಇದನ್ನು ಸಮಸ್ಯೆ ಎಂದು ಭಾವಿಸಿದರೂ, ಬಹಳಷ್ಟು ಸಂದರ್ಭಗಳಲ್ಲಿ ಇದು ಸಹಜ ಬೆಳವಣಿಗೆಯ ಭಾಗ.

ಟಾಡ್ಲರ್ ಗಳು:

ಒಂದೇ ಆಹಾರವನ್ನು ಮತ್ತೆಮತ್ತೆ ತಿರಸ್ಕರಿಸಬಹುದು – ಇದು ರುಚಿ ಅರಿವಿನ ಬೆಳವಣಿಗೆಯ ಸೂಚನೆ, ಹಠವಲ್ಲ

ಆಟವಾಡುತ್ತಾ ತಿನ್ನಲು ಇಷ್ಟಪಡುತ್ತಾರೆ – ಆಟ ಚಟುವಟಿಕೆ ಪರಿಸರದ ಮೇಲೆ ಗಮನ ಹೆಚ್ಚು

ತಮ್ಮ ಹಸಿವು–ತೃಪ್ತಿಯ ಸಂಕೇತವನ್ನು ತಾವೇ ಸೂಚಿಸುತ್ತಾರೆ – ಹಸಿವಾದಾಗ ತಿನ್ನುತ್ತಾರೆ, ತೃಪ್ತಿಯಾದಾಗ ನಿಲ್ಲಿಸುತ್ತಾರೆ. ಈ ಹಂತದಲ್ಲಿ ಮಗು ಎಷ್ಟು ತಿನ್ನುತ್ತಿದೆ ಎಂಬುದಕ್ಕಿಂತ, ಎಷ್ಟು ಜೀರ್ಣಿಸಿಕೊಳ್ಳುತ್ತಿದೆ ಎಂಬುದು ಮುಖ್ಯ.

ಯಾವಾಗ ಸಮಸ್ಯೆ ಎಂದು ಪರಿಗಣಿಸಬೇಕು?

⦁ ಆಹಾರಕ್ಕೆ ಆಸಕ್ತಿ ಇಲ್ಲ, ಮಗು ಪ್ರತಿಬಾರಿಯೂ ಆಹಾರ ತಿರಸ್ಕರಿಸುತ್ತಿದ್ದರೆ

⦁ ತಿನ್ನುವ ಪ್ರತಿಸಾರಿ ವಾಂತಿ ಅಥವಾ ಅಜೀರ್ಣವಾಗುತ್ತಿದ್ದರೆ

⦁ ವಯಸ್ಸಿಗೆ ಅನುಗುಣವಾಗಿ ತೂಕ ಹೆಚ್ಚಾಗದೆ ಇದ್ದರೆ

⦁ ಮಗು ಸದಾ ಸುಸ್ತಾಗಿದ್ದರೆ

⦁ ಸ್ವಲ್ಪ ತಿಂದರೂ ಹೊಟ್ಟೆ ತುಂಬಿದಂತೆ ಭಾಸ

⦁ ಹೊಟ್ಟೆ ಉಬ್ಬರ

⦁ ಗ್ಯಾಸು

⦁ ಮಲಬದ್ಧತೆ ಅಥವಾ ಅತಿಸಾರ

⦁ ಬಾಯಿ ದುರ್ವಾಸನೆ

⦁ ಪದೇಪದೇ ಶೀತ, ಕೆಮ್ಮು

ಇವು ನಿರಂತರವಾಗಿದ್ದರೆ ವೈದ್ಯರ ಸಲಹೆ ಅಗತ್ಯ.

ಪೋಷಕರಿಗೆ ಮುಖ್ಯ ಸಂದೇಶ:

ಮನೆಮಟ್ಟದ ಸರಳ ತಿದ್ದುಪಡಿಗಳು

⦁ ಸಮಯಕ್ಕೆ ಸರಿಯಾಗಿ ಮಗುವಿನ ಜೀರ್ಣಶಕ್ತಿಗೆ ಅನುಗುಣವಾಗಿ ಪೌಷ್ಠಿಕಾಂಶವುಳ್ಳ ತಾಜಾ ಸಾತ್ವಿಕ ಆಹಾರ ತಿನ್ನಿಸಿ. ಮಕ್ಕಳಿಗೆ ಜಂಕ್ ಫುಡ್ ತಿನ್ನಿಸಬೇಡಿ. ಮೊಬೈಲ್/ಟಿವಿ ನೋಡಿಸುತ್ತಾ ತಿನ್ನಿಸಬೇಡಿ ಆಹಾರ ತಿನ್ನಿಸಿದ ನಂತರ ತಕ್ಷಣ ಮಲಗಿಸಬೇಡಿ.

⦁ ಒಂದು ವರ್ಷದ ಹೊತ್ತಿಗೆ ಮಗುವಿನ ಜೀರ್ಣಶಕ್ತಿ ಮನೆಯ ಆಹಾರಕ್ಕೆ ಹೊಂದಿಕೊಳ್ಳುವ ಹಂತದಲ್ಲಿರುತ್ತದೆ. ಈ ಸಮಯದಲ್ಲಿ ಮನೆಯ ಆಹಾರವನ್ನು(ಉಪ್ಪು ಹುಳಿ ಮತ್ತು ಖಾರ ಕಡಿಮೆ ಪ್ರಮಾಣ) ಮೃದು ರೂಪದಲ್ಲಿ ಪರಿಚಯಿಸುವುದು ಜೀರ್ಣಶಕ್ತಿಯನ್ನು ಬಲಪಡಿಸುತ್ತದೆ.

⦁ ಮನೆಯ ಆಹಾರ

⦁ ಮಗು ಮನೆಯ ಸಂಪ್ರದಾಯಬದ್ಧ ಆಹಾರ ಪದ್ಧತಿ ಹಾಗು ರುಚಿಗೆ (ಷಡ್ರಸಕ್ಕೆ) ಹೊಂದಿಕೊಳ್ಳುತ್ತದೆ

⦁ ಆಹಾರ ಆಯ್ಕೆಮಾಡುವ ಹಠ ತಪ್ಪುತ್ತದೆ

⦁ ಹಸಿವು–ತೃಪ್ತಿಯ ಅರಿವು ಬೆಳೆಯುತ್ತದೆ

⦁ ಕುಟುಂಬದೊಂದಿಗೆ ತಿನ್ನುವ ಸಂಸ್ಕಾರ ಬೆಳೆದು ಮನಸ್ಸಿಗೆ ನೆಮ್ಮದಿ ಹಾಗೆ ಜೀರ್ಣಶಕ್ತಿ ಬಲವಾಗುತ್ತದೆ

ಅಡುಗೆ ಆಟವಾಗಲಿ – ಆಹಾರ ಪ್ರೀತಿಯಾಗಲಿ

ಮಗುವನ್ನು ವಯಸ್ಸಿಗೆ ತಕ್ಕಂತೆ, ಸುರಕ್ಷಿತ ಅಡುಗೆ ಚಟುವಟಿಕೆಗಳಲ್ಲಿ (ತರಕಾರಿ– ತರಕಾರಿಗಳನ್ನು ತೊಳೆಯುವುದು, ಜೋಡಿಸುವುದು, ಮಿಕ್ಸಿಗೆ ಪದಾರ್ಥ ಹಾಕುವುದು) ಇತರೆ ಚಟುವಟಿಗೆ.

ಇದರಿಂದ ಆಗುವ ಪ್ರಯೋಜನಗಳು ⦁ ಆಹಾರದ ಮೇಲೆ ಸಹಜ ಆಸಕ್ತಿ ಬೆಳೆಯುತ್ತದೆ

⦁ ಹಸಿವು ತಾನಾಗಿಯೇ ಬರುತ್ತದೆ

⦁ ಆಹಾರದ ಮೌಲ್ಯ ಅರಿಯಲು ಸಹಾಯವಾಗುತ್ತದೆ

⦁ ತಿನ್ನುಲು ಹಠ ಹಾಗೂ ಆಹಾರ ತಿರಸ್ಕಾರ ಕಡಿಮೆಯಾಗುತ್ತದೆ

⦁ ತಾನೇ ಕೈ ಹಾಕಿ ಮಾಡಿದ ಆಹಾರವನ್ನು ಮಗು ಹೆಚ್ಚು ಸಂತೋಷದಿಂದ ತಿನ್ನುತ್ತದೆ.

(ಲೇಖಕರು: ಮಕ್ಕಳ ಆರೋಗ್ಯ ವಿಭಾಗದ ಆಯುರ್ವೇದ ತಜ್ಞರು, ಹುಬ್ಬಳ್ಳಿಯ ಆಯುರ್ವೇದ ಕಾಲೇಜು ಆಸ್ಪತ್ರೆ)

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಆಹಾರ ಸೇವಿಸಲು ನಿಮ್ಮ ಮಗು ಹಠ ಮಾಡುತ್ತಿದ್ದರೆ ಹೀಗೆ ಮಾಡಿ

ಚಿನಕುರುಳಿ: ಶುಕ್ರವಾರ, 19 ಡಿಸೆಂಬರ್ 2025

ದಿನ ಭವಿಷ್ಯ: ಶಾಂತವಾಗಿ ವರ್ತಿಸಿದಷ್ಟು ಏಳಿಗೆಯಾಗಲಿದೆ

IND vs SA 5th T20I: ಹಾರ್ದಿಕ್,ತಿಲಕ್ ಅಬ್ಬರ; ಭಾರತಕ್ಕೆ ಸರಣಿ ಗೆಲುವಿನ ಸಿಹಿ

ಚುರುಮುರಿ: ಜಿ ರಾಮ್ ಜೀ..!

World Cup Team: ಆ ಕಾರಣಕ್ಕೆ ಗಿಲ್‌ರನ್ನು ತಂಡದಿಂದ ಕೈಬಿಡಲಾಯಿತು ಎಂದ ಅಗರ್ಕರ್

ವಿಶ್ವಕಪ್ ತಂಡದಿಂದ RCB ಆಟಗಾರನಿಗೆ ಕೊಕ್: SMATಯಲ್ಲಿ ಅಬ್ಬರಿಸಿದವನಿಗೆ ಅವಕಾಶ

T20 World Cup| ಗಿಲ್ ಔಟ್, ಭಾರತ ತಂಡಕ್ಕೆ ನೂತನ ಉಪನಾಯಕ: ಹೀಗಿದೆ ತಂಡ

ಕ್ಯಾಮೆರಾಮ್ಯಾನ್ ಭುಜಕ್ಕೆ ಬಡಿದ ಹಾರ್ದಿಕ್ ಬಾರಿಸಿದ ಸಿಕ್ಸರ್‌: ಮುಂದೇನಾಯ್ತು..?

ಒಳನೋಟ | ಯುಕೆಪಿಗೆ ಇಚ್ಛಾಶಕ್ತಿ ಕೊರತೆ

ಒಳನೋಟ | ನಿಗಮ– ಮಂಡಳಿಗಳು: ಸರ್ಕಾರ ಸಾಕುವ ಬಿಳಿಯಾನೆ

ಒಳನೋಟ: ಖಾಲಿಯಿವೆ ಬಿ.ಇ ಸೀಟು!

ಒಳನೋಟ: ಶ್ರೀಗಂಧ ಕೃಷಿಗೆ ನೂರು ಕಷ್ಟ

ಚಿನಕುರುಳಿ: ಶುಕ್ರವಾರ, 19 ಡಿಸೆಂಬರ್ 2025

ದಿನ ಭವಿಷ್ಯ: ಶಾಂತವಾಗಿ ವರ್ತಿಸಿದಷ್ಟು ಏಳಿಗೆಯಾಗಲಿದೆ

IND vs SA 5th T20I: ಹಾರ್ದಿಕ್,ತಿಲಕ್ ಅಬ್ಬರ; ಭಾರತಕ್ಕೆ ಸರಣಿ ಗೆಲುವಿನ ಸಿಹಿ

ಚುರುಮುರಿ: ಜಿ ರಾಮ್ ಜೀ..!