ಕೋವಿಡ್–19 ಲಾಕ್‌ಡೌನ್‌ | ಮಕ್ಕಳಿಗೆ ಆಟ: ಪೋಷಕರ ಪರದಾಟ

ಶಾಲಾ– ಕಾಲೇಜುಗಳ ತರಗತಿಗಳು ಇನ್ನೂ ಆರಂಭವಾಗಿಲ್ಲ. ಮಕ್ಕಳು ಸಮಯ ಕಳೆಯಲು ಸ್ನೇಹಿತರ ಜೊತೆ ಯಾವ ಜಾಗದಲ್ಲಿ ಸುತ್ತಿ ಬರುತ್ತಾರೋ, ಅವರ ಸ್ನೇಹಿತರು ಕೊರೊನಾ ವಿರುದ್ಧ ಸರಿಯಾದ ಮುನ್ನೆಚ್ಚರಿಕೆ ವಹಿಸುತ್ತಾರೋ ಇಲ್ಲವೋ ಎಂಬ ಶಂಕೆ ಪೋಷಕರಿಗೆ. ಈ ಸಂದರ್ಭದಲ್ಲಿ ಮಕ್ಕಳನ್ನು ನಿಭಾಯಿಸುವುದು ಹೇಗೆ?

. ***

. ಲಾಕ್ಡೌನ್ ತೆರವಾದ ನಂತರ ಜನರ ಓಡಾಟವೂ ಜಾಸ್ತಿಯಾಗಿದೆ. ಕೆಲವರು ಕಚೇರಿಗೂ ಹೋಗಿ ಬಂದು ಮಾಡುತ್ತಿದ್ದಾರೆ. ದಿನನಿತ್ಯದ ಚಟುವಟಿಕೆಗಳಿಗೆ ನಿಧಾನವಾಗಿ, ಮುನ್ನೆಚ್ಚರಿಕೆಯ ಜೊತೆ ಹೊಂದಿಕೊಳ್ಳುತ್ತಿದ್ದಾರೆ. ಆದರೆ ಪೋಷಕರು ತಮ್ಮ ಕುರಿತ ಕಾಳಜಿಗಿಂತ ಮಕ್ಕಳ ಬಗ್ಗೆ ಆತಂಕಗೊಂಡಿರುವುದು ಸಹಜವೇ. ಕಚೇರಿಗೆ ತೆರಳಿದರೂ ಮಕ್ಕಳು ಏನು ಮಾಡುತ್ತಿದ್ದಾರೋ, ನೆರೆ ಮನೆಯ ಮಕ್ಕಳ ಜೊತೆ ಆಟ ಆಡಲು ಅಥವಾ ಸಮೀಪದ ಪಾರ್ಕ್ಗೆ ಹೋಗಿಬಿಟ್ಟಿದ್ದಾರೋ ಎಂಬ ಗಾಬರಿಯಿಂದ ದಿನ ಕಳೆಯುತ್ತಿದ್ದಾರೆ.

. ಚಿಕ್ಕ ಮಕ್ಕಳ ಬಗ್ಗೆ ಒಂದು ರೀತಿಯ ಚಿಂತೆಯಾದರೆ, ಹದಿಹರೆಯದ ಮಕ್ಕಳ ಬಗ್ಗೆ ಇನ್ನೊಂದು ಬಗೆಯ ದುಗುಡ.

. ‘ಚಿಕ್ಕ ಮಕ್ಕಳನ್ನು ಎಷ್ಟು ದಿನಗಳ ಕಾಲ ಮನೆಯಲ್ಲೇ ಕೂಡಿ ಹಾಕಬೇಕು ಹೇಳಿ. ಟಿವಿ, ಮೊಬೈಲ್, ಮನೆಯಲ್ಲೇ ಆಡುವ ಬೋರ್ಡ್ ಗೇಮ್ಸ್, ಆನ್ಲೈನ್ ತರಗತಿ ಎಂದು ಕೆಲವು ತಿಂಗಳ ಕಾಲ ಅವರನ್ನು ಎಂಗೇಜ್ ಆಗಿರುವಂತೆ ನೋಡಿಕೊಂಡೆ. ‘ಆದರೆ ಇನ್ನೂ ಎಷ್ಟು ದಿನ ಹೀಗೇ ಮನೆಯೊಳಗೇ ಇರುವುದು, ಹೊರಗೆ ಪಾರ್ಕ್, ಮಾಲ್ ಎಂದು ಸುತ್ತಿ ಬರೋಣ’ ಎಂದು ಮಕ್ಕಳಿಬ್ಬರೂ ಒಂದೇ ಸಮನೆ ಪೀಡಿಸುತ್ತಾರೆ’ ಎನ್ನುವ ಬೆಂಗಳೂರು ಜೆ.ಪಿ. ನಗರದ ಅಶ್ವಿನಿ ಮನೋಹರ್, ‘ಕೆಲವೊಮ್ಮೆ ನಮ್ಮ ಕಣ್ಣು ತಪ್ಪಿಸಿ ಬೀದಿಯಲ್ಲಿ ಆಟವಾಡಲು ಹೋಗಿಬಿಡುತ್ತಾರೆ’ ಎಂದು ಅಳಲು ತೋಡಿಕೊಳ್ಳುತ್ತಾರೆ.

. ಪೋಷಕರ ಜವಾಬ್ದಾರಿ ಮಕ್ಕಳು ಆಟವಾಡಲು ಹಟ ಮಾಡಿದರೆ ಒಳಾಂಗಣವೇ, ಹೊರಾಂಗಣವೇ, ಎಷ್ಟು ಸಮಯ ಅವರು ಬೇರೆ ಮಕ್ಕಳ ಜೊತೆ ಬೆರೆಯುತ್ತಾರೆ, ಹೊರಗಡೆ ತಿಂಡಿ– ಪಾನೀಯ ಸೇವಿಸುತ್ತಾರೆಯೇ ಇತ್ಯಾದಿ ಮಾಹಿತಿಗಳನ್ನು ಪೋಷಕರು ಕಲೆ ಹಾಕಬೇಕಾಗುತ್ತದೆ. ಇನ್ನು ಈ ಕೋವಿಡ್ ಸಂದರ್ಭದಲ್ಲಿ ಅನುಸರಿಸಬೇಕಾದ ಅವಶ್ಯಕ ಮುನ್ನೆಚ್ಚರಿಕೆಗಳಾದ ಮುಖಗವಸು, ಸ್ಯಾನಿಟೈಸರ್, ಅಂತರ ಮೊದಲಾದವುಗಳ ಬಗ್ಗೆಯಂತೂ ಬಹಳ ಎಚ್ಚರಿಕೆಯಿಂದ ಇರಬೇಕಾಗುತ್ತದೆ. ಮಕ್ಕಳು ಆಟವಾಡುವಾಗ ಇವೆಲ್ಲದರ ಬಗ್ಗೆ ನಿಗಾ ವಹಿಸುತ್ತಾರೆಯೇ ಎಂಬುದು ಹಲವು ಪೋಷಕರ ಪ್ರಶ್ನೆ.

. ಮಕ್ಕಳನ್ನು ಪ್ರತಿ ಹಂತದಲ್ಲಿ ಪ್ರಶ್ನಿಸಿದರೂ ಅವರಿಗೆ ಕಿರಿಕಿರಿ ಎನಿಸುವುದು ಸಹಜ. ‘ನನ್ನ ಅಪ್ಪ ತುಂಬಾ ಸ್ಟ್ರಿಕ್ಟ್’ ಎಂದು ಒಳಗೊಳಗೇ ಸಿಡಿಮಿಡಿ ಶುರುವಾಗುತ್ತದೆ. ಕ್ರಮೇಣ ಅದು ದ್ವೇಷಕ್ಕೂ ತಿರುಗಬಹುದು. ಆದರೆ ಅಪಾರ್ಟ್ಮೆಂಟ್ ಸಮುಚ್ಛಯದಲ್ಲಿ ಯಾರಿಗಾದರೂ ಕೊರೊನಾ ಸೋಂಕಿದ್ದರೆ ನೀವು ಮಕ್ಕಳ ವಿಷಯದಲ್ಲಿ ಕಠಿಣವಾಗಿಯೇ ವರ್ತಿಸಬೇಕಾಗುತ್ತದೆ.

. ಅರಿವು ಮೂಡಿಸಿ ಆದರೆ ಎಲ್ಲವನ್ನೂ ಒಮ್ಮೆಲೇ ಮಾಡದೆ, ಹಂತಹಂತವಾಗಿ ತಿಳಿವಳಿಕೆ ನೀಡುತ್ತ ಹೋಗಿ. ಹದಿಹರೆಯದ ಮಕ್ಕಳಾದರೆ ಅವರು ಎಲ್ಲಿ, ಎಂತಹ ಗುಂಪಿನ ಜೊತೆ ಬೆರೆಯುತ್ತಾರೆ ಎಂಬುದನ್ನು ತಿಳಿದುಕೊಳ್ಳಿ. ಸೂಕ್ತ ಮುನ್ನೆಚ್ಚರಿಕೆ ಕೊಡಿ.

. ಬೇರೆ ಮಕ್ಕಳು ಮುಖಗವಸು ಧರಿಸದಿದ್ದರೆ ಬೆರೆಯಲು ಬಿಡಬೇಡಿ. ಮನೆಯೊಳಗಿಂತ ಹೊರಗಡೆ ಸೇರುವುದು ಹೆಚ್ಚು ಸುರಕ್ಷಿತ. ಜೊತೆಗೆ ಸಮಯವನ್ನು ನಿಗದಿಪಡಿಸಿ. ಉದಾಹರಣೆಗೆ ಮಧ್ಯಾಹ್ನ ಒಂದು ತಾಸು ಸಾಕು ಎಂದು ಕಟ್ಟುನಿಟ್ಟಾಗಿ ಹೇಳಿ. ಮುಖಗವಸು, ಸ್ಯಾನಿಟೈಸರ್, ಅಂತರ ಕಾಪಾಡಿಕೊಳ್ಳುವುದರ ಬಗ್ಗೆ ನೀವು ಎಷ್ಟೇ ಎಚ್ಚರಿಕೆ ಕೊಟ್ಟರೂ ಮಕ್ಕಳು ಮಕ್ಕಳೇ. ಅಲ್ಲಿ ನೂರಕ್ಕೆ ನೂರರಷ್ಟು ಇವೆಲ್ಲ ಪಾಲನೆಯಾಗುತ್ತವೆ ಎಂದು ನಿರೀಕ್ಷಿಸುವುದು ಸರಿಯಲ್ಲ. ಆದರೆ ಹದಿಹರೆಯದವರಿಗೆ ಅವರ ಜವಾಬ್ದಾರಿಗಳ ಬಗ್ಗೆ ತಿಳಿಸಿ ಹೇಳಿ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕೋವಿಡ್–19 ಲಾಕ್‌ಡೌನ್‌ | ಮಕ್ಕಳಿಗೆ ಆಟ: ಪೋಷಕರ ಪರದಾಟ

ಚಿನಕುರುಳಿ | ಸೋಮವಾರ, 14 ಜುಲೈ 2025

ಚುರುಮುರಿ | ಭೋಜನ ಭಾಗ್ಯ

ಮದುವೆಯಾಗಿ ಮೂರೇ ತಿಂಗಳಿಗೆ ಗಂಡನನ್ನು ಕೃಷ್ಣಾ ನದಿಗೆ ತಳ್ಳಿದ ಪತ್ನಿ! ಹೈಡ್ರಾಮಾ

ಚೀನಾ ಅತಿಕ್ರಮಣ: ತೈವಾನ್ ವಾಯುಪ್ರದೇಶ ಪ್ರವೇಶಿಸಿದ 17 ಯುದ್ಧ ವಿಮಾನ

ಫಿಡೆ ಮಹಿಳಾ ವಿಶ್ವಕಪ್‌ ಚೆಸ್‌: ಪ್ರಿಕ್ವಾರ್ಟರ್‌ಗೆ ದಿವ್ಯಾ, ಹಂಪಿ, ವೈಶಾಲಿ

Lords Test: ಹೋರಾಡಿ ಸೋತ ಗಿಲ್‌ ಬಳಗ; ಫಲ ನೀಡದ ಬಾಲಗೋಂಚಿಗಳ ಹೋರಾಟ

ಜಪಾನ್‌ ಓಪನ್‌ ಬ್ಯಾಡ್ಮಿಂಟನ್‌ ಟೂರ್ನಿ: ಸಾತ್ವಿಕ್‌– ಚಿರಾಗ್‌ ಮೇಲೆ ನಿರೀಕ್ಷೆ

ರಾಜ್ಯ ರ‍್ಯಾಂಕಿಂಗ್‌ ಬ್ಯಾಡ್ಮಿಂಟನ್‌ ಟೂರ್ನಿ: ಇಶಾನ್‌, ಜೋಹನ್ನಾಗೆ ಪ್ರಶಸ್ತಿ

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಚಿನಕುರುಳಿ | ಸೋಮವಾರ, 14 ಜುಲೈ 2025

ಚುರುಮುರಿ | ಭೋಜನ ಭಾಗ್ಯ

ಮದುವೆಯಾಗಿ ಮೂರೇ ತಿಂಗಳಿಗೆ ಗಂಡನನ್ನು ಕೃಷ್ಣಾ ನದಿಗೆ ತಳ್ಳಿದ ಪತ್ನಿ! ಹೈಡ್ರಾಮಾ

ಚೀನಾ ಅತಿಕ್ರಮಣ: ತೈವಾನ್ ವಾಯುಪ್ರದೇಶ ಪ್ರವೇಶಿಸಿದ 17 ಯುದ್ಧ ವಿಮಾನ