2006ರಲ್ಲಿ ಬಿಜೆಪಿ ಜತೆ ಸೇರಿ ಸರ್ಕಾರ ಮಾಡಿದಾಗ ಅದು ಸಹಜ ಮೈತ್ರಿಯಾಗಿತ್ತು. ನಾನಾ ಕಾರಣಗಳಿಂದ ಅದು ಮುರಿದು ಬಿತ್ತು. ಆಗ ಕುಮಾರಸ್ವಾಮಿ ಒಳ್ಳೆಯ ಸರ್ಕಾರ ಕೊಟ್ಟರು ಎಂದು ಕರ್ನಾಟಕದ ಮನೆಮನೆಗಳಲ್ಲಿ ಜನ ಮಾತನಾಡುತ್ತಿದ್ದರು. ಆಗ ಮೂಡಿದ ಒಳ್ಳೆಯ ಅಭಿಪ್ರಾಯವೇ(ಗುಡ್‌ವಿಲ್‌) ಇಂದು ನಮ್ಮ ಪಕ್ಷವನ್ನು ಉಳಿಸಿದೆ. ಆದರೆ, ಕಾಂಗ್ರೆಸ್ ಜತೆ ಮಾಡಿಕೊಂಡ ಅಸಹಜ ಮೈತ್ರಿಯಿಂದಾಗಿ ಎಲ್ಲವೂ ಕಳೆದುಹೋಯಿತು. ಎರಡೂ ಪಕ್ಷದ ನಾಯಕರು, ಕಾರ್ಯಕರ್ತರು ಹಾಗೂ ರಾಜ್ಯದ ಜನರಿಗೆ ಕೂಡ ಬಿಜೆಪಿ–ಜೆಡಿಎಸ್‌ ಮೈತ್ರಿಯಾಗಬೇಕೆಂಬ ಭಾವನೆ ಇದೆ.

ಅಧಿಕಾರಕ್ಕಾಗಿ ಈ ಮೈತ್ರಿ ಮಾಡಿಕೊಂಡಿಲ್ಲ. ಈ ಸರ್ಕಾರದ ನಡವಳಿಕೆ ನೋಡಿದರೆ ಮುಂದೆ ಐದು ವರ್ಷದ ಇವರೇ ಇದ್ದರೆ ರಾಜ್ಯವನ್ನು ಉಳಿಸುವುದಿಲ್ಲ ಎಂಬುದು ಸ್ಪಷ್ಟ. ಪಕ್ಷವನ್ನು ಬಲಗೊಳಿಸುವ ಜತೆಗೆ ರಾಜ್ಯವನ್ನು ಉಳಿಸುವುದು ನಮ್ಮ ಮುಂದಿರುವ ಗುರಿ. ರಾಜ್ಯವನ್ನು ಸರಿದಾರಿಗೆ ತರಬೇಕಾದರೂ ಇಬ್ಬರೂ ಸೇರಿ ಹೋರಾಟ ನಡೆಸುವುದು ಅನಿವಾರ್ಯ. ಸರ್ಕಾರ ನಡೆಸುವ ಹಿಡಿಮಂದಿ ಸೇರಿಕೊಂಡು ಖಜಾನೆಯನ್ನೇ ಲೂಟಿ ಹೊಡೆಯುತ್ತಿದ್ದಾರೆ. ಇದಕ್ಕೆ ತಡೆಯೊಡ್ಡಬೇಕಿದೆ.

ನಾಲ್ಕು ತಿಂಗಳಲ್ಲೇ ಅವರಲ್ಲಿನ ಭಿನ್ನಾಭಿಪ್ರಾಯ ಹೊರಬಂದಿದೆ. ಮೂವರು ಡಿಸಿಎಂ ಸೃಷ್ಟಿ ಚರ್ಚೆ ನಡೆದಿದೆ. ಇವೆಲ್ಲ ನೋಡುತ್ತಿದ್ದರೆ, ಕಾಂಗ್ರೆಸ್‌ ನಾಯಕರಲ್ಲಿ, ಜನರಲ್ಲಿ ಈ ಸರ್ಕಾರ ಐದು ವರ್ಷ ಇರುತ್ತದೆಯೇ ಎಂಬ ಅನುಮಾನ ಮೂಡಿದೆ. ವಿಧಾನಸಭೆ ಚುನಾವಣೆಯಲ್ಲಿ ಬಿಜೆಪಿ–ಜೆಡಿಎಸ್‌ ಎರಡೂ ಪಕ್ಷಗಳು ಪಡೆದ ಮತ ಕೂಡಿದರೆ ಲೋಕಸಭೆಯಲ್ಲಿ ಅತಿ ಹೆಚ್ಚು ಸ್ಥಾನ ಗೆಲ್ಲುತ್ತೇವೆ. 2019ರಲ್ಲಿ ಲೋಕಸಭಾ ಫಲಿತಾಂಶ ಬಂದರೆ ನಂತರ ಏನಾಯ್ತು?

135 ಸದಸ್ಯರ ಬಲದ ಸರ್ಕಾರ ಹೋಗುತ್ತದೆ ಎಂದು ಹೇಳಲಾರೆ. ಲೋಕಸಭೆ ಚುನಾವಣೆಯಲ್ಲಿ ನಿರೀಕ್ಷಿತ ಗೆಲುವು ಸಾಧಿಸದೇ ಇದ್ದರೆ ಸರ್ಕಾರ ವಿಸರ್ಜನೆ ಮಾಡಬೇಕಾದ ಸಂದರ್ಭ ಬರಬಹುದು ಎಂದು ಸಚಿವ ಕೆ.ಎನ್. ರಾಜಣ್ಣ ಹೇಳಿದ್ದಾರೆ. 25–26 ಸೀಟು ವಿರೋಧ ಪಕ್ಷಗಳ ಪಾಲಾದರೆ ಕಾಂಗ್ರೆಸ್ ಸರ್ಕಾರದ ಸ್ಥಿತಿ ಏನು ಎಂಬುದನ್ನು ಸಚಿವರೇ ಪ್ರಶ್ನಿಸುತ್ತಿದ್ದಾರೆ. ಅವರ ಮಾತುಗಳಲ್ಲೇ ಎಲ್ಲ ಅರ್ಥ ಇದೆಯಲ್ಲ!

ನಮ್ಮ ಹಾಗೂ ಬಿಜೆಪಿ ಎರಡೂ ಪಕ್ಷಗಳ ಸಂಘಟನೆಯನ್ನು ಬಲಗೊಳಿಸಬೇಕಿದೆ. ಪರಸ್ಪರ ಸಹಕಾರದೊಂದಿಗೆ ಈ ಕೆಲಸವನ್ನು ಆದ್ಯತೆ ಮೇಲೆ ಮಾಡಲಿದ್ದೇವೆ. ಲೋಕಸಭೆ ಚುನಾವಣೆಯಲ್ಲಿ 28 ಸ್ಥಾನಗಳನ್ನು ಗೆಲ್ಲುವುದು ಒಂದು ಭಾಗ. ಅದಕ್ಕಿಂತ ಮುಖ್ಯವಾಗಿ ನೀರಾವರಿ, ಅಂತರರಾಜ್ಯ ವಿವಾದದಂತಹ ಸೂಕ್ಷ್ಮ ವಿಷಯಗಳಲ್ಲಿ ಕರ್ನಾಟಕಕ್ಕೆ ಅನ್ಯಾಯವಾಗುತ್ತಲೇ ಇದೆ. ಬುದ್ದಿವಂತಿಕೆ ಹಾಗೂ ಕಾನೂನಾತ್ಮಕ ನೆಲೆಯಲ್ಲಿ ಇವೆಲ್ಲ ಬಗೆಹರಿಸುವುದು ನನ್ನ ಆಸಕ್ತಿ. ಎನ್‌ಡಿಎ ಭಾಗವಾಗಿರುವುದರಿಂದ ಕೇಂದ್ರ ಸರ್ಕಾರದ ಪ್ರಮುಖರ ಮನವೊಲಿಸುವ ಯತ್ನ ಮಾಡುವೆ. ಒಕ್ಕೂಟ ವ್ಯವಸ್ಥೆಯಲ್ಲಿ ಹಿಂದೆ ಆಗಿರುವ ಅನ್ಯಾಯ ಸರಿಪಡಿಸುವುದೇ ಮೈತ್ರಿಯ ಪ್ರಮುಖ ಉದ್ದೇಶ.

ಎರಡೂ ಆಗುವುದಿಲ್ಲ. ಬಿಜೆಪಿಯಿಂದ 66 ಶಾಸಕರು ಗೆದ್ದಿದ್ದು, ಆ ಪಕ್ಷದಲ್ಲೇ ವಿರೋಧ ಪಕ್ಷದ ನಾಯಕರಾಗುವ ಸಮರ್ಥರು ಸಾಕಷ್ಟಿದ್ದಾರೆ. ಅದನ್ನು ಕೇಂದ್ರ ನಾಯಕರಿಗೆ ಮನವರಿಕೆ ಮಾಡಿಕೊಡುತ್ತೇನೆ ವಿನಃ ವಿರೋಧ ಪಕ್ಷದ ನಾಯಕ ಸ್ಥಾನ ಒಪ್ಪಲಾರೆ. ಎರಡೂ ಪಕ್ಷದ ಮಧ್ಯೆ ಸಮನ್ವಯಕಾರನಾಗಿ ಕೆಲಸ ಮಾಡುತ್ತೇನೆ. ಅಧಿಕಾರ ಬೇಡ.

ನಿಖಿಲ್‌ಗೆ ರಾಜಕೀಯ ಆಸಕ್ತಿ ಅಷ್ಟಾಗಿ ಇಲ್ಲ. ಆತ ಸಿನಿಮಾರಂಗದಲ್ಲೇ ಮುಂದೆ ಬರಬೇಕೆಂದು ಕೆಲವು ಯೋಜನೆಗಳನ್ನು ಹಾಕಿಕೊಂಡಿದ್ದಾನೆ.

ಬಿಜೆಪಿ ಜತೆಗಿನ ಮೈತ್ರಿ ಮುರಿಯದೇ ಹೋಗಿದ್ದರೆ ಒಡಿಶಾದಲ್ಲಿ ಬಿಜು ಪಟ್ನಾಯಕ್– ನವೀನ್ ಪಟ್ನಾಯಕ್ ರೀತಿಯಲ್ಲೇ ಕರ್ನಾಟಕದಲ್ಲೂ ನಮ್ಮ ಪಕ್ಷ ಬಲಿಷ್ಠವಾಗಿರುತ್ತಿತ್ತು. ಇವತ್ತು ನಮ್ಮ ಪಕ್ಷ ಉಳಿದಿದ್ದರೆ ಅದಕ್ಕೆ ಬಿಜೆಪಿ ಜತೆಗಿನ 20 ತಿಂಗಳ ಸರ್ಕಾರವೇ ಕಾರಣ. ಅಂದು ಮೈತ್ರಿ ಮುರಿದು ಬಿದ್ದುದರಿಂದ ಹಲವು ಶಾಸಕರು, ಮಾಜಿ ಶಾಸಕರು ಬೇರೆ ಪಕ್ಷದ ಕಡೆಗೆ ಹೋದರು. ಸಿದ್ದರಾಮಯ್ಯ ಅಧ್ಯಕ್ಷರಾಗಿದ್ದಾಗ ಎಂ.ಪಿ. ಪ್ರಕಾಶ್, ಪಿ.ಜಿ.ಆರ್. ಸಿಂಧ್ಯ ಅವರಂತಹ ನಾಯಕರು ಇದ್ದರು. ಆಗ ನಮ್ಮ ಪಕ್ಷ ಪಡೆದ ಸ್ಥಾನ 58. ಬಳಿಕ ದೇವೇಗೌಡರ ನಾಯಕತ್ವದಲ್ಲಿ ನಾನೊಬ್ಬನೇ ರಾಜ್ಯ ಸುತ್ತಿದಾಗ 2013ರಲ್ಲಿ 40, 2018ರಲ್ಲಿ 38 ಕ್ಷೇತ್ರಗಳಲ್ಲಿ ಗೆಲ್ಲಲಿಲ್ಲವೇ.

ಯಾರೂ ಪಕ್ಷ ಬಿಡುವುದಿಲ್ಲ. ಮೈತ್ರಿಯಾಗಿರುವುದರಿಂದ ಬಿಜೆಪಿ–ಜೆಡಿಎಸ್‌ ಎರಡೂ ಪಕ್ಷಗಳ ಶಾಸಕರಲ್ಲಿ ವಿಶ್ವಾಸ ಮೂಡಲಿದ್ದು, ಹೋಗುವ ಮನಸ್ಸು ಮಾಡಿದವರು ಆಯಾ ಪಕ್ಷಗಳಲ್ಲೇ ಉಳಿಯಲಿದ್ದಾರೆ.

ಅದು ಅವರ ತೀರ್ಮಾನ. ನಮ್ಮ ಪಕ್ಷ ಉಳಿಸಿಕೊಂಡು ರಾಜ್ಯದ ಹಿತ ಕಾಪಾಡುವುದು ನಮ್ಮ ಗುರಿ. ಬಿಡಲು ಹೊರಟಿರುವವರಿಂದ ನಮ್ಮ ಪಕ್ಷಕ್ಕೆ ಏನು ಸಿಕ್ಕಿದೆ. ಎರಡು ಅವಧಿಯಲ್ಲಿ ಅಧಿಕಾರ ಇಲ್ಲದೇ ಇದ್ದರೂ ಎಲ್ಲ ರೀತಿಯ ನೆರವು ನೀಡಿದೆ. ಎಷ್ಟು ಸ್ಥಾನ ಗೆಲ್ಲಿಸಿಕೊಂಡು ಬಂದರು? ಆ ಸಮುದಾಯಕ್ಕೆ ನಮ್ಮ ಪಕ್ಷ ನೀಡಿದಷ್ಟು ನೆರವನ್ನು ಯಾರೂ ಕೊಟ್ಟಿಲ್ಲ; ಅವರು ನಮ್ಮ ಕೈಹಿಡಿಯಲಿಲ್ಲ.

ದೆಹಲಿಗೆ ಹೋಗುವ ಮೊದಲು ಎಲ್ಲವನ್ನೂ ಇಬ್ರಾಹಿಂ ಅವರ ಜತೆ ಚರ್ಚೆ ನಡೆಸಿಯೇ ಹೋಗಿರುವೆ. ಅವರನ್ನು ಹೊರಗಿಟ್ಟು ಏನನ್ನೂ ಮಾಡಿಲ್ಲ. ಬಿಜೆಪಿ ಜತೆಗಿನ ಮೈತ್ರಿ ಬಗ್ಗೆ ಎಲ್ಲ ವಿವರಗಳನ್ನೂ ಅವರಿಗೆ ನೀಡಿರುವೆ. ಮುಂದಿನ ಚರ್ಚೆಗಳಲ್ಲಿ ಅವರೂ ಇರಲಿದ್ದಾರೆ