<p>ರೈಲು ಚಲಿಸುವಾಗ ಕೇಳಿಬರುತ್ತಿದ್ದ ‘ಲಟ-ಪಟ’ ಸದ್ದನ್ನು ಇನ್ನು ಮುಂದೆ ಕೇಳಲಾಗದು, ಈಗ ಬರೀ ಸುಂಯ್ ಎನ್ನುವ ಶಬ್ದವಷ್ಟೇ ಹೊಮ್ಮುವುದು ಎಂದು ವರದಿಯಾಗಿದೆ (ಪ್ರ.ವಾ., ಜ.2). ನಿಶ್ಶಬ್ದ ಪಯಣವನ್ನು ಬಯಸುವವರಿಗೆ ಈ ಸುದ್ದಿ ಸಂತಸ ತಂದರೂ ಆ ಶಬ್ದ ಕೇಳುತ್ತಾ ಪಯಣಿಸುತ್ತಿದ್ದ ನನ್ನಂತಹ ಅನೇಕರಿಗೆ ನಿರಾಸೆ ಆಗುವುದಂತೂ ಸತ್ಯ. ಆ ‘ಲಟ-ಪಟ’ ಎಂಬ ಸದ್ದನ್ನು ಕೇಳುವುದೂ ಒಂದು ಆನಂದವೇ ಸರಿ. ಆದರೆ ಈ ಸದ್ದು ಎ.ಸಿ. ಇರುವ ಕೋಚುಗಳಲ್ಲಿ ಬಹುತೇಕ ಕೇಳದು.</p>.<p>ಹಾಸ್ಯ ಚುಟುಕು ಕವಿ ಡುಂಡಿರಾಜ್ ಅವರು ಬ್ಯಾಂಕ್ ಕೆಲಸಕ್ಕೆ ರಜೆ ಹಾಕಿ ರೈಲಿನಲ್ಲಿ ಪ್ರವಾಸಕ್ಕೆ ಹೋದಾಗ, ಆ ಶಬ್ದ ಕೇಳಿ ‘ಬ್ಯಾಂಕ್ ಬಿಟ್ಟು ಪ್ರವಾಸಕ್ಕೆ ಬಂದರೂ ಇಲ್ಲೂ ಚೆಕ್-ಬುಕ್, ಚೆಕ್- ಬುಕ್ ಎಂಬ ಶಬ್ದ ಕೇಳಬೇಕೇ!’ ಎಂದು ಹಾಸ್ಯ ಮಾಡಿದ್ದು ನೆನಪಾಯಿತು. ಏನೇ ಆದರೂ ಬದಲಾವಣೆ ಜಗದ ನಿಯಮ, ಒಪ್ಪಿಕೊಳ್ಳಬೇಕಷ್ಟೆ. ಆ ಲಟ-ಪಟ ಶಬ್ದಪ್ರಿಯರು ಈಗಲೇ ಒಮ್ಮೆ ಪಯಣಿಸಿ ಆನಂದಪಟ್ಟುಬಿಡಲಿ.</p>.<p><em><strong>–ಪತ್ತಂಗಿ ಎಸ್. ಮುರಳಿ,ಬೆಂಗಳೂರು</strong></em></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ರೈಲು ಚಲಿಸುವಾಗ ಕೇಳಿಬರುತ್ತಿದ್ದ ‘ಲಟ-ಪಟ’ ಸದ್ದನ್ನು ಇನ್ನು ಮುಂದೆ ಕೇಳಲಾಗದು, ಈಗ ಬರೀ ಸುಂಯ್ ಎನ್ನುವ ಶಬ್ದವಷ್ಟೇ ಹೊಮ್ಮುವುದು ಎಂದು ವರದಿಯಾಗಿದೆ (ಪ್ರ.ವಾ., ಜ.2). ನಿಶ್ಶಬ್ದ ಪಯಣವನ್ನು ಬಯಸುವವರಿಗೆ ಈ ಸುದ್ದಿ ಸಂತಸ ತಂದರೂ ಆ ಶಬ್ದ ಕೇಳುತ್ತಾ ಪಯಣಿಸುತ್ತಿದ್ದ ನನ್ನಂತಹ ಅನೇಕರಿಗೆ ನಿರಾಸೆ ಆಗುವುದಂತೂ ಸತ್ಯ. ಆ ‘ಲಟ-ಪಟ’ ಎಂಬ ಸದ್ದನ್ನು ಕೇಳುವುದೂ ಒಂದು ಆನಂದವೇ ಸರಿ. ಆದರೆ ಈ ಸದ್ದು ಎ.ಸಿ. ಇರುವ ಕೋಚುಗಳಲ್ಲಿ ಬಹುತೇಕ ಕೇಳದು.</p>.<p>ಹಾಸ್ಯ ಚುಟುಕು ಕವಿ ಡುಂಡಿರಾಜ್ ಅವರು ಬ್ಯಾಂಕ್ ಕೆಲಸಕ್ಕೆ ರಜೆ ಹಾಕಿ ರೈಲಿನಲ್ಲಿ ಪ್ರವಾಸಕ್ಕೆ ಹೋದಾಗ, ಆ ಶಬ್ದ ಕೇಳಿ ‘ಬ್ಯಾಂಕ್ ಬಿಟ್ಟು ಪ್ರವಾಸಕ್ಕೆ ಬಂದರೂ ಇಲ್ಲೂ ಚೆಕ್-ಬುಕ್, ಚೆಕ್- ಬುಕ್ ಎಂಬ ಶಬ್ದ ಕೇಳಬೇಕೇ!’ ಎಂದು ಹಾಸ್ಯ ಮಾಡಿದ್ದು ನೆನಪಾಯಿತು. ಏನೇ ಆದರೂ ಬದಲಾವಣೆ ಜಗದ ನಿಯಮ, ಒಪ್ಪಿಕೊಳ್ಳಬೇಕಷ್ಟೆ. ಆ ಲಟ-ಪಟ ಶಬ್ದಪ್ರಿಯರು ಈಗಲೇ ಒಮ್ಮೆ ಪಯಣಿಸಿ ಆನಂದಪಟ್ಟುಬಿಡಲಿ.</p>.<p><em><strong>–ಪತ್ತಂಗಿ ಎಸ್. ಮುರಳಿ,ಬೆಂಗಳೂರು</strong></em></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>