<p><strong>ನವದೆಹಲಿ</strong>: ಭಾರತದ ಪ್ರಮುಖ ಕ್ರಿಕೆಟಿಗರಾರ ವಿರಾಟ್ ಕೊಹ್ಲಿ, ರೋಹಿತ್ ಶರ್ಮಾ ಹಾಗೂ ರವಿಚಂದ್ರನ್ ಅಶ್ವಿನ್ ಅವರು ಇತ್ತೀಚೆಗಷ್ಟೇ ಟೆಸ್ಟ್ ಕ್ರಿಕೆಟ್ಗೆ ಡಿಢೀರ್ ವಿದಾಯ ಹೇಳಿದ್ದಾರೆ. ಅಭಿಮಾನಿಗಳು ಆ ಅಚ್ಚರಿಯ ಆಘಾತದಿಂದ ಹೊರಬರುವ ಮುನ್ನವೇ 'ಮತ್ತೊಂದು ವಿಕೆಟ್ ಉರುಳಲಿದೆ' ಎಂದು ಮಾಜಿ ಆಟಗಾರ, ವೀಕ್ಷಕ ವಿವರಣೆಗಾರ ಮೊಹಮ್ಮದ್ ಕೈಫ್ ಹೇಳಿದ್ದಾರೆ.</p><p>ವಿರಾಟ್ ಹಾಗೂ ರೋಹಿತ್ ಟಿ20, ಟೆಸ್ಟ್ ಮಾದರಿಯಿಂದ ನಿವೃತ್ತರಾಗಿದ್ದರೆ, ಅಶ್ವಿನ್ ಅಂತರರಾಷ್ಟ್ರೀಯ ಕ್ರಿಕೆಟ್ನಿಂದಲೇ ಹೊರನಡೆದಿದ್ದಾರೆ. ಈ ಮೂವರ ಅನುಪಸ್ಥಿತಿಯಲ್ಲಿ ಇಂಗ್ಲೆಂಡ್ ಪ್ರವಾಸದಲ್ಲಿರುವ ಭಾರತ ತಂಡವನ್ನು ಯುವ ನಾಯಕ ಶುಭಮನ್ ಗಿಲ್ ಮುನ್ನಡೆಸುತ್ತಿದ್ದಾರೆ. ಐದು ಪಂದ್ಯಗಳ ಟೆಸ್ಟ್ ಸರಣಿಯಲ್ಲಿ 1–2 ಅಂತರದ ಹಿನ್ನಡೆ ಅನುಭವಿಸಿರುವ ಟೀಂ ಇಂಡಿಯಾ, ಮ್ಯಾಂಚೆಸ್ಟರ್ನಲ್ಲಿ ನಡೆಯುತ್ತಿರುವ ನಾಲ್ಕನೇ ಪಂದ್ಯದಲ್ಲಿ ಸೋಲು ತಪ್ಪಿಸಿಕೊಳ್ಳಲು ಹೋರಾಡುತ್ತಿದೆ.</p><p>ಭಾರತ ಮೊದಲ ಇನಿಂಗ್ಸ್ನಲ್ಲಿ 358 ರನ್ ಗಳಿಸಿ ಆಲೌಟ್ ಆಗಿತ್ತು. ಇದಕ್ಕುತ್ತರವಾಗಿ ಇಂಗ್ಲೆಂಡ್ 669 ರನ್ ಕಲೆಹಾಕಿ 311 ರನ್ಗಳ ಬೃಹತ್ ಮುನ್ನಡೆ ಸಾಧಿಸಿದೆ. ಇದೀಗ ಎರಡನೇ ಇನಿಂಗ್ಸ್ ಆರಂಭಿಸಿರುವ ಗಿಲ್ ಪಡೆ, 2 ವಿಕೆಟ್ಗೆ 174 ರನ್ ಗಳಿಸಿದೆ. ಅನುಭವಿ ಕೆ.ಎಲ್.ರಾಹುಲ್ (87 ರನ್) ಮತ್ತು ಗಿಲ್ (78) ಕ್ರೀಸ್ನಲ್ಲಿದ್ದಾರೆ. ಆಂಗ್ಲರ ಲೆಕ್ಕ ಚುಕ್ತಾ ಮಾಡಲು ಇನ್ನೂ 137 ರನ್ ಗಳಿಸಬೇಕಿದೆ. ಇಂದು ಅಂತಿಮ ದಿನವಾಗಿರುವುದರಿಂದ ಪಂದ್ಯ ಕುತೂಹಲ ಕೆರಳಿಸಿದೆ.</p>.IND vs ENG | ಸ್ಟೋಕ್ಸ್ ಸ್ಟ್ರೋಕ್ಗಳಿಗೆ ಬಸವಳಿದ ಭಾರತ.ಮ್ಯಾಂಚೆಸ್ಟರ್ ಟೆಸ್ಟ್: ಮರುಹೋರಾಟಕ್ಕೆ ಗಿಲ್, ರಾಹುಲ್ ಬಲ.<p>ಈ ಪಂದ್ಯದಲ್ಲಿ ಪರಿಣಾಮಕಾರಿಯಾಗಿ ಬೌಲಿಂಗ್ ಮಾಡಲು ಭಾರತದ ಪ್ರಮುಖ ವೇಗಿ ಜಸ್ಪ್ರೀತ್ ಬೂಮ್ರಾಗೆ ಸಾಧ್ಯವಾಗಿರಲಿಲ್ಲ. ಅವರು 33 ಓವರ್ಗಳಲ್ಲಿ 112 ರನ್ ಬಿಟ್ಟುಕೊಟ್ಟು ಕೇವಲ 2 ವಿಕೆಟ್ ಪಡೆದಿದ್ದಾರೆ. ಅದರಲ್ಲೂ ಅವರಿಗೆ ಮೊದಲ ವಿಕೆಟ್ ದಕ್ಕಿದ್ದು 24ನೇ ಓವರ್ನಲ್ಲಿ.</p><p><strong>'ಬೂಮ್ರಾ ನಿವೃತ್ತಿ ಸಾಧ್ಯತೆ'<br></strong>ಬೂಮ್ರಾ ನಿವೃತ್ತಿ ಕುರಿತು ಮಾತನಾಡಿರುವ ಕೈಫ್, <strong>'</strong>ನನ್ನ ಪ್ರಕಾರ, ಮುಂಬರುವ ಟೆಸ್ಟ್ ಸರಣಿಗಳಲ್ಲಿ ಜಸ್ಪ್ರೀತ್ ಬುಮ್ರಾ ಆಟವನ್ನು ನೋಡಲು ಸಾಧ್ಯವಾಗದೇ ಇರಬಹುದು. ಅವರು ನಿವೃತ್ತಿ ಘೋಷಿಸುವ ಸಾಧ್ಯತೆಯಿದೆ' ಎಂದಿದ್ದಾರೆ.</p><p>ಸಾಮಾಜಿಕ ಮಾಧ್ಯಮ ವೇದಿಕೆ ಎಕ್ಸ್ನಲ್ಲಿ ಹಂಚಿಕೊಂಡಿರುವ ವಿಡಿಯೊದಲ್ಲಿ, 'ವಿರಾಟ್ ಕೊಹ್ಲಿ, ರೋಹಿತ್ ಶರ್ಮಾ ಹೊರನಡೆದಿದ್ದಾರೆ. ಅಶ್ವಿನ್ ಕೂಡ ನಿವೃತ್ತರಾಗಿದ್ದಾರೆ. ಇದೀಗ, ಬೂಮ್ರಾ ಸರದಿ ಎನ್ನುವಂತೆ ಕಾಣುತ್ತಿದೆ. ಭಾರತ ಕ್ರಿಕೆಟ್ ತಂಡದ ಅಭಿಮಾನಿಗಳು ಇದನ್ನು ಒಪ್ಪಿಕೊಳ್ಳಲು ಸಿದ್ಧರಿರಬೇಕು' ಎಂದು ಹೇಳಿದ್ದಾರೆ.</p><p>'ಪಂದ್ಯಗಳನ್ನು ನೋಡಿರುವುದರಿಂದ, ಬೂಮ್ರಾ ಆಟವನ್ನು ಆನಂದಿಸುತ್ತಿಲ್ಲ ಎನಿಸುತ್ತಿದೆ. ಅವರು ತಮ್ಮ ದೇಹದೊಂದಿಗಿನ ಸೆಣಸಾಟದಲ್ಲಿ ಸೋತಿದ್ದಾರೆ. ಉತ್ಸಾಹ ಹಾಗೆಯೇ ಇದೆಯಾದರೂ, ದೇಹದಲ್ಲಿ ಅದು ಕಾಣುತ್ತಿಲ್ಲ. ಇಂತಹ ಪರಿಸ್ಥಿತಿಯಲ್ಲಿ ನೀವು ಏನು ಮಾಡಲು ಸಾಧ್ಯ' ಎಂದು ಪ್ರಶ್ನಿಸಿದ್ದಾರೆ.</p>.<p><strong>ಪ್ರಸ್ತುತ ಟೂರ್ನಿಯಲ್ಲಿ ಆಡೋದು ಮೂರೇ ಪಂದ್ಯ!<br></strong>ರೋಹಿತ್ ವಿದಾಯದ ಬಳಿಕ ಭಾರತ ತಂಡದ ಟೆಸ್ಟ್ ನಾಯಕತ್ವವನ್ನು ಬೂಮ್ರಾ ವಹಿಸಿಕೊಳ್ಳಲಿದ್ದಾರೆ ಎನ್ನಲಾಗಿತ್ತು. ಆದರೆ, ಕಾರ್ಯಭಾರ ಒತ್ತಡ ನಿರ್ವಹಣೆ ಕಾರಣಕ್ಖಾಗಿ ಅವರು ಅದನ್ನು ನಿರಾಕರಿಸಿದ್ದರು.</p><p>ಪ್ರಸ್ತುತ ಇಂಗ್ಲೆಂಡ್ ವಿರುದ್ಧ ಐದು ಪಂದ್ಯಗಳ ಸರಣಿಯಲ್ಲಿ ಬೂಮ್ರಾ ಆಡುವುದು ಮೂರೇ ಪಂದ್ಯಗಳಲ್ಲಿ ಎನ್ನಲಾಗಿದೆ. ಲೀಡ್ಸ್ನಲ್ಲಿ ನಡೆದ ಮೊದಲ ಪಂದ್ಯ ಬಳಿಕ ಅವರು ಬರ್ಮಿಂಗ್ಹ್ಯಾಮ್ (2ನೇ) ಟೆಸ್ಟ್ನಿಂದ ಹೊರಗುಳಿದು ವಿಶ್ರಾಂತಿ ಪಡೆದಿದ್ದರು.</p>.ENG vs IND Test | 100 ರನ್, 5 ವಿಕೆಟ್: ನಾಯಕನಾಗಿ ಸ್ಟೋಕ್ಸ್ ವಿಶೇಷ ದಾಖಲೆ.ಘಟಾನುಘಟಿಗಳನ್ನು ಹೆಸರಿಸಿ ಇಂತಹ ಬೌಲರ್ಗಳು ಈಗ ಯಾರಿದ್ದಾರೆ ಎಂದ ಪೀಟರ್ಸನ್.<p>2ನೇ ಟೆಸ್ಟ್ಗೂ ಮುನ್ನ ಮಾತನಾಡಿದ್ದ ಕೋಚ್ ಗೌತಮ್ ಗಂಭೀರ್, 'ಬೂಮ್ರಾ ಅವರ ಕೆಲಸದ ಹೊರೆ ನಿರ್ವಹಿಸುವುದು ಅತಿಮುಖ್ಯ. ಇನ್ನೂ ಸಾಕಷ್ಟು ಆಟ ಆಡುವುದಿದೆ. ಅವರು ಎಂತಹ ಫಲಿತಾಂಶಗಳನ್ನು ತಂದುಕೊಡಬಲ್ಲರು ಎಂಬುದು ಗೊತ್ತಿದೆ' ಎಂದಿದ್ದರು. ಹಾಗೆಯೇ, 'ಅವರು ಮೂರು ಟೆಸ್ಟ್ಗಳನ್ನಷ್ಟೇ ಆಡಲಿದ್ದಾರೆ ಎಂಬುದು ಈ ಸರಣಿಗೂ ಮೊದಲೇ ನಿರ್ಧಾರವಾಗಿತ್ತು. ಆದರೆ, ಅವರ ದೇಹ ಹೇಗೆ ಸಹಕರಿಸುತ್ತದೆ ಎಂಬುದನ್ನು ಕಾದುನೋಡಬೇಕಿದೆ' ಎಂದು ಹೇಳಿದ್ದರು.</p><p>ಹೀಗಾಗಿ, ಲಂಡನ್ನಲ್ಲಿ ನಡೆಯುವ ಅಂತಿಮ ಪಂದ್ಯದಲ್ಲಿ ಅವರು ಆಡುವರೇ ಎಂಬುದು ಇನ್ನೂ ಸ್ಪಷ್ಟವಾಗಿಲ್ಲ.</p><p>ಭಾರತ ಪರ ಟೆಸ್ಟ್ ಮಾದರಿಯಲ್ಲಿ ಈವರೆಗೆ 48 ಪಂದ್ಯಗಳ 91 ಇನಿಂಗ್ಸ್ಗಳಲ್ಲಿ ಬೌಲಿಂಗ್ ಮಾಡಿರುವ ಬೂಮ್ರಾ, 219 ವಿಕೆಟ್ ಪಡೆದಿದ್ದಾರೆ. 15 ಬಾರಿ ಐದು ವಿಕೆಟ್ ಗೊಂಚಲು ಸಾಧಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ</strong>: ಭಾರತದ ಪ್ರಮುಖ ಕ್ರಿಕೆಟಿಗರಾರ ವಿರಾಟ್ ಕೊಹ್ಲಿ, ರೋಹಿತ್ ಶರ್ಮಾ ಹಾಗೂ ರವಿಚಂದ್ರನ್ ಅಶ್ವಿನ್ ಅವರು ಇತ್ತೀಚೆಗಷ್ಟೇ ಟೆಸ್ಟ್ ಕ್ರಿಕೆಟ್ಗೆ ಡಿಢೀರ್ ವಿದಾಯ ಹೇಳಿದ್ದಾರೆ. ಅಭಿಮಾನಿಗಳು ಆ ಅಚ್ಚರಿಯ ಆಘಾತದಿಂದ ಹೊರಬರುವ ಮುನ್ನವೇ 'ಮತ್ತೊಂದು ವಿಕೆಟ್ ಉರುಳಲಿದೆ' ಎಂದು ಮಾಜಿ ಆಟಗಾರ, ವೀಕ್ಷಕ ವಿವರಣೆಗಾರ ಮೊಹಮ್ಮದ್ ಕೈಫ್ ಹೇಳಿದ್ದಾರೆ.</p><p>ವಿರಾಟ್ ಹಾಗೂ ರೋಹಿತ್ ಟಿ20, ಟೆಸ್ಟ್ ಮಾದರಿಯಿಂದ ನಿವೃತ್ತರಾಗಿದ್ದರೆ, ಅಶ್ವಿನ್ ಅಂತರರಾಷ್ಟ್ರೀಯ ಕ್ರಿಕೆಟ್ನಿಂದಲೇ ಹೊರನಡೆದಿದ್ದಾರೆ. ಈ ಮೂವರ ಅನುಪಸ್ಥಿತಿಯಲ್ಲಿ ಇಂಗ್ಲೆಂಡ್ ಪ್ರವಾಸದಲ್ಲಿರುವ ಭಾರತ ತಂಡವನ್ನು ಯುವ ನಾಯಕ ಶುಭಮನ್ ಗಿಲ್ ಮುನ್ನಡೆಸುತ್ತಿದ್ದಾರೆ. ಐದು ಪಂದ್ಯಗಳ ಟೆಸ್ಟ್ ಸರಣಿಯಲ್ಲಿ 1–2 ಅಂತರದ ಹಿನ್ನಡೆ ಅನುಭವಿಸಿರುವ ಟೀಂ ಇಂಡಿಯಾ, ಮ್ಯಾಂಚೆಸ್ಟರ್ನಲ್ಲಿ ನಡೆಯುತ್ತಿರುವ ನಾಲ್ಕನೇ ಪಂದ್ಯದಲ್ಲಿ ಸೋಲು ತಪ್ಪಿಸಿಕೊಳ್ಳಲು ಹೋರಾಡುತ್ತಿದೆ.</p><p>ಭಾರತ ಮೊದಲ ಇನಿಂಗ್ಸ್ನಲ್ಲಿ 358 ರನ್ ಗಳಿಸಿ ಆಲೌಟ್ ಆಗಿತ್ತು. ಇದಕ್ಕುತ್ತರವಾಗಿ ಇಂಗ್ಲೆಂಡ್ 669 ರನ್ ಕಲೆಹಾಕಿ 311 ರನ್ಗಳ ಬೃಹತ್ ಮುನ್ನಡೆ ಸಾಧಿಸಿದೆ. ಇದೀಗ ಎರಡನೇ ಇನಿಂಗ್ಸ್ ಆರಂಭಿಸಿರುವ ಗಿಲ್ ಪಡೆ, 2 ವಿಕೆಟ್ಗೆ 174 ರನ್ ಗಳಿಸಿದೆ. ಅನುಭವಿ ಕೆ.ಎಲ್.ರಾಹುಲ್ (87 ರನ್) ಮತ್ತು ಗಿಲ್ (78) ಕ್ರೀಸ್ನಲ್ಲಿದ್ದಾರೆ. ಆಂಗ್ಲರ ಲೆಕ್ಕ ಚುಕ್ತಾ ಮಾಡಲು ಇನ್ನೂ 137 ರನ್ ಗಳಿಸಬೇಕಿದೆ. ಇಂದು ಅಂತಿಮ ದಿನವಾಗಿರುವುದರಿಂದ ಪಂದ್ಯ ಕುತೂಹಲ ಕೆರಳಿಸಿದೆ.</p>.IND vs ENG | ಸ್ಟೋಕ್ಸ್ ಸ್ಟ್ರೋಕ್ಗಳಿಗೆ ಬಸವಳಿದ ಭಾರತ.ಮ್ಯಾಂಚೆಸ್ಟರ್ ಟೆಸ್ಟ್: ಮರುಹೋರಾಟಕ್ಕೆ ಗಿಲ್, ರಾಹುಲ್ ಬಲ.<p>ಈ ಪಂದ್ಯದಲ್ಲಿ ಪರಿಣಾಮಕಾರಿಯಾಗಿ ಬೌಲಿಂಗ್ ಮಾಡಲು ಭಾರತದ ಪ್ರಮುಖ ವೇಗಿ ಜಸ್ಪ್ರೀತ್ ಬೂಮ್ರಾಗೆ ಸಾಧ್ಯವಾಗಿರಲಿಲ್ಲ. ಅವರು 33 ಓವರ್ಗಳಲ್ಲಿ 112 ರನ್ ಬಿಟ್ಟುಕೊಟ್ಟು ಕೇವಲ 2 ವಿಕೆಟ್ ಪಡೆದಿದ್ದಾರೆ. ಅದರಲ್ಲೂ ಅವರಿಗೆ ಮೊದಲ ವಿಕೆಟ್ ದಕ್ಕಿದ್ದು 24ನೇ ಓವರ್ನಲ್ಲಿ.</p><p><strong>'ಬೂಮ್ರಾ ನಿವೃತ್ತಿ ಸಾಧ್ಯತೆ'<br></strong>ಬೂಮ್ರಾ ನಿವೃತ್ತಿ ಕುರಿತು ಮಾತನಾಡಿರುವ ಕೈಫ್, <strong>'</strong>ನನ್ನ ಪ್ರಕಾರ, ಮುಂಬರುವ ಟೆಸ್ಟ್ ಸರಣಿಗಳಲ್ಲಿ ಜಸ್ಪ್ರೀತ್ ಬುಮ್ರಾ ಆಟವನ್ನು ನೋಡಲು ಸಾಧ್ಯವಾಗದೇ ಇರಬಹುದು. ಅವರು ನಿವೃತ್ತಿ ಘೋಷಿಸುವ ಸಾಧ್ಯತೆಯಿದೆ' ಎಂದಿದ್ದಾರೆ.</p><p>ಸಾಮಾಜಿಕ ಮಾಧ್ಯಮ ವೇದಿಕೆ ಎಕ್ಸ್ನಲ್ಲಿ ಹಂಚಿಕೊಂಡಿರುವ ವಿಡಿಯೊದಲ್ಲಿ, 'ವಿರಾಟ್ ಕೊಹ್ಲಿ, ರೋಹಿತ್ ಶರ್ಮಾ ಹೊರನಡೆದಿದ್ದಾರೆ. ಅಶ್ವಿನ್ ಕೂಡ ನಿವೃತ್ತರಾಗಿದ್ದಾರೆ. ಇದೀಗ, ಬೂಮ್ರಾ ಸರದಿ ಎನ್ನುವಂತೆ ಕಾಣುತ್ತಿದೆ. ಭಾರತ ಕ್ರಿಕೆಟ್ ತಂಡದ ಅಭಿಮಾನಿಗಳು ಇದನ್ನು ಒಪ್ಪಿಕೊಳ್ಳಲು ಸಿದ್ಧರಿರಬೇಕು' ಎಂದು ಹೇಳಿದ್ದಾರೆ.</p><p>'ಪಂದ್ಯಗಳನ್ನು ನೋಡಿರುವುದರಿಂದ, ಬೂಮ್ರಾ ಆಟವನ್ನು ಆನಂದಿಸುತ್ತಿಲ್ಲ ಎನಿಸುತ್ತಿದೆ. ಅವರು ತಮ್ಮ ದೇಹದೊಂದಿಗಿನ ಸೆಣಸಾಟದಲ್ಲಿ ಸೋತಿದ್ದಾರೆ. ಉತ್ಸಾಹ ಹಾಗೆಯೇ ಇದೆಯಾದರೂ, ದೇಹದಲ್ಲಿ ಅದು ಕಾಣುತ್ತಿಲ್ಲ. ಇಂತಹ ಪರಿಸ್ಥಿತಿಯಲ್ಲಿ ನೀವು ಏನು ಮಾಡಲು ಸಾಧ್ಯ' ಎಂದು ಪ್ರಶ್ನಿಸಿದ್ದಾರೆ.</p>.<p><strong>ಪ್ರಸ್ತುತ ಟೂರ್ನಿಯಲ್ಲಿ ಆಡೋದು ಮೂರೇ ಪಂದ್ಯ!<br></strong>ರೋಹಿತ್ ವಿದಾಯದ ಬಳಿಕ ಭಾರತ ತಂಡದ ಟೆಸ್ಟ್ ನಾಯಕತ್ವವನ್ನು ಬೂಮ್ರಾ ವಹಿಸಿಕೊಳ್ಳಲಿದ್ದಾರೆ ಎನ್ನಲಾಗಿತ್ತು. ಆದರೆ, ಕಾರ್ಯಭಾರ ಒತ್ತಡ ನಿರ್ವಹಣೆ ಕಾರಣಕ್ಖಾಗಿ ಅವರು ಅದನ್ನು ನಿರಾಕರಿಸಿದ್ದರು.</p><p>ಪ್ರಸ್ತುತ ಇಂಗ್ಲೆಂಡ್ ವಿರುದ್ಧ ಐದು ಪಂದ್ಯಗಳ ಸರಣಿಯಲ್ಲಿ ಬೂಮ್ರಾ ಆಡುವುದು ಮೂರೇ ಪಂದ್ಯಗಳಲ್ಲಿ ಎನ್ನಲಾಗಿದೆ. ಲೀಡ್ಸ್ನಲ್ಲಿ ನಡೆದ ಮೊದಲ ಪಂದ್ಯ ಬಳಿಕ ಅವರು ಬರ್ಮಿಂಗ್ಹ್ಯಾಮ್ (2ನೇ) ಟೆಸ್ಟ್ನಿಂದ ಹೊರಗುಳಿದು ವಿಶ್ರಾಂತಿ ಪಡೆದಿದ್ದರು.</p>.ENG vs IND Test | 100 ರನ್, 5 ವಿಕೆಟ್: ನಾಯಕನಾಗಿ ಸ್ಟೋಕ್ಸ್ ವಿಶೇಷ ದಾಖಲೆ.ಘಟಾನುಘಟಿಗಳನ್ನು ಹೆಸರಿಸಿ ಇಂತಹ ಬೌಲರ್ಗಳು ಈಗ ಯಾರಿದ್ದಾರೆ ಎಂದ ಪೀಟರ್ಸನ್.<p>2ನೇ ಟೆಸ್ಟ್ಗೂ ಮುನ್ನ ಮಾತನಾಡಿದ್ದ ಕೋಚ್ ಗೌತಮ್ ಗಂಭೀರ್, 'ಬೂಮ್ರಾ ಅವರ ಕೆಲಸದ ಹೊರೆ ನಿರ್ವಹಿಸುವುದು ಅತಿಮುಖ್ಯ. ಇನ್ನೂ ಸಾಕಷ್ಟು ಆಟ ಆಡುವುದಿದೆ. ಅವರು ಎಂತಹ ಫಲಿತಾಂಶಗಳನ್ನು ತಂದುಕೊಡಬಲ್ಲರು ಎಂಬುದು ಗೊತ್ತಿದೆ' ಎಂದಿದ್ದರು. ಹಾಗೆಯೇ, 'ಅವರು ಮೂರು ಟೆಸ್ಟ್ಗಳನ್ನಷ್ಟೇ ಆಡಲಿದ್ದಾರೆ ಎಂಬುದು ಈ ಸರಣಿಗೂ ಮೊದಲೇ ನಿರ್ಧಾರವಾಗಿತ್ತು. ಆದರೆ, ಅವರ ದೇಹ ಹೇಗೆ ಸಹಕರಿಸುತ್ತದೆ ಎಂಬುದನ್ನು ಕಾದುನೋಡಬೇಕಿದೆ' ಎಂದು ಹೇಳಿದ್ದರು.</p><p>ಹೀಗಾಗಿ, ಲಂಡನ್ನಲ್ಲಿ ನಡೆಯುವ ಅಂತಿಮ ಪಂದ್ಯದಲ್ಲಿ ಅವರು ಆಡುವರೇ ಎಂಬುದು ಇನ್ನೂ ಸ್ಪಷ್ಟವಾಗಿಲ್ಲ.</p><p>ಭಾರತ ಪರ ಟೆಸ್ಟ್ ಮಾದರಿಯಲ್ಲಿ ಈವರೆಗೆ 48 ಪಂದ್ಯಗಳ 91 ಇನಿಂಗ್ಸ್ಗಳಲ್ಲಿ ಬೌಲಿಂಗ್ ಮಾಡಿರುವ ಬೂಮ್ರಾ, 219 ವಿಕೆಟ್ ಪಡೆದಿದ್ದಾರೆ. 15 ಬಾರಿ ಐದು ವಿಕೆಟ್ ಗೊಂಚಲು ಸಾಧಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>