ಅತ್ಯುತ್ತಮವಾಗಿ ಆಡುತ್ತಿದ್ದ ಧವನ್ ಅವರನ್ನು ಕಾರ್ತಿಕ್ ಸ್ಟಂಪ್ ಮಾಡಿದರು. ಆದರೆ ಕ್ರೀಸಿನಿಂದ ಕಾಲು ಕದಲಲಿಲ್ಲ. ಇದರಿಂದ ಸಿಟ್ಟುಗೊಂಡಂತೆ ನಟಿಸಿದ ಕಾರ್ತಿಕ್, ಧವನ್ರತ್ತ ದಿಟ್ಟಿಸಿ ನೋಡುತ್ತಾ ಕೈೃಸನ್ನೆ ಮಾಡಿದರು.
ಈ ವೇಳೆ ಕೈಯಲ್ಲಿದ್ದ ಬ್ಯಾಟ್ ತೊರೆದ ಧವನ್, ಏಕಾಏಕಿ ನೆಲಕ್ಕೆ ಬಿದ್ದೇ ಬಿಟ್ಟರು. ಬಳಿಕ ಇಬ್ಬರು ಪರಸ್ಪರ ಮುಗುಳ್ನಗೆ ಬೀರುತ್ತಾರೆ. ಇದು ಪಂದ್ಯದ ರೋಚಕ ಸನ್ನಿವೇಶದಲ್ಲಿ ಮನರಂಜನೆ ನೀಡಲು ಯಶಸ್ವಿಯಾಯಿತು.
ಅಂದ ಹಾಗೆ ಕಾರ್ತಿಕ್ ಹಾಗೂ ಧವನ್ ಉತ್ತಮ ಒಡನಾಟವನ್ನು ಕಾಪಾಡಿಕೊಂಡಿದ್ದಾರೆ. ಇಬ್ಬರು ವಿಭಿನ್ನ ತಂಡಗಳನ್ನು ಪ್ರತಿನಿಧಿಸುತ್ತಿದ್ದರೂ ಗೆಳೆತನಕ್ಕೆ ಯಾವುದೇ ಘಾಸಿ ಉಂಟಾಗಿಲ್ಲ.