ಶುಕ್ರವಾರ, ಡಿಸೆಂಬರ್ 4, 2020
24 °C

ಚಾಂಪ್ಸ್ ಫೌಂಡೇಷನ್‌ನಿಂದ ಹಾಕಿ ಪಟು ಎಂ.ಪಿ.ಸಿಂಗ್‌ ಚಿಕಿತ್ಸೆಗೆ ನೆರವು

ಪಿಟಿಐ Updated:

ಅಕ್ಷರ ಗಾತ್ರ : | |

Prajavani

ನವದೆಹಲಿ: ಮಾಜಿ ಕ್ರಿಕೆಟಿಗ ಸುನಿಲ್‌ ಗಾವಸ್ಕರ್ ಅವರ ‘ದ ಚಾಂಪ್ಸ್ ಫೌಂಡೇಷನ್‘ ಸಂಸ್ಥೆಯು, ಒಲಿಂಪಿಕ್ಸ್‌ನಲ್ಲಿ ಭಾರತ ತಂಡವನ್ನು ಪ್ರತಿನಿಧಿಸಿದ್ದ ಹಾಕಿ ಆಟಗಾರ ಮೋಹಿಂದರ್ ಪಾಲ್‌ ಸಿಂಗ್ ಅವರ ನೆರವಿಗೆ ಧಾವಿಸಿದೆ. ಆರ್ಥಿಕ ತೊಂದರೆಯಿಂದ ನಲುಗುತ್ತಿರುವ ಕ್ರೀಡಾಪಟುಗಳಿಗೆ ಸಹಾಯಹಸ್ತ ಚಾಚುವ ಕಾರ್ಯವನ್ನು ಚಾಂಪ್ಸ್ ಫೌಂಡೇಷನ್‌ ಮಾಡುತ್ತ ಬಂದಿದೆ.

ಇದನ್ನು ಓದಿ: ಸಂಪಾದಕರ ಮಾತು | ಪ್ರಜಾವಾಣಿ ಆಂಡ್ರಾಯ್ಡ್ ಮತ್ತು ಐಒಎಸ್ ಆ್ಯಪ್ ಲೋಕಾರ್ಪಣೆ

ಎಂ.ಪಿ. ಸಿಂಗ್ ಎಂದೇ ಹೆಸರಾಗಿರುವ 58 ವರ್ಷದ ಮೊಹಿಂದರ್ ಪಾಲ್ ಸಿಂಗ್, ಮೂತ್ರಪಿಂಡದ ಕಾಯಿಲೆಯಿಂದ ಬಳಲುತ್ತಿದ್ದು, ಡಯಾಲಿಸಿಸ್‌ ಮಾಡಿಸಿಕೊಂಡಿದ್ದಾರೆ. ಕಸಿಗಾಗಿ ದಾನಿಗಳ ನಿರೀಕ್ಷೆಯಲ್ಲಿದ್ದಾರೆ.

ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳುವ ಲಿಂಕ್: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

‘ನಮ್ಮ ದೇಶದ ಒಲಿಂಪಿಕ್ಸ್ ಅಥ್ಲೀಟ್‌ ಎಂ.ಪಿ.ಸಿಂಗ್‌ ಕಷ್ಟದಲ್ಲಿದ್ದಾರೆ ಎಂದು ಮಾಧ್ಯಮದ ಮೂಲಕ ತಿಳಿದುಬಂತು. ಶಿಕ್ಷಣ, ಆರೋಗ್ಯ, ಮಕ್ಕಳು ಹಾಗೂ ಹಿರಿಯ ನಾಗರಿಕರಿಗಾಗಿ ಹಲವು ಫೌಂಡೇಷನ್‌ಗಳು ಕಾರ್ಯನಿರ್ವಹಿಸುತ್ತಿವೆ. ಮಾಜಿ ಕ್ರೀಡಾಪಟುಗಳ ನೆರವಿಗಾಗಿ ನಾನು ಈ ಸಂಸ್ಥೆಯನ್ನು ಸ್ಥಾಪಿಸಿ ಸಹಾಯ ಒದಗಿಸುತ್ತಿದ್ದೇನೆ‘ ಎಂದು ಗಾವಸ್ಕರ್‌ ಹೇಳಿದ್ದಾರೆ.

1988ರಲ್ಲಿ ಸೋಲ್‌ನಲ್ಲಿ ನಡೆದ ಒಲಿಂಪಿಕ್ಸ್‌ನಲ್ಲಿ ಸಿಂಗ್ ಅವರು ಭಾರತ ತಂಡದ ಅವಿಭಾಜ್ಯ ಅಂಗವಾಗಿದ್ದರು. ಮೊಹಮ್ಮದ್‌ ಶಾಹೀದ್‌, ಎಂ.ಎಂ.ಸೋಮಯ್ಯ, ಜ್ಯೂಡ್ ಫೆಲಿಕ್ಸ್ ಹಾಗೂ ಪರ್ಗತ್‌ ಸಿಂಗ್‌ ಅವರೊಂದಿಗೆ ಆಡಿದ್ದರು.

ಚಾಂಪ್ಸ್‌ ಫೌಂಡೇಷನ್‌ ಇದುವರೆಗೆ 21 ಅಥ್ಲೀಟ್‌ಗಳಿಗೆ ಪ್ರತಿ ತಿಂಗಳಿಗೆ ಇಂತಿಷ್ಟು ಎಂದು ಧನಸಹಾಯ ಒದಗಿಸುತ್ತಿದೆ. ಅವರ ಔಷಧಿ ಮತ್ತಿತರ ವೆಚ್ಚಗಳನ್ನು ಭರಿಸುತ್ತಿದೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು