ಟ್ರೇಲ್ಬ್ಲೆಜರ್ ತಂಡದ ಬೌಲರ್ ಇಂಗ್ಲೆಂಡ್ನ ಸೋಫಿ ಎಕ್ಲೆಲ್ಸೆಟನ್ ಮತ್ತು ಜೂಲನ್ ಗೋಸ್ವಾಮಿ ಈ ಟೂರ್ನಿಯ ಮೊದಲ ಪಂದ್ಯದಲ್ಲಿ ವೆಲೊಸಿಟಿ ತಂಡವು ಅಲ್ಪಮೊತ್ತಕ್ಕೆ ಕುಸಿಯಲು ಕಾರಣರಾಗಿದ್ದರು. ಶನಿವಾರದ ಪಂದ್ಯಗಳಲ್ಲಿ ಇವರ ಆಟ ನಡೆಯದಂತೆ ಕೌರ್ ಬಳಗವು ನೋಡಿಕೊಂಡಿತ್ತು. ಆದರೆ, ಫೈನಲ್ನಲ್ಲಿ ಇವರಿಬ್ಬರು ಹಿಡಿತ ಸಾಧಿಸಿದರೆ ಸೂಪರ್ನೋವಾಸ್ಗೆ ಕಠಿಣವಾಗುವುದು ಖಚಿತ. ಆದರೆ ಪ್ರಶಸ್ತಿ ಜಯದ ಹ್ಯಾಟ್ರಿಕ್ ಸಾಧಿಸುವ ಛಲದಲ್ಲಿರುವ ಹರ್ಮನ್ಪ್ರೀತ್ ಬಳಗವು ದಿಟ್ಟ ಹೋರಾಟ ನಡೆಸಲು ಸಿದ್ಧವಾಗಿದೆ. ಈ ಪಂದ್ಯದಲ್ಲಿ ಸ್ಪಿನ್ಬೌಲರ್ಗಳು ಹೆಚ್ಚು ಪರಿಣಾಮಕಾರಿಯಾಗುವ ಸಾಧ್ಯತೆ ಇದೆ. ಮಂದಾನ ಬಳಗದಲ್ಲಿರುವ ಕರ್ನಾಟಕದ ರಾಜೇಶ್ವರಿ ಗಾಯಕವಾಡ್ ಅವರ ಮೇಲೆ ಹೆಚ್ಚು ನಿರೀಕ್ಷೆಗಳಿವೆ.