<p><strong>ವಾಷಿಂಗ್ಟನ್: </strong>ಅಮೆರಿಕದ ಅಧ್ಯಕ್ಷರಾಗಿದ್ದ ಸಂದರ್ಭದಲ್ಲಿ ಡೊನಾಲ್ಡ್ ಟ್ರಂಪ್ ಅವರು 2020ರ ಫೆಬ್ರುವರಿಯಲ್ಲಿ ದೋಹಾದಲ್ಲಿ ತಾಲಿಬಾನ್ ಜತೆ ಮಾಡಿಕೊಂಡಿದ್ದ ಒಪ್ಪಂದ ಹಾಲಿ ಅಧ್ಯಕ್ಷ ಜೋ ಬೈಡನ್ ಅವರ ಕೈ ಕಟ್ಟಿ ಹಾಕಿತು ಎನ್ನುವ ವಿಶ್ಲೇಷಣೆಗಳು ನಡೆಯುತ್ತಿವೆ.</p>.<p>18 ತಿಂಗಳ ಬಳಿಕ ಜೋ ಬೈಡನ್ ಅವರು ದೋಹಾದಲ್ಲಿ ಸಹಿ ಮಾಡಿರುವ ಈ ಒಪ್ಪಂದದತ್ತ ಬೆರಳು ತೋರಿಸುತ್ತಿದ್ದಾರೆ. ಈ ಒಪ್ಪಂದದ ಅನ್ವಯ ಅಮೆರಿಕದ ಪಡೆಗಳನ್ನು ವಾಪಸ್ ಕರೆಯಿಸಿಕೊಳ್ಳಬೇಕಾಯಿತು ಎಂದು ಬೈಡನ್ ಹೇಳುತ್ತಿದ್ದಾರೆ.</p>.<p>’ಒಪ್ಪಂದವನ್ನು ಪಾಲಿಸಬೇಕು ಅಥವಾ ತಾಲಿಬಾನ್ ಜತೆಗಿನ ಹೋರಾಟವನ್ನು ಮುಂದುವರಿಸಬೇಕು’ ಎಂದು ಬೈಡನ್ ಇತ್ತೀಚೆಗೆ ಹೇಳಿಕೆ ನೀಡಿದ್ದರು.</p>.<p>ಆದರೆ, ಬೈಡನ್ ಅವರ ನಿರ್ಧಾರಕ್ಕೆ ಹಲವು ರೀತಿಯ ಆಕ್ಷೇಪಗಳು ಸಹ ವ್ಯಕ್ತವಾಗಿವೆ.</p>.<p>‘ಒಪ್ಪಂದವು ಸಮರ್ಪಕವಾಗಿಲ್ಲ ಎಂದು ಅಭಿಪ್ರಾಯಪಟ್ಟಿದ್ದರೆ, ಬೈಡನ್ ಅವರು ಮರುಸಂಧಾನ ಕೈಗೊಳ್ಳಬೇಕಾಗಿತ್ತು. ಅವರು ಬಯಸಿದ್ದರೆ ವಿಪುಲ ಅವಕಾಶಗಳಿದ್ದವು’ ಎಂದು ಟ್ರಂಪ್ ಆಡಳಿತದಲ್ಲಿನ ಹಂಗಾಮಿ ರಕ್ಷಣಾ ಕಾರ್ಯದರ್ಶಿಯಾಗಿದ್ದ ಕ್ರಿಸ್ ಮಿಲ್ಲರ್ ಅಭಿಪ್ರಾಯಪಟ್ಟಿದ್ದಾರೆ.</p>.<p>‘ದೋಹಾ ಒಪ್ಪಂದವು ಅತ್ಯಂತ ದುರ್ಬಲವಾಗಿದೆ. ತಾಲಿಬಾನ್ಗಿಂತ ಅಮೆರಿಕಕ್ಕೆ ಹೆಚ್ಚು ಪ್ರಯೋಜನವಾಗುತ್ತಿತ್ತು’ ಎಂದು ಅಫ್ಗಾನಿಸ್ತಾನಕ್ಕೆ ಸಂಬಂಧಿಸಿದ ವಿಷಯ ತಜ್ಞೆ ಹಾಗೂ ಟ್ರಂಪ್ ಆಡಳಿತದಲ್ಲಿ ರಾಷ್ಟ್ರೀಯ ಭದ್ರತಾ ಮಂಡಳಿಯಲ್ಲಿನ ಹಿರಿಯ ನಿರ್ದೇಶಕಿಯಾಗಿದ್ದ ಲಿಸಾ ಕರ್ಟಿಸ್ ತಿಳಿಸಿದ್ದಾರೆ.</p>.<p>‘ಅಮೆರಿಕ ಪಡೆಗಳು ವಾಪಸ್ ಹೋಗುವುದು ತಾಲಿಬಾನ್ಗೆ ಬೇಕಾಗಿತ್ತು. ಮಿಲಿಟರಿ ಮೂಲಕ ದೇಶವನ್ನು ನಿಯಂತ್ರಣಕ್ಕೆ ತೆಗೆದುಕೊಳ್ಳುವುದನ್ನು ಅದು ಬಯಸಿತ್ತು’ ಎಂದು ಅವರು ವಿವರಿಸಿದ್ದಾರೆ.</p>.<p>ಮೂರು ಅಥವಾ ನಾಲ್ಕು ತಿಂಗಳಲ್ಲಿ 13 ಸಾವಿರ ಪಡೆಗಳಿಂದ 8,600 ಪಡೆಗಳಿಗೆ ಕಡಿಮೆ ಮಾಡಬೇಕು ಹಾಗೂ ಉಳಿದ ಪಡೆಗಳನ್ನು 14 ತಿಂಗಳಲ್ಲಿ ಅಥವಾ ಮೇ 1ರ ವೇಳೆಗೆ ವಾಪಸ್ ಕರೆಯಿಸಿಕೊಳ್ಳಬೇಕು ಎಂದು ಒಪ್ಪಂದ ಮಾಡಿಕೊಳ್ಳಲಾಗಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ವಾಷಿಂಗ್ಟನ್: </strong>ಅಮೆರಿಕದ ಅಧ್ಯಕ್ಷರಾಗಿದ್ದ ಸಂದರ್ಭದಲ್ಲಿ ಡೊನಾಲ್ಡ್ ಟ್ರಂಪ್ ಅವರು 2020ರ ಫೆಬ್ರುವರಿಯಲ್ಲಿ ದೋಹಾದಲ್ಲಿ ತಾಲಿಬಾನ್ ಜತೆ ಮಾಡಿಕೊಂಡಿದ್ದ ಒಪ್ಪಂದ ಹಾಲಿ ಅಧ್ಯಕ್ಷ ಜೋ ಬೈಡನ್ ಅವರ ಕೈ ಕಟ್ಟಿ ಹಾಕಿತು ಎನ್ನುವ ವಿಶ್ಲೇಷಣೆಗಳು ನಡೆಯುತ್ತಿವೆ.</p>.<p>18 ತಿಂಗಳ ಬಳಿಕ ಜೋ ಬೈಡನ್ ಅವರು ದೋಹಾದಲ್ಲಿ ಸಹಿ ಮಾಡಿರುವ ಈ ಒಪ್ಪಂದದತ್ತ ಬೆರಳು ತೋರಿಸುತ್ತಿದ್ದಾರೆ. ಈ ಒಪ್ಪಂದದ ಅನ್ವಯ ಅಮೆರಿಕದ ಪಡೆಗಳನ್ನು ವಾಪಸ್ ಕರೆಯಿಸಿಕೊಳ್ಳಬೇಕಾಯಿತು ಎಂದು ಬೈಡನ್ ಹೇಳುತ್ತಿದ್ದಾರೆ.</p>.<p>’ಒಪ್ಪಂದವನ್ನು ಪಾಲಿಸಬೇಕು ಅಥವಾ ತಾಲಿಬಾನ್ ಜತೆಗಿನ ಹೋರಾಟವನ್ನು ಮುಂದುವರಿಸಬೇಕು’ ಎಂದು ಬೈಡನ್ ಇತ್ತೀಚೆಗೆ ಹೇಳಿಕೆ ನೀಡಿದ್ದರು.</p>.<p>ಆದರೆ, ಬೈಡನ್ ಅವರ ನಿರ್ಧಾರಕ್ಕೆ ಹಲವು ರೀತಿಯ ಆಕ್ಷೇಪಗಳು ಸಹ ವ್ಯಕ್ತವಾಗಿವೆ.</p>.<p>‘ಒಪ್ಪಂದವು ಸಮರ್ಪಕವಾಗಿಲ್ಲ ಎಂದು ಅಭಿಪ್ರಾಯಪಟ್ಟಿದ್ದರೆ, ಬೈಡನ್ ಅವರು ಮರುಸಂಧಾನ ಕೈಗೊಳ್ಳಬೇಕಾಗಿತ್ತು. ಅವರು ಬಯಸಿದ್ದರೆ ವಿಪುಲ ಅವಕಾಶಗಳಿದ್ದವು’ ಎಂದು ಟ್ರಂಪ್ ಆಡಳಿತದಲ್ಲಿನ ಹಂಗಾಮಿ ರಕ್ಷಣಾ ಕಾರ್ಯದರ್ಶಿಯಾಗಿದ್ದ ಕ್ರಿಸ್ ಮಿಲ್ಲರ್ ಅಭಿಪ್ರಾಯಪಟ್ಟಿದ್ದಾರೆ.</p>.<p>‘ದೋಹಾ ಒಪ್ಪಂದವು ಅತ್ಯಂತ ದುರ್ಬಲವಾಗಿದೆ. ತಾಲಿಬಾನ್ಗಿಂತ ಅಮೆರಿಕಕ್ಕೆ ಹೆಚ್ಚು ಪ್ರಯೋಜನವಾಗುತ್ತಿತ್ತು’ ಎಂದು ಅಫ್ಗಾನಿಸ್ತಾನಕ್ಕೆ ಸಂಬಂಧಿಸಿದ ವಿಷಯ ತಜ್ಞೆ ಹಾಗೂ ಟ್ರಂಪ್ ಆಡಳಿತದಲ್ಲಿ ರಾಷ್ಟ್ರೀಯ ಭದ್ರತಾ ಮಂಡಳಿಯಲ್ಲಿನ ಹಿರಿಯ ನಿರ್ದೇಶಕಿಯಾಗಿದ್ದ ಲಿಸಾ ಕರ್ಟಿಸ್ ತಿಳಿಸಿದ್ದಾರೆ.</p>.<p>‘ಅಮೆರಿಕ ಪಡೆಗಳು ವಾಪಸ್ ಹೋಗುವುದು ತಾಲಿಬಾನ್ಗೆ ಬೇಕಾಗಿತ್ತು. ಮಿಲಿಟರಿ ಮೂಲಕ ದೇಶವನ್ನು ನಿಯಂತ್ರಣಕ್ಕೆ ತೆಗೆದುಕೊಳ್ಳುವುದನ್ನು ಅದು ಬಯಸಿತ್ತು’ ಎಂದು ಅವರು ವಿವರಿಸಿದ್ದಾರೆ.</p>.<p>ಮೂರು ಅಥವಾ ನಾಲ್ಕು ತಿಂಗಳಲ್ಲಿ 13 ಸಾವಿರ ಪಡೆಗಳಿಂದ 8,600 ಪಡೆಗಳಿಗೆ ಕಡಿಮೆ ಮಾಡಬೇಕು ಹಾಗೂ ಉಳಿದ ಪಡೆಗಳನ್ನು 14 ತಿಂಗಳಲ್ಲಿ ಅಥವಾ ಮೇ 1ರ ವೇಳೆಗೆ ವಾಪಸ್ ಕರೆಯಿಸಿಕೊಳ್ಳಬೇಕು ಎಂದು ಒಪ್ಪಂದ ಮಾಡಿಕೊಳ್ಳಲಾಗಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
