ಬೀದರ್‌ | ಬೆಳೆ ಹಾನಿಯ ಬಗ್ಗೆ ಸಮೀಕ್ಷೆ ನಡೆಸಿ ಪರಿಹಾರ ಒದಗಿಸಿ: ಈಶ್ವರ ಖಂಡ್ರೆ

‘ಮನೆಯ ವಸ್ತುಗಳು ಹಾನಿಯಾದರೆ ₹7 ಸಾವಿರ, ಶೇ 50ರಷ್ಟು ವರೆಗೆ ಹಾನಿಯಾದರೆ ₹30 ಸಾವಿರ, ಪೂರ್ಣ ಪ್ರಮಾಣದಲ್ಲಿ ಹಾನಿಯಾದರೆ ಎಸ್‍ಡಿಆರ್‌ಎಫ್ ಮತ್ತು ಎನ್‍ಡಿಆರ್‌ಎಫ್ ಅಡಿ ₹1.20 ಲಕ್ಷ ಹಾಗೂ ರಾಜ್ಯ ಸರ್ಕಾರದಿಂದ ₹1.80 ಲಕ್ಷ ಪರಿಹಾರ ನೀಡಲಾಗುವುದು. ಸ್ಥಳಕ್ಕೆ ಅಧಿಕಾರಿಗಳು ಭೇಟಿ ನೀಡಿ ಪರಿಶೀಲನೆ ಮಾಡಬೇಕು’ ಎಂದು ಸಚಿವ ಈಶ್ವರ ಬಿ. ಖಂಡ್ರೆ ತಿಳಿಸಿದರು.

ಸೋರುತ್ತಿರುವ ಅಂಗನವಾಡಿ ಹಾಗೂ ಶಾಲೆಗಳ ಮಾಹಿತಿಯನ್ನು ನೀಡಬೇಕು. ಸೋರುತ್ತಿರುವ ಕೋಣೆಗಳಲ್ಲಿ ತರಗತಿ ತೆಗೆದುಕೊಳ್ಳಬಾರದು. ಒಂದುವೇಳೆ ತರಗತಿ ನಡೆಸಿ, ಯಾವುದೇ ದುರ್ಘಟನೆ ಸಂಭವಿಸಿದರೆ ಅದಕ್ಕೆ ಬಿಇಒ, ಡಿಒ ಹಾಗೂ ಸಂಬಂಧಪಟ್ಟ ಶಾಲೆ ಮುಖ್ಯಶಿಕ್ಷಕರನ್ನು ಹೊಣೆಗಾರರನ್ನಾಗಿ ಮಾಡಲಾಗುವುದು ಎಂದರು.