ಚಿತ್ರದುರ್ಗ | ಪತಿಯ ಕೊಲೆ; ನ್ಯಾಯ ಪಡೆಯಲು ಹೋರಾಡುವೆ: ರೇಣುಕಾಸ್ವಾಮಿ ಪತ್ನಿ

ರೇಣುಕಾಸ್ವಾಮಿ ಅಪಹರಣ ಮತ್ತು ಕೊಲೆ ಪ್ರಕರಣದ ಆರೋಪ ಹೊತ್ತಿರುವ ಅಖಿಲ ಕರ್ನಾಟಕ ದರ್ಶನ್‌ ತೂಗುದೀಪ ಸೇನಾ ಅಧಕ್ಷ ರಘು ನಟ ದರ್ಶನ್‌ಗೆ ಆಪ್ತನಾಗಿದ್ದರು. ರಘು ಮಗಳ ಜನ್ಮದಿನಕ್ಕೆ ದರ್ಶನ್‌ ಬೆಂಗಳೂರಿಗೆ ಕರೆಸಿಕೊಂಡು ಶುಭಾಶಯ ಕೋರಿದ್ದರು. ಈ ಕುರಿತು ರಘು ತಮ್ಮ ಫೇಸ್‌ಬುಕ್‌ ಪುಟದಲ್ಲಿ ಚಿತ್ರಗಳನ್ನು ಹಾಕಿಕೊಂಡಿದ್ದರು. ಈ ಚಿತ್ರಗಳು ಈಗ ಜಾಲತಾಣಗಳಲ್ಲಿ ಹರಿದಾಡುತ್ತಿವೆ. ಪ್ರಕರಣದ ಪ್ರಮುಖ ಪಾತ್ರಧಾರಿ ರಘು ಎನ್ನಲಾಗುತ್ತಿದ್ದು ಈತನ ವಿಚಾರಣೆಯ ನಂತರವೇ ಇಡೀ ಪ್ರಕರಣ ಬೆಳಕಿಗೆ ಬಂದಿದೆ ಎನ್ನಲಾಗಿದೆ.