‘ಲೋಕ’ ಕದನ: ಕಲಬುರಗಿ ಕ್ಷೇತ್ರದಲ್ಲಿ ಗರಿಗೆದರಿದ ‘ಮತ ಗಣಿತ’

ಕಳೆದ ಲೋಕಸಭಾ ಚುನಾವಣೆಯಲ್ಲಿ 609411 ಪುರುಷ 574824 ಮಹಿಳೆ ಹಾಗೂ 6 ಮಂದಿ ಲಿಂಗತ್ವ ಅಲ್ಪಸಂಖ್ಯಾತರು ಸೇರಿ ಒಟ್ಟು 1184241 ಮತದಾರರು ಮತ ಚಲಾಯಿಸಿದ್ದರು. ಒಟ್ಟಾರೆ ಶೇ 60.88ರಷ್ಟು ಮತದಾನವಾಗಿತ್ತು. ಈ ಬಾರಿ ಶೇ 62.27ರಷ್ಟು ಮತದಾನವಾಗಿದ್ದು ಶೇ 1.39ರಷ್ಟು ಹೆಚ್ಚಳವಾಗಿದೆ. ಈ ಬಾರಿ ಹೆಚ್ಚಳವಾಗಿರುವ ಶೇ 1.39ರಷ್ಟು ಮತಗಳು ಯಾರಿಗೆ ಹೋಗಿರಬಹುದು ಎಂಬುದು ಕುತೂಹಲ ಕೆರಳಿಸಿದೆ. ಹೊಸ ಮತದಾರರಾ? ವಲಸಿಗ ಮತದಾರರಾ? ಯಾರಿಗೆ ಜೈ ಎಂದಿದ್ದಾರೆ ಎಂಬಿತ್ಯಾದಿ ವಿಷಯಗಳ ಚರ್ಚೆಗಳು ವಿಶ್ಲೇಷಣೆಗಳು ಸಾರ್ವಜನಿಕರ ವಲಯದಲ್ಲಿ ನಡೆಯುತ್ತಿವೆ.