ಆಳ ಅಗಲ | ಭಾರತ–ಪಾಕ್‌ ಸೇನಾ ಸಂಘರ್ಷ: ಜಾಲತಾಣಗಳಲ್ಲಿ ಸುಳ್ಳಿನ ‘ಯುದ್ಧ’

ಅತ್ತ ಭಾರತ ಮತ್ತು ಪಾಕಿಸ್ತಾನದ ನಡುವೆ ಸೇನಾ ಸಂಘರ್ಷ ನಡೆಯುತ್ತಿದ್ದರೆ, ಇತ್ತ ಸಾಮಾಜಿಕ ಜಾಲತಾಣಗಳಲ್ಲಿ ಸುಳ್ಳು ಸುದ್ದಿಗಳ ಪ್ರವಾಹವೇ ಹರಿಯುತ್ತಿತ್ತು. ಮುಖ್ಯವಾಹಿನಿಯಲ್ಲಿರುವ ಕೆಲವು ಮಾಧ್ಯಮಗಳು ಕೂಡ ವಾಸ್ತವ ಅಲ್ಲದ ಸುದ್ದಿಗಳನ್ನು ಪ್ರಕಟಿಸಿ ಮುಜುಗರ ಅನುಭವಿಸುವಂತಾಯಿತು. ಸುಳ್ಳು ಮಾಹಿತಿಯನ್ನೇ ತನ್ನ ಆಯುಧವಾಗಿ ಬಳಸುವ ಪಾಕಿಸ್ತಾನವು ಭಾರತದ ವಿರುದ್ಧ ಮಿಥ್ಯಾ ಸುದ್ದಿಗಳ ಸುರಿಮಳೆಯನ್ನೇ ಮಾಡಿತು. ಭಾರತದಲ್ಲೂ ಸಾಮಾಜಿಕ ಜಾಲತಾಣಗಳ ಬಳಕೆದಾರರು ಸುಳ್ಳು ಮಾಹಿತಿಗಳನ್ನು ಹಂಚಿಕೊಂಡರು. ಕದನ ವಿರಾಮದ ಕಾರಣಕ್ಕೆ ಎರಡೂ ರಾಷ್ಟ್ರಗಳ ನಡುವಿನ ಸೇನಾ ಸಂಘರ್ಷ ನಿಂತಿದೆ. ಆದರೆ, ಸಾಮಾಜಿಕ ಜಾಲತಾಣಗಳಲ್ಲಿ ಸುಳ್ಳು ಸುದ್ದಿಗಳ ‘ಯುದ್ಧ’ ಮುಂದುವರಿದಿದೆ...

‘ಎಕ್ಸ್‌’ ಫೇಸ್‌ಬುಕ್‌ ಥ್ರೆಡ್ಸ್‌ ಇನ್‌ಸ್ಟಾಗ್ರಾಂ ವಾಟ್ಸ್‌ಆ್ಯಪ್‌ ಟೆಲಿಗ್ರಾಂ ಸೇರಿದಂತೆ ವಿವಿಧ ಸಾಮಾಜಿಕ ಜಾಲತಾಣಗಳಲ್ಲಿ ಸುಳ್ಳು ಮಾಹಿತಿ ಹಂಚಿಕೆ ಅಪಪ್ರಚಾರ. ಸುಳ್ಳಿನ ಪ್ರತಿಪಾದನೆಗೆ ಹಳೆಯ ವಿಡಿಯೊ ತುಣುಕು ಫೋಟೊಗಳು ವಿಡಿಯೊ ಗೇಮ್‌ಗಳ ತುಣುಕುಗಳ ಬಳಕೆ