<p><strong>ನವದೆಹಲಿ:</strong> ದುಬಾರಿ ಮೊಬೈಲ್ಗಳನ್ನು ಕಳ್ಳತನ ಮಾಡುತ್ತಿದ್ದ ಗ್ಯಾಂಗ್ ಅನ್ನು ಪೊಲೀಸರು ಬಂಧಿಸಿದ್ದು, ಅವರಿಂದ 43 ಆ್ಯಪಲ್ ಐಫೋನ್ ಹಾಗೂ ಒಂದು ಸ್ಯಾಮ್ಸಂಗ್ ಫೋಲ್ಡ್ ಫೋನ್ ವಶಪಡಿಸಿಕೊಳ್ಳಲಾಗಿದೆ.</p><p>ದೆಹಲಿಯ ದೇವ ನಗರ ಪ್ರದೇಶದ ಕರೋಲ್ಬಾಗ್ನಲ್ಲಿ ನಡೆಸಿದ ಕಾರ್ಯಾಚರಣೆ ವೇಳೆ ಇವರನ್ನು ಬಂಧಿಸಲಾಗಿದೆ ಎಂದು ಪೊಲೀಸರು ಶುಕ್ರವಾರ ತಿಳಿಸಿದ್ದಾರೆ.</p>.ಕಳ್ಳತನ ಮಾಡಿದ್ದ 30 ಲ್ಯಾಪ್ಟಾಪ್, ಐ–ಫೋನ್ ಜಪ್ತಿ.<p>ಇತ್ತೀಚೆಗೆ ಐಪಿ ಎಸ್ಟೇಟ್ ಪ್ರದೇಶದಲ್ಲಿ ನಡೆದ ಕಳ್ಳತನ ಪ್ರಕರಣದಲ್ಲಿ ಕಳುವಾಗಿದ್ದ ಐಫೋನ್–15 ಅನ್ನು ಈ ದಾಳಿಯಲ್ಲಿ ವಶಪಡಿಸಿಕೊಳ್ಳಲಾಗಿದೆ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ.</p><p>ನವದೀಪ್ ಕೌರ್ (26) ಹಾಗೂ ರಮಣ್ದೀಪ್ ಭಂಗು (33) ಬಂಧಿತರು. ಮೊಬೈಲ್ ರಿಪೇರಿ ಉದ್ಯಮದಲ್ಲಿ ನಷ್ಟ ಅನುಭವಿಸಿದ ಬಳಿಕ, ಮುಂದಿನ ದಾರಿ ನೋಡುತ್ತಿದ್ದ ಅವರು ಕಳ್ಳತನಕ್ಕೆ ಇಳಿದಿದ್ದರು.</p><p>ಪಂಜಾಬ್ನ ಭಟಿಂಡ ಮೂಲದ ಬಿ.ಎಸ್ಸಿ ಪದವೀಧರಳಾಗಿರುವ ನವದೀಪ್ ಕೌರ್ ಮೊಬೈಲ್ ರಿಪೇರಿ ತಂತ್ರಜ್ಞಳೂ ಆಗಿದ್ದು, ಕದ್ದ ಮೊಬೈಲ್ಗಳನ್ನು ಬಿಚ್ಚಿ, ಬಿಡಿಭಾಗ ಕಳಚಿ ಕಾಳಸಂತೆಯಲ್ಲಿ ಮಾರಾಟ ಮಾಡುತ್ತಿದ್ದಳು ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.</p>.ಮಾರುವೇಶ ಧರಿಸಿ ಕಳ್ಳತನ: ದಂಪತಿ ಬಂಧನ.<p>ಜೂನ್ 24ರಂದು ಐಪಿ ಎಸ್ಟೇಟ್ ಪ್ರದೇಶದಲ್ಲಿ ನಡೆದ ಕಳ್ಳತನ ಪ್ರಕರಣದ ಬಳಿಕ ಈ ಗ್ಯಾಂಗ್ ಅನ್ನು ಬೇಧಿಸಲಾಗಿದೆ.</p><p>ಕಳ್ಳತನವಾಗಿದ್ದ ಐಫೋನ್ನ ಲೊಕೇಶನ್ ದೇವ ನಗರ ಸಮೀಪ ಇರುವುದನ್ನು ಪತ್ತೆ ಮಾಡಿದ ಪೊಲೀಸರು ಜೂನ್ 26ರಂದು ದಾಳಿ ನಡೆಸಿದ್ದಾರೆ.</p><p>ಕೌರ್ಳನ್ನು ಆಕೆಯ ಮನೆಯಲ್ಲಿ ಬಂಧಿಸಲಾಗಿದ್ದು, ಕಳುವಾದ ಐಫೋನ್ ಸೇರಿ ಒಟ್ಟು 44 ಮೊಬೈಲ್ಗಳನ್ನು ಆಕೆಯಿಂದ ವಶಪಡಿಸಿಕೊಳ್ಳಲಾಗಿದೆ. ಭಾರಿ ಪ್ರಮಾಣದ ಐಫೋನ್ ಬಿಡಿಭಾಗಗಳೂ ಸಿಕ್ಕಿವೆ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ.</p>.ಕಳ್ಳತನ ಪ್ರಕರಣ: ನೇಪಾಳಿ ಗ್ಯಾಂಗ್ ಬಂಧನವೇ ಸವಾಲು.<p>ವಿಚಾರಣೆ ವೇಳೆ ಕೌರ್ ತನ್ನ ಇನ್ನಿಬ್ಬರು ಸಹಚರರ ಹೆಸರನ್ನು ಬಾಯಿ ಬಿಟ್ಟಿದ್ದಾಳೆ. ಸಂಜೀವ್ ಕುಮಾರ್ ಈಗ ತಲೆ ಮರೆಸಿಕೊಂಡಿದ್ದು, ರಮಣದೀಪ್ ಭಂಗುನನ್ನು ನೇಪಾಳಕ್ಕೆ ಪರಾರಿಯಾಗುವ ವೇಳೆ ಹಿಮಾಚಲ ಪ್ರದೇಶದಲ್ಲಿ ಬಂಧಿಸಲಾಗಿದೆ ಎಂದು ಪೊಲೀಸರು ಹೇಳಿದ್ದಾರೆ.</p><p>ಕರೋಲ್ ಬಾಗ್ನ ಮಹಿಳೆಯೊಬ್ಬರಿಂದ ಕದ್ದ ಫೋನ್ಗಳನ್ನು ಖರೀದಿಸಿ, ನಂತರ ಅವುಗಳನ್ನು ಬಿಚ್ಚಿ, ಬಿಡಿಭಾಗಗಳನ್ನು ರಿಪೇರಿ ಅಂಗಡಿಗಳಿಗೆ ಮಾರಾಟ ಮಾಡಿದ್ದಾಗಿ ಭಂಗು ಒಪ್ಪಿಕೊಂಡಿದ್ದಾನೆ.</p><p>ವಶಪಡಿಸಿಕೊಂಡ ಮೊಬೈಲ್ಗಳಲ್ಲಿ 11 ಫೋನ್ಗಳು ಈಗಾಗಲೇ ನಗರದಾದ್ಯಂತ ದಾಖಲಾಗಿರುವ ವಿವಿಧ ಎಫ್ಐಆರ್ಗಳಿಗೆ ಸಂಬಂಧಿಸಿವೆ ಎಂದು ಪೊಲೀಸರು ತಿಳಿಸಿದ್ದಾರೆ.</p>.ಮಹಾರಾಷ್ಟ್ರ ಚುನಾವಣೆಯಲ್ಲಿ ‘ಮತ ಕಳ್ಳತನ’: EC ವಿರುದ್ಧ ರಾಹುಲ್ ಮತ್ತೆ ವಾಗ್ದಾಳಿ.<p>‘ವಶಪಡಿಸಿಕೊಂಡ ಭಾಗಗಳು ಕದ್ದ ಇತರ ಐಫೋನ್ಗಳದ್ದಾಗಿರಬಹುದು ಎಂದು ಶಂಕಿಸಲಾಗಿದೆ. ಹೆಚ್ಚಿನ ಪರಿಶೀಲನೆ ನಡೆಯುತ್ತಿದೆ’ ಎಂದು ಅಧಿಕಾರಿ ಹೇಳಿದ್ದಾರೆ.</p><p>ಕ್ರಿಮಿನಲ್ ಹಿನ್ನೆಲೆ ಹೊಂದಿರುವ ಭಂಗು ಅವರನ್ನು ಈ ಹಿಂದೆ ಪಂಜಾಬ್ನ ಭಟಿಂಡಾದಲ್ಲಿ ದಾಖಲಾಗಿರುವ ಇದೇ ರೀತಿಯ ಪ್ರಕರಣದಲ್ಲಿ ಬಂಧಿಸಲಾಗಿತ್ತು. ಆ ಪ್ರಕರಣದಲ್ಲಿ ಸುಮಾರು 70 ಕದ್ದ ಮೊಬೈಲ್ ಫೋನ್ಗಳನ್ನು ವಶಪಡಿಸಿಕೊಳ್ಳಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.</p><p>ಕದ್ದ ಸಾಧನಗಳನ್ನು ಪೂರೈಸಿದ ಮಹಿಳೆಯನ್ನು ಗುರುತಿಸಲು ಮತ್ತು ಸಂಜೀವ್ ಕುಮಾರ್ ಅವರನ್ನು ಬಂಧಿಸಲು ಪ್ರಯತ್ನಗಳು ನಡೆಯುತ್ತಿವೆ. ಹೆಚ್ಚಿನ ತನಿಖೆ ಪ್ರಗತಿಯಲ್ಲಿದೆ ಎಂದು ಪೊಲೀಸರು ಹೇಳಿದ್ದಾರೆ.</p> .ಬೆಂಗಳೂರು: ಮಕ್ಕಳ ಶಿಕ್ಷಣಕ್ಕೆ ಸಾಲ ಮಾಡಿದ್ದ ಹಣ ಕಳ್ಳತನ.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ:</strong> ದುಬಾರಿ ಮೊಬೈಲ್ಗಳನ್ನು ಕಳ್ಳತನ ಮಾಡುತ್ತಿದ್ದ ಗ್ಯಾಂಗ್ ಅನ್ನು ಪೊಲೀಸರು ಬಂಧಿಸಿದ್ದು, ಅವರಿಂದ 43 ಆ್ಯಪಲ್ ಐಫೋನ್ ಹಾಗೂ ಒಂದು ಸ್ಯಾಮ್ಸಂಗ್ ಫೋಲ್ಡ್ ಫೋನ್ ವಶಪಡಿಸಿಕೊಳ್ಳಲಾಗಿದೆ.</p><p>ದೆಹಲಿಯ ದೇವ ನಗರ ಪ್ರದೇಶದ ಕರೋಲ್ಬಾಗ್ನಲ್ಲಿ ನಡೆಸಿದ ಕಾರ್ಯಾಚರಣೆ ವೇಳೆ ಇವರನ್ನು ಬಂಧಿಸಲಾಗಿದೆ ಎಂದು ಪೊಲೀಸರು ಶುಕ್ರವಾರ ತಿಳಿಸಿದ್ದಾರೆ.</p>.ಕಳ್ಳತನ ಮಾಡಿದ್ದ 30 ಲ್ಯಾಪ್ಟಾಪ್, ಐ–ಫೋನ್ ಜಪ್ತಿ.<p>ಇತ್ತೀಚೆಗೆ ಐಪಿ ಎಸ್ಟೇಟ್ ಪ್ರದೇಶದಲ್ಲಿ ನಡೆದ ಕಳ್ಳತನ ಪ್ರಕರಣದಲ್ಲಿ ಕಳುವಾಗಿದ್ದ ಐಫೋನ್–15 ಅನ್ನು ಈ ದಾಳಿಯಲ್ಲಿ ವಶಪಡಿಸಿಕೊಳ್ಳಲಾಗಿದೆ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ.</p><p>ನವದೀಪ್ ಕೌರ್ (26) ಹಾಗೂ ರಮಣ್ದೀಪ್ ಭಂಗು (33) ಬಂಧಿತರು. ಮೊಬೈಲ್ ರಿಪೇರಿ ಉದ್ಯಮದಲ್ಲಿ ನಷ್ಟ ಅನುಭವಿಸಿದ ಬಳಿಕ, ಮುಂದಿನ ದಾರಿ ನೋಡುತ್ತಿದ್ದ ಅವರು ಕಳ್ಳತನಕ್ಕೆ ಇಳಿದಿದ್ದರು.</p><p>ಪಂಜಾಬ್ನ ಭಟಿಂಡ ಮೂಲದ ಬಿ.ಎಸ್ಸಿ ಪದವೀಧರಳಾಗಿರುವ ನವದೀಪ್ ಕೌರ್ ಮೊಬೈಲ್ ರಿಪೇರಿ ತಂತ್ರಜ್ಞಳೂ ಆಗಿದ್ದು, ಕದ್ದ ಮೊಬೈಲ್ಗಳನ್ನು ಬಿಚ್ಚಿ, ಬಿಡಿಭಾಗ ಕಳಚಿ ಕಾಳಸಂತೆಯಲ್ಲಿ ಮಾರಾಟ ಮಾಡುತ್ತಿದ್ದಳು ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.</p>.ಮಾರುವೇಶ ಧರಿಸಿ ಕಳ್ಳತನ: ದಂಪತಿ ಬಂಧನ.<p>ಜೂನ್ 24ರಂದು ಐಪಿ ಎಸ್ಟೇಟ್ ಪ್ರದೇಶದಲ್ಲಿ ನಡೆದ ಕಳ್ಳತನ ಪ್ರಕರಣದ ಬಳಿಕ ಈ ಗ್ಯಾಂಗ್ ಅನ್ನು ಬೇಧಿಸಲಾಗಿದೆ.</p><p>ಕಳ್ಳತನವಾಗಿದ್ದ ಐಫೋನ್ನ ಲೊಕೇಶನ್ ದೇವ ನಗರ ಸಮೀಪ ಇರುವುದನ್ನು ಪತ್ತೆ ಮಾಡಿದ ಪೊಲೀಸರು ಜೂನ್ 26ರಂದು ದಾಳಿ ನಡೆಸಿದ್ದಾರೆ.</p><p>ಕೌರ್ಳನ್ನು ಆಕೆಯ ಮನೆಯಲ್ಲಿ ಬಂಧಿಸಲಾಗಿದ್ದು, ಕಳುವಾದ ಐಫೋನ್ ಸೇರಿ ಒಟ್ಟು 44 ಮೊಬೈಲ್ಗಳನ್ನು ಆಕೆಯಿಂದ ವಶಪಡಿಸಿಕೊಳ್ಳಲಾಗಿದೆ. ಭಾರಿ ಪ್ರಮಾಣದ ಐಫೋನ್ ಬಿಡಿಭಾಗಗಳೂ ಸಿಕ್ಕಿವೆ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ.</p>.ಕಳ್ಳತನ ಪ್ರಕರಣ: ನೇಪಾಳಿ ಗ್ಯಾಂಗ್ ಬಂಧನವೇ ಸವಾಲು.<p>ವಿಚಾರಣೆ ವೇಳೆ ಕೌರ್ ತನ್ನ ಇನ್ನಿಬ್ಬರು ಸಹಚರರ ಹೆಸರನ್ನು ಬಾಯಿ ಬಿಟ್ಟಿದ್ದಾಳೆ. ಸಂಜೀವ್ ಕುಮಾರ್ ಈಗ ತಲೆ ಮರೆಸಿಕೊಂಡಿದ್ದು, ರಮಣದೀಪ್ ಭಂಗುನನ್ನು ನೇಪಾಳಕ್ಕೆ ಪರಾರಿಯಾಗುವ ವೇಳೆ ಹಿಮಾಚಲ ಪ್ರದೇಶದಲ್ಲಿ ಬಂಧಿಸಲಾಗಿದೆ ಎಂದು ಪೊಲೀಸರು ಹೇಳಿದ್ದಾರೆ.</p><p>ಕರೋಲ್ ಬಾಗ್ನ ಮಹಿಳೆಯೊಬ್ಬರಿಂದ ಕದ್ದ ಫೋನ್ಗಳನ್ನು ಖರೀದಿಸಿ, ನಂತರ ಅವುಗಳನ್ನು ಬಿಚ್ಚಿ, ಬಿಡಿಭಾಗಗಳನ್ನು ರಿಪೇರಿ ಅಂಗಡಿಗಳಿಗೆ ಮಾರಾಟ ಮಾಡಿದ್ದಾಗಿ ಭಂಗು ಒಪ್ಪಿಕೊಂಡಿದ್ದಾನೆ.</p><p>ವಶಪಡಿಸಿಕೊಂಡ ಮೊಬೈಲ್ಗಳಲ್ಲಿ 11 ಫೋನ್ಗಳು ಈಗಾಗಲೇ ನಗರದಾದ್ಯಂತ ದಾಖಲಾಗಿರುವ ವಿವಿಧ ಎಫ್ಐಆರ್ಗಳಿಗೆ ಸಂಬಂಧಿಸಿವೆ ಎಂದು ಪೊಲೀಸರು ತಿಳಿಸಿದ್ದಾರೆ.</p>.ಮಹಾರಾಷ್ಟ್ರ ಚುನಾವಣೆಯಲ್ಲಿ ‘ಮತ ಕಳ್ಳತನ’: EC ವಿರುದ್ಧ ರಾಹುಲ್ ಮತ್ತೆ ವಾಗ್ದಾಳಿ.<p>‘ವಶಪಡಿಸಿಕೊಂಡ ಭಾಗಗಳು ಕದ್ದ ಇತರ ಐಫೋನ್ಗಳದ್ದಾಗಿರಬಹುದು ಎಂದು ಶಂಕಿಸಲಾಗಿದೆ. ಹೆಚ್ಚಿನ ಪರಿಶೀಲನೆ ನಡೆಯುತ್ತಿದೆ’ ಎಂದು ಅಧಿಕಾರಿ ಹೇಳಿದ್ದಾರೆ.</p><p>ಕ್ರಿಮಿನಲ್ ಹಿನ್ನೆಲೆ ಹೊಂದಿರುವ ಭಂಗು ಅವರನ್ನು ಈ ಹಿಂದೆ ಪಂಜಾಬ್ನ ಭಟಿಂಡಾದಲ್ಲಿ ದಾಖಲಾಗಿರುವ ಇದೇ ರೀತಿಯ ಪ್ರಕರಣದಲ್ಲಿ ಬಂಧಿಸಲಾಗಿತ್ತು. ಆ ಪ್ರಕರಣದಲ್ಲಿ ಸುಮಾರು 70 ಕದ್ದ ಮೊಬೈಲ್ ಫೋನ್ಗಳನ್ನು ವಶಪಡಿಸಿಕೊಳ್ಳಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.</p><p>ಕದ್ದ ಸಾಧನಗಳನ್ನು ಪೂರೈಸಿದ ಮಹಿಳೆಯನ್ನು ಗುರುತಿಸಲು ಮತ್ತು ಸಂಜೀವ್ ಕುಮಾರ್ ಅವರನ್ನು ಬಂಧಿಸಲು ಪ್ರಯತ್ನಗಳು ನಡೆಯುತ್ತಿವೆ. ಹೆಚ್ಚಿನ ತನಿಖೆ ಪ್ರಗತಿಯಲ್ಲಿದೆ ಎಂದು ಪೊಲೀಸರು ಹೇಳಿದ್ದಾರೆ.</p> .ಬೆಂಗಳೂರು: ಮಕ್ಕಳ ಶಿಕ್ಷಣಕ್ಕೆ ಸಾಲ ಮಾಡಿದ್ದ ಹಣ ಕಳ್ಳತನ.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>