<p><strong>ಲಾರ್ಡ್ಸ್: </strong>ಕ್ರಿಕೆಟ್ ಕಾಶಿ ಲಾರ್ಡ್ಸ್ ಕ್ರೀಡಾಂಗಣದಲ್ಲಿ ಭಾರತದ ವಿರುದ್ಧ ನಡೆಯುತ್ತಿರುವ ಟೆಸ್ಟ್ ಪಂದ್ಯದ ಮೊದಲ ಇನಿಂಗ್ಸ್ನಲ್ಲಿ ಆತಿಥೇಯ ಇಂಗ್ಲೆಂಡ್ ತಂಡಕ್ಕೆ ಅನುಭವಿ ಜೋ ರೂಟ್ ಮತ್ತು ಓಲಿ ಪೋಪ್ ಆಸರೆಯಾಗಿದ್ದಾರೆ.</p><p>3ನೇ ವಿಕೆಟ್ ಪಾಲುದಾರಿಕೆಯಲ್ಲಿ 82 ರನ್ ಕಲೆಹಾಕಿರುವ ಈ ಜೋಡಿ, ಆತಿಥೇಯರನ್ನು ಆರಂಭಿಕ ಆಘಾತದಿಂದ ಪಾರು ಮಾಡಿದೆ. ಸದ್ಯ 43 ಓವರ್ಗಳ ಆಟ ಮುಗಿದಿದ್ದು, ತಂಡದ ಮೊತ್ತ 2 ವಿಕೆಟ್ಗೆ 126 ರನ್ ಆಗಿದೆ.</p><p>ರೂಟ್ 93 ಎಸೆತಗಳಲ್ಲಿ 42 ರನ್ ಕಲೆಹಾಕಿದ್ದರೆ, ಪೋಪ್ 83 ಎಸೆತಗಳಲ್ಲಿ 29 ರನ್ ಗಳಿಸಿದ್ದಾರೆ.</p><p><strong>ರೆಡ್ಡಿ ಪೆಟ್ಟು</strong></p><p>ಇಂದಿನಿಂದ ಆರಂಭವಾಗಿರುವ ಪಂದ್ಯದಲ್ಲಿ ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡ ಇಂಗ್ಲೆಂಡ್ಗೆ, ಆಲ್ರೌಂಡರ್ ನಿತೀಶ್ ಕುಮಾರ್ ರೆಡ್ಡಿ ಆಘಾತ ನೀಡಿದರು.</p><p>ಇನಿಂಗ್ಸ್ ಆರಂಭಿಸಿ ಉತ್ತಮವಾಗಿ ಬ್ಯಾಟ್ ಬೀಸುತ್ತಿದ್ದ ಜಾಕ್ ಕ್ರಾಲಿ (18) ಹಾಗೂ ಬೆನ್ ಡಕೆಟ್ (24) ಅವರಿಗೆ ಪೆವಿಲಿಯನ್ ದಾರಿ ತೋರುವ ಮೂಲಕ ಪೆಟ್ಟುಕೊಟ್ಟರು. ಆಗ ತಂಡದ ಮೊತ್ತ ಕೇವಲ 44 ರನ್. ಆದರೆ, ಈ ಆರಂಭಿಕ ಯಶಸ್ಸಿನ ಲಾಭ ಪಡೆಯಲು ಟೀಂ ಇಂಡಿಯಾ ವಿಫಲವಾಯಿತು.</p><p><strong>ಮುನ್ನಡೆಯ ಛಲ</strong></p><p>ಐದು ಪಂದ್ಯಗಳ ಸರಣಿಯ ಮೊದಲೆರಡು ಪಂದ್ಯಗಳಲ್ಲಿ ಸಮಬಲದ ಹೋರಾಟ ನಡೆಸಿರುವ ಇತ್ತಂಡಗಳು, ಲಾರ್ಡ್ಸ್ನಲ್ಲಿ ಗೆದ್ದು ಮುನ್ನಡೆ ಸಾಧಿಸುವ ಛಲದಲ್ಲಿವೆ.</p><p>ಲೀಡ್ಸ್ನಲ್ಲಿ ನಡೆದ ಮೊದಲ ಪಂದ್ಯದಲ್ಲಿ 5 ವಿಕೆಟ್ ಅಂತರದ ಸೋಲು ಅನುಭವಿಸಿದ್ದ ಭಾರತ, ಎಜ್ಬಾಸ್ಟನ್ನಲ್ಲಿ ನಡೆದ ಎರಡನೇ ಪಂದ್ಯದಲ್ಲಿ 336 ರನ್ ಅಂತರದ ಜಯ ಸಾಧಿಸಿ ತಿರುಗೇಟು ನೀಡಿತ್ತು. ಹೀಗಾಗಿ, ಲಾರ್ಡ್ಸ್ನಲ್ಲಿ ಯಾರ ಕೈ ಮೇಲಾಗಲಿದೆ ಎಂಬುದು ಕುತೂಹಲ ಕೆರಳಿಸಿದೆ.</p><p><strong>ಬೂಮ್ರಾ, ಆರ್ಚರ್ ಕಣಕ್ಕೆ</strong></p><p>ಉಭಯ ತಂಡಗಳು ತಲಾ ಒಂದೊಂದು ಬದಲಾವಣೆಯೊಂದಿಗೆ ಕಣಕ್ಕಿಳಿದಿವೆ. ಕಾರ್ಯಭಾರ ನಿರ್ವಹಣೆಯ ಭಾಗವಾಗಿ ಎರಡನೇ ಟೆಸ್ಟ್ನಿಂದ ಹೊರಗುಳಿದಿದ್ದ ಜಸ್ಪ್ರೀತ್ ಬೂಮ್ರಾ ಈ ಪಂದ್ಯದಲ್ಲಿ ಭಾರತ ತಂಡಕ್ಕೆ ಮರಳಿದ್ದಾರೆ. ಮೊದಲೆರಡೂ ಪಂದ್ಯಗಳಲ್ಲಿ ಸಾಮರ್ಥ್ಯಕ್ಕೆ ತಕ್ಕ ಆಟವಾಡಲು ವಿಫಲವಾಗಿದ್ದ ಪ್ರಸಿದ್ಧ ಕೃಷ್ಣ ಅವಕಾಶ ಕಳೆದುಕೊಂಡಿದ್ದಾರೆ.</p><p>ಇತ್ತ ಎಜ್ಬಾಸ್ಟನ್ ಸೋಲಿನ ಆಘಾತದಲ್ಲಿರುವ ಇಂಗ್ಲೆಂಡ್, ವೇಗಿ ಜೋಫ್ರಾ ಆರ್ಚರ್ಗೆ ಸ್ಥಾನ ನೀಡಿದೆ. ಜೋಶ್ ಟಂಗ್ ಹನ್ನೊಂದರ ಬಳಗದಿಂದ ಹೊರಗುಳಿದಿದ್ದಾರೆ. ವಿಶೇಷವೆಂದರೆ, ಟಂಗ್ ಅವರು ಮೊದಲೆರಡು ಪಂದ್ಯಗಳಲ್ಲಿ ಹೆಚ್ಚು (11) ವಿಕೆಟ್ ಪಡೆದ ಬೌಲರ್ ಆಗಿದ್ದರು.</p>.IND vs ENG 3rd Test: ಲಾರ್ಡ್ಸ್ ಅಂಗಳದಲ್ಲಿಯೂ ‘ಶುಭ ಆಶಯ’.ICC Test Rankings: 15 ಸ್ಥಾನ ಮೇಲೇರಿ ಅಗ್ರ ಹತ್ತರಲ್ಲಿ ಕಾಣಿಸಿಕೊಂಡ ಗಿಲ್.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಲಾರ್ಡ್ಸ್: </strong>ಕ್ರಿಕೆಟ್ ಕಾಶಿ ಲಾರ್ಡ್ಸ್ ಕ್ರೀಡಾಂಗಣದಲ್ಲಿ ಭಾರತದ ವಿರುದ್ಧ ನಡೆಯುತ್ತಿರುವ ಟೆಸ್ಟ್ ಪಂದ್ಯದ ಮೊದಲ ಇನಿಂಗ್ಸ್ನಲ್ಲಿ ಆತಿಥೇಯ ಇಂಗ್ಲೆಂಡ್ ತಂಡಕ್ಕೆ ಅನುಭವಿ ಜೋ ರೂಟ್ ಮತ್ತು ಓಲಿ ಪೋಪ್ ಆಸರೆಯಾಗಿದ್ದಾರೆ.</p><p>3ನೇ ವಿಕೆಟ್ ಪಾಲುದಾರಿಕೆಯಲ್ಲಿ 82 ರನ್ ಕಲೆಹಾಕಿರುವ ಈ ಜೋಡಿ, ಆತಿಥೇಯರನ್ನು ಆರಂಭಿಕ ಆಘಾತದಿಂದ ಪಾರು ಮಾಡಿದೆ. ಸದ್ಯ 43 ಓವರ್ಗಳ ಆಟ ಮುಗಿದಿದ್ದು, ತಂಡದ ಮೊತ್ತ 2 ವಿಕೆಟ್ಗೆ 126 ರನ್ ಆಗಿದೆ.</p><p>ರೂಟ್ 93 ಎಸೆತಗಳಲ್ಲಿ 42 ರನ್ ಕಲೆಹಾಕಿದ್ದರೆ, ಪೋಪ್ 83 ಎಸೆತಗಳಲ್ಲಿ 29 ರನ್ ಗಳಿಸಿದ್ದಾರೆ.</p><p><strong>ರೆಡ್ಡಿ ಪೆಟ್ಟು</strong></p><p>ಇಂದಿನಿಂದ ಆರಂಭವಾಗಿರುವ ಪಂದ್ಯದಲ್ಲಿ ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡ ಇಂಗ್ಲೆಂಡ್ಗೆ, ಆಲ್ರೌಂಡರ್ ನಿತೀಶ್ ಕುಮಾರ್ ರೆಡ್ಡಿ ಆಘಾತ ನೀಡಿದರು.</p><p>ಇನಿಂಗ್ಸ್ ಆರಂಭಿಸಿ ಉತ್ತಮವಾಗಿ ಬ್ಯಾಟ್ ಬೀಸುತ್ತಿದ್ದ ಜಾಕ್ ಕ್ರಾಲಿ (18) ಹಾಗೂ ಬೆನ್ ಡಕೆಟ್ (24) ಅವರಿಗೆ ಪೆವಿಲಿಯನ್ ದಾರಿ ತೋರುವ ಮೂಲಕ ಪೆಟ್ಟುಕೊಟ್ಟರು. ಆಗ ತಂಡದ ಮೊತ್ತ ಕೇವಲ 44 ರನ್. ಆದರೆ, ಈ ಆರಂಭಿಕ ಯಶಸ್ಸಿನ ಲಾಭ ಪಡೆಯಲು ಟೀಂ ಇಂಡಿಯಾ ವಿಫಲವಾಯಿತು.</p><p><strong>ಮುನ್ನಡೆಯ ಛಲ</strong></p><p>ಐದು ಪಂದ್ಯಗಳ ಸರಣಿಯ ಮೊದಲೆರಡು ಪಂದ್ಯಗಳಲ್ಲಿ ಸಮಬಲದ ಹೋರಾಟ ನಡೆಸಿರುವ ಇತ್ತಂಡಗಳು, ಲಾರ್ಡ್ಸ್ನಲ್ಲಿ ಗೆದ್ದು ಮುನ್ನಡೆ ಸಾಧಿಸುವ ಛಲದಲ್ಲಿವೆ.</p><p>ಲೀಡ್ಸ್ನಲ್ಲಿ ನಡೆದ ಮೊದಲ ಪಂದ್ಯದಲ್ಲಿ 5 ವಿಕೆಟ್ ಅಂತರದ ಸೋಲು ಅನುಭವಿಸಿದ್ದ ಭಾರತ, ಎಜ್ಬಾಸ್ಟನ್ನಲ್ಲಿ ನಡೆದ ಎರಡನೇ ಪಂದ್ಯದಲ್ಲಿ 336 ರನ್ ಅಂತರದ ಜಯ ಸಾಧಿಸಿ ತಿರುಗೇಟು ನೀಡಿತ್ತು. ಹೀಗಾಗಿ, ಲಾರ್ಡ್ಸ್ನಲ್ಲಿ ಯಾರ ಕೈ ಮೇಲಾಗಲಿದೆ ಎಂಬುದು ಕುತೂಹಲ ಕೆರಳಿಸಿದೆ.</p><p><strong>ಬೂಮ್ರಾ, ಆರ್ಚರ್ ಕಣಕ್ಕೆ</strong></p><p>ಉಭಯ ತಂಡಗಳು ತಲಾ ಒಂದೊಂದು ಬದಲಾವಣೆಯೊಂದಿಗೆ ಕಣಕ್ಕಿಳಿದಿವೆ. ಕಾರ್ಯಭಾರ ನಿರ್ವಹಣೆಯ ಭಾಗವಾಗಿ ಎರಡನೇ ಟೆಸ್ಟ್ನಿಂದ ಹೊರಗುಳಿದಿದ್ದ ಜಸ್ಪ್ರೀತ್ ಬೂಮ್ರಾ ಈ ಪಂದ್ಯದಲ್ಲಿ ಭಾರತ ತಂಡಕ್ಕೆ ಮರಳಿದ್ದಾರೆ. ಮೊದಲೆರಡೂ ಪಂದ್ಯಗಳಲ್ಲಿ ಸಾಮರ್ಥ್ಯಕ್ಕೆ ತಕ್ಕ ಆಟವಾಡಲು ವಿಫಲವಾಗಿದ್ದ ಪ್ರಸಿದ್ಧ ಕೃಷ್ಣ ಅವಕಾಶ ಕಳೆದುಕೊಂಡಿದ್ದಾರೆ.</p><p>ಇತ್ತ ಎಜ್ಬಾಸ್ಟನ್ ಸೋಲಿನ ಆಘಾತದಲ್ಲಿರುವ ಇಂಗ್ಲೆಂಡ್, ವೇಗಿ ಜೋಫ್ರಾ ಆರ್ಚರ್ಗೆ ಸ್ಥಾನ ನೀಡಿದೆ. ಜೋಶ್ ಟಂಗ್ ಹನ್ನೊಂದರ ಬಳಗದಿಂದ ಹೊರಗುಳಿದಿದ್ದಾರೆ. ವಿಶೇಷವೆಂದರೆ, ಟಂಗ್ ಅವರು ಮೊದಲೆರಡು ಪಂದ್ಯಗಳಲ್ಲಿ ಹೆಚ್ಚು (11) ವಿಕೆಟ್ ಪಡೆದ ಬೌಲರ್ ಆಗಿದ್ದರು.</p>.IND vs ENG 3rd Test: ಲಾರ್ಡ್ಸ್ ಅಂಗಳದಲ್ಲಿಯೂ ‘ಶುಭ ಆಶಯ’.ICC Test Rankings: 15 ಸ್ಥಾನ ಮೇಲೇರಿ ಅಗ್ರ ಹತ್ತರಲ್ಲಿ ಕಾಣಿಸಿಕೊಂಡ ಗಿಲ್.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>