<p>ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) 18ನೇ ಆವತ್ತಿಯ ಉದ್ಘಾಟನಾ ಪಂದ್ಯಕ್ಕೆ ಕೋಲ್ಕತ್ತದ ಈಡನ್ ಗಾರ್ಡನ್ಸ್ನಲ್ಲಿ ವೇದಿಕೆ ಸಜ್ಜಾಗಿದೆ. ಹಾಲಿ ಚಾಂಪಿಯನ್ ಕೋಲ್ಕತ್ತ ನೈಟ್ ರೈಡರ್ಸ್ (ಕೆಕೆಆರ್) ಮತ್ತು ರಾಯಲ್ ಚಾಲೆಂಜರ್ಸ್ ಬೆಂಗಳೂರು (ಆರ್ಸಿಬಿ) ಶುಭಾರಂಭದ ನಿರೀಕ್ಷೆಯಲ್ಲಿವೆ.</p><p>ಈ ತಂಡಗಳು ಐಪಿಎಲ್ನ ಉದ್ಘಾಟನಾ ಪಂದ್ಯದಲ್ಲಿ ಮುಖಾಮುಖಿಯಾಗುತ್ತಿರುವುದು ಇದು ಎರಡನೇ ಬಾರಿ. ಈ ಹಿಂದೆ 2008ರಲ್ಲಿ ಅಂದರೆ, ಚೊಚ್ಚಲ ಆವೃತ್ತಿಯ ಮೊದಲ ಪಂದ್ಯದಲ್ಲಿ ಸೆಣಸಾಟ ನಡೆಸಿದ್ವವು.</p><p>ಈಡನ್ ಗಾರ್ಡನ್ಸ್ನಲ್ಲೇ ನಡೆದಿದ್ದ ಆ ಪಂದ್ಯದಲ್ಲಿ ಕೆಕೆಆರ್, 140 ರನ್ಗಳಿಂದ ಗೆದ್ದು ಬೀಗಿತ್ತು.</p><p>ಟಾಸ್ ಗೆದ್ದಿದ್ದ ಆರ್ಸಿಬಿ ನಾಯಕ ರಾಹುಲ್ ದ್ರಾವಿಡ್ ಬೌಲಿಂಗ್ ಆಯ್ಕೆ ಮಾಡಿಕೊಂಡಿದ್ದರು. ಅದರಂತೆ ಬ್ಯಾಟಿಂಗ್ ಶುರು ಮಾಡಿದ್ದ ರೈಡರ್ಸ್, ಚಾಲೆಂಜರ್ಸ್ ಬೌಲರ್ಗಳ ಮೇಲೆ ಅಕ್ಷರಶಃ ಪ್ರಹಾರ ಮಾಡಿದ್ದರು.</p><p>ನಾಯಕ ಸೌರವ್ ಗಂಗೂಲಿ (10 ರನ್) ಬೇಗನೆ ಔಟಾದರೂ, ಇನ್ನೊಂದು ತುದಿಯಲ್ಲಿ ಅಬ್ಬರಿಸಿದ್ದ ಬ್ರೆಂಡನ್ ಮೆಕ್ಲಂ, 73 ಎಸೆತಗಳಲ್ಲಿ 158 ರನ್ ಬಾರಿಸಿ ಅಜೇಯವಾಗಿ ಉಳಿದಿದ್ದರು. ಆ ಮೂಲಕ, ಐಪಿಎಲ್ನಲ್ಲಿ ಬ್ಯಾಟರ್ಗಳ ಅಬ್ಬರ ಹೇಗಿರಲಿದೆ ಎಂಬ ಝಲಕ್ ಅನ್ನು ಮೊದಲ ಪಂದ್ಯದಲ್ಲೇ ತೋರಿಸಿದ್ದರು. ಅವರ ಆಟದ ಬಲದಿಂದ ರೈಡರ್ಸ್ ನಿಗದಿತ 20 ಓವರ್ಗಳಲ್ಲಿ 3 ವಿಕೆಟ್ಗೆ 222 ರನ್ ಗಳಿಸಿತ್ತು.</p>.IPL 2025 | ರಹಾನೆ 25 ಎಸೆತಗಳಲ್ಲಿ ಫಿಫ್ಟಿ; ಆರ್ಸಿಬಿಗೆ 175 ರನ್ ಗುರಿ.Indian Premier League 2025 | ಐಪಿಎಲ್ಗೆ ಹದಿನೆಂಟು: ನಿರೀಕ್ಷೆ ನೂರೆಂಟು .<p>ಈ ಮೊತ್ತ ಬೆನ್ನತ್ತಿದ ಬೆಂಗಳೂರು ಗಳಿಸಿದ್ದು ಕೇವಲ 82 ರನ್. ಬೃಹತ್ ಮೊತ್ತದ ಬಲ ಬೆನ್ನಿಗಿದ್ದಿದ್ದರಿಂದ ಕರಾರುವಕ್ ದಾಳಿ ಸಂಘಟಿಸಿದ ಕೆಕೆಆರ್ ಬೌಲರ್ಗಳು, ಆರ್ಸಿಬಿ ಬ್ಯಾಟರ್ಗಳನ್ನು ರಟ್ಟೆಯರಳಿಸಲು ಬಿಟ್ಟಿರಲಿಲ್ಲ. ಅಜಿತ್ ಅಗರ್ಕರ್ 3, ನಾಯಕ ಸೌರವ್ ಗಂಗೂಲಿ ಹಾಗೂ ಅಶೋಕ್ ದಿಂಡಾ ತಲಾ 2 ವಿಕೆಟ್ ಪಡೆದಿದ್ದರು. ಇನ್ನೆರಡು ವಿಕೆಟ್ಗಳನ್ನು ಇನ್ನೆರಡು ವಿಕೆಟ್ಗಳನ್ನು ಇಶಾಂತ್ ಶರ್ಮಾ ಮತ್ತು ಲಕ್ಷ್ಮೀರತನ್ ಶುಕ್ಲಾ ಹಂಚಿಕೊಂಡಿದ್ದರು.</p><p>ಕೆಕೆಆರ್ನ ಎದುರು ಕಂಗೆಟ್ಟಿದ್ದ ಆರ್ಸಿಬಿ, 15.1 ಓವರ್ಗಳಲ್ಲೇ ಸರ್ವಪತನ ಕಂಡು ಭಾರಿ ಸೋಲನ್ನು ಒಪ್ಪಿಕೊಂಡಿತ್ತು. 9ನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್ ಮಾಡಿದ್ದ ಪ್ರವೀಣ್ ಕುಮಾರ್ ಹೊರತುಪಡಿಸಿ ಉಳಿದ ಯಾವೊಬ್ಬ ಬ್ಯಾಟರ್ ಎರಡಂಕಿಯನ್ನೇ ಮುಟ್ಟಿರಲಿಲ್ಲ. ಪ್ರವೀಣ್ 15 ಎಸೆತಗಳಲ್ಲಿ 18 ರನ್ ಗಳಿಸಿದ್ದರು.</p><p>ಈ ಪಂದ್ಯ ಮುಗಿದು ಇದೀಗ 17 ವರ್ಷಗಳು ಕಳೆದುಹೋಗಿವೆ. ಕೆಕೆಆರ್ ಮೂರು ಸಲ ಚಾಂಪಿಯನ್ ಪಟ್ಟಕ್ಕೇರಿದೆ. ಪ್ರಶಸ್ತಿಯನ್ನು ತನ್ನಲ್ಲೇ ಉಳಿಸಿಕೊಳ್ಳುವ ನಿಟ್ಟಿನಲ್ಲಿ ಮತ್ತೊಂದು ಯಶಸ್ವಿ ಅಭಿಯಾನಕ್ಕೆ ಸಜ್ಜಾಗಿದೆ. ಅದಕ್ಕಾಗಿ ಮೊದಲ ಪಂದ್ಯದಿಂದಲೇ ಅತ್ಯುತ್ತಮ ಆಟವಾಡುವ ಛಲದಲ್ಲಿದೆ.</p><p>ಆದರೆ, ಮೂರು ಸಲ ಫೈನಲ್ ತಲುಪಿದರೂ ಒಮ್ಮೆಯೂ 'ಕಪ್' ಗೆಲ್ಲಲಾಗದ ನಿರಾಶೆಯಲ್ಲಿರುವ ಆರ್ಸಿಬಿ, ಚೊಚ್ಚಲ ಪ್ರಶಸ್ತಿಯ ನಿರೀಕ್ಷೆಯಲ್ಲಿದೆ. ಅದಕ್ಕಾಗಿ, ಹಾಲಿ ಚಾಂಪಿಯನ್ನರಿಗೆ ಮನೆಯಂಗಳದಲ್ಲೇ ಸೋಲುಣಿಸಿ ಮುನ್ನುಗ್ಗುವ ಲೆಕ್ಕಾಚಾರದಲ್ಲಿದೆ.</p><p>ಪಂದ್ಯ ರಾತ್ರಿ 7.30ಕ್ಕೆ ಆರಂಭವಾಗಲಿದೆ. ಟಾಸ್ ಗೆದ್ದಿರುವ ಆರ್ಸಿಬಿ ಬೌಲಿಂಗ್ ಆಯ್ದುಕೊಂಡಿದೆ.</p>.PHOTOS | IPL 2025: 18ನೇ ಆವೃತ್ತಿಯ ಐಪಿಎಲ್ಗೆ ವರ್ಣರಂಜಿತ ಚಾಲನೆ.ಆಳ–ಅಗಲ | ಐಪಿಎಲ್: ಕರ್ನಾಟಕದ ಕಲಿಗಳಿಗೆ ಸತ್ವ ಪರೀಕ್ಷೆ.IPL 2025 | RCB vs KKR: ಇಂದು ನಿರ್ಣಾಯಕ ಆಟವಾಡಬಲ್ಲ ಐವರು ಬೌಲರ್ಗಳು.IPL 2025 | RCB vs KKR: ಇಂದು ಈ ಐವರು ಬ್ಯಾಟರ್ಗಳ ಮೇಲೆ ನಿರೀಕ್ಷೆ.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) 18ನೇ ಆವತ್ತಿಯ ಉದ್ಘಾಟನಾ ಪಂದ್ಯಕ್ಕೆ ಕೋಲ್ಕತ್ತದ ಈಡನ್ ಗಾರ್ಡನ್ಸ್ನಲ್ಲಿ ವೇದಿಕೆ ಸಜ್ಜಾಗಿದೆ. ಹಾಲಿ ಚಾಂಪಿಯನ್ ಕೋಲ್ಕತ್ತ ನೈಟ್ ರೈಡರ್ಸ್ (ಕೆಕೆಆರ್) ಮತ್ತು ರಾಯಲ್ ಚಾಲೆಂಜರ್ಸ್ ಬೆಂಗಳೂರು (ಆರ್ಸಿಬಿ) ಶುಭಾರಂಭದ ನಿರೀಕ್ಷೆಯಲ್ಲಿವೆ.</p><p>ಈ ತಂಡಗಳು ಐಪಿಎಲ್ನ ಉದ್ಘಾಟನಾ ಪಂದ್ಯದಲ್ಲಿ ಮುಖಾಮುಖಿಯಾಗುತ್ತಿರುವುದು ಇದು ಎರಡನೇ ಬಾರಿ. ಈ ಹಿಂದೆ 2008ರಲ್ಲಿ ಅಂದರೆ, ಚೊಚ್ಚಲ ಆವೃತ್ತಿಯ ಮೊದಲ ಪಂದ್ಯದಲ್ಲಿ ಸೆಣಸಾಟ ನಡೆಸಿದ್ವವು.</p><p>ಈಡನ್ ಗಾರ್ಡನ್ಸ್ನಲ್ಲೇ ನಡೆದಿದ್ದ ಆ ಪಂದ್ಯದಲ್ಲಿ ಕೆಕೆಆರ್, 140 ರನ್ಗಳಿಂದ ಗೆದ್ದು ಬೀಗಿತ್ತು.</p><p>ಟಾಸ್ ಗೆದ್ದಿದ್ದ ಆರ್ಸಿಬಿ ನಾಯಕ ರಾಹುಲ್ ದ್ರಾವಿಡ್ ಬೌಲಿಂಗ್ ಆಯ್ಕೆ ಮಾಡಿಕೊಂಡಿದ್ದರು. ಅದರಂತೆ ಬ್ಯಾಟಿಂಗ್ ಶುರು ಮಾಡಿದ್ದ ರೈಡರ್ಸ್, ಚಾಲೆಂಜರ್ಸ್ ಬೌಲರ್ಗಳ ಮೇಲೆ ಅಕ್ಷರಶಃ ಪ್ರಹಾರ ಮಾಡಿದ್ದರು.</p><p>ನಾಯಕ ಸೌರವ್ ಗಂಗೂಲಿ (10 ರನ್) ಬೇಗನೆ ಔಟಾದರೂ, ಇನ್ನೊಂದು ತುದಿಯಲ್ಲಿ ಅಬ್ಬರಿಸಿದ್ದ ಬ್ರೆಂಡನ್ ಮೆಕ್ಲಂ, 73 ಎಸೆತಗಳಲ್ಲಿ 158 ರನ್ ಬಾರಿಸಿ ಅಜೇಯವಾಗಿ ಉಳಿದಿದ್ದರು. ಆ ಮೂಲಕ, ಐಪಿಎಲ್ನಲ್ಲಿ ಬ್ಯಾಟರ್ಗಳ ಅಬ್ಬರ ಹೇಗಿರಲಿದೆ ಎಂಬ ಝಲಕ್ ಅನ್ನು ಮೊದಲ ಪಂದ್ಯದಲ್ಲೇ ತೋರಿಸಿದ್ದರು. ಅವರ ಆಟದ ಬಲದಿಂದ ರೈಡರ್ಸ್ ನಿಗದಿತ 20 ಓವರ್ಗಳಲ್ಲಿ 3 ವಿಕೆಟ್ಗೆ 222 ರನ್ ಗಳಿಸಿತ್ತು.</p>.IPL 2025 | ರಹಾನೆ 25 ಎಸೆತಗಳಲ್ಲಿ ಫಿಫ್ಟಿ; ಆರ್ಸಿಬಿಗೆ 175 ರನ್ ಗುರಿ.Indian Premier League 2025 | ಐಪಿಎಲ್ಗೆ ಹದಿನೆಂಟು: ನಿರೀಕ್ಷೆ ನೂರೆಂಟು .<p>ಈ ಮೊತ್ತ ಬೆನ್ನತ್ತಿದ ಬೆಂಗಳೂರು ಗಳಿಸಿದ್ದು ಕೇವಲ 82 ರನ್. ಬೃಹತ್ ಮೊತ್ತದ ಬಲ ಬೆನ್ನಿಗಿದ್ದಿದ್ದರಿಂದ ಕರಾರುವಕ್ ದಾಳಿ ಸಂಘಟಿಸಿದ ಕೆಕೆಆರ್ ಬೌಲರ್ಗಳು, ಆರ್ಸಿಬಿ ಬ್ಯಾಟರ್ಗಳನ್ನು ರಟ್ಟೆಯರಳಿಸಲು ಬಿಟ್ಟಿರಲಿಲ್ಲ. ಅಜಿತ್ ಅಗರ್ಕರ್ 3, ನಾಯಕ ಸೌರವ್ ಗಂಗೂಲಿ ಹಾಗೂ ಅಶೋಕ್ ದಿಂಡಾ ತಲಾ 2 ವಿಕೆಟ್ ಪಡೆದಿದ್ದರು. ಇನ್ನೆರಡು ವಿಕೆಟ್ಗಳನ್ನು ಇನ್ನೆರಡು ವಿಕೆಟ್ಗಳನ್ನು ಇಶಾಂತ್ ಶರ್ಮಾ ಮತ್ತು ಲಕ್ಷ್ಮೀರತನ್ ಶುಕ್ಲಾ ಹಂಚಿಕೊಂಡಿದ್ದರು.</p><p>ಕೆಕೆಆರ್ನ ಎದುರು ಕಂಗೆಟ್ಟಿದ್ದ ಆರ್ಸಿಬಿ, 15.1 ಓವರ್ಗಳಲ್ಲೇ ಸರ್ವಪತನ ಕಂಡು ಭಾರಿ ಸೋಲನ್ನು ಒಪ್ಪಿಕೊಂಡಿತ್ತು. 9ನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್ ಮಾಡಿದ್ದ ಪ್ರವೀಣ್ ಕುಮಾರ್ ಹೊರತುಪಡಿಸಿ ಉಳಿದ ಯಾವೊಬ್ಬ ಬ್ಯಾಟರ್ ಎರಡಂಕಿಯನ್ನೇ ಮುಟ್ಟಿರಲಿಲ್ಲ. ಪ್ರವೀಣ್ 15 ಎಸೆತಗಳಲ್ಲಿ 18 ರನ್ ಗಳಿಸಿದ್ದರು.</p><p>ಈ ಪಂದ್ಯ ಮುಗಿದು ಇದೀಗ 17 ವರ್ಷಗಳು ಕಳೆದುಹೋಗಿವೆ. ಕೆಕೆಆರ್ ಮೂರು ಸಲ ಚಾಂಪಿಯನ್ ಪಟ್ಟಕ್ಕೇರಿದೆ. ಪ್ರಶಸ್ತಿಯನ್ನು ತನ್ನಲ್ಲೇ ಉಳಿಸಿಕೊಳ್ಳುವ ನಿಟ್ಟಿನಲ್ಲಿ ಮತ್ತೊಂದು ಯಶಸ್ವಿ ಅಭಿಯಾನಕ್ಕೆ ಸಜ್ಜಾಗಿದೆ. ಅದಕ್ಕಾಗಿ ಮೊದಲ ಪಂದ್ಯದಿಂದಲೇ ಅತ್ಯುತ್ತಮ ಆಟವಾಡುವ ಛಲದಲ್ಲಿದೆ.</p><p>ಆದರೆ, ಮೂರು ಸಲ ಫೈನಲ್ ತಲುಪಿದರೂ ಒಮ್ಮೆಯೂ 'ಕಪ್' ಗೆಲ್ಲಲಾಗದ ನಿರಾಶೆಯಲ್ಲಿರುವ ಆರ್ಸಿಬಿ, ಚೊಚ್ಚಲ ಪ್ರಶಸ್ತಿಯ ನಿರೀಕ್ಷೆಯಲ್ಲಿದೆ. ಅದಕ್ಕಾಗಿ, ಹಾಲಿ ಚಾಂಪಿಯನ್ನರಿಗೆ ಮನೆಯಂಗಳದಲ್ಲೇ ಸೋಲುಣಿಸಿ ಮುನ್ನುಗ್ಗುವ ಲೆಕ್ಕಾಚಾರದಲ್ಲಿದೆ.</p><p>ಪಂದ್ಯ ರಾತ್ರಿ 7.30ಕ್ಕೆ ಆರಂಭವಾಗಲಿದೆ. ಟಾಸ್ ಗೆದ್ದಿರುವ ಆರ್ಸಿಬಿ ಬೌಲಿಂಗ್ ಆಯ್ದುಕೊಂಡಿದೆ.</p>.PHOTOS | IPL 2025: 18ನೇ ಆವೃತ್ತಿಯ ಐಪಿಎಲ್ಗೆ ವರ್ಣರಂಜಿತ ಚಾಲನೆ.ಆಳ–ಅಗಲ | ಐಪಿಎಲ್: ಕರ್ನಾಟಕದ ಕಲಿಗಳಿಗೆ ಸತ್ವ ಪರೀಕ್ಷೆ.IPL 2025 | RCB vs KKR: ಇಂದು ನಿರ್ಣಾಯಕ ಆಟವಾಡಬಲ್ಲ ಐವರು ಬೌಲರ್ಗಳು.IPL 2025 | RCB vs KKR: ಇಂದು ಈ ಐವರು ಬ್ಯಾಟರ್ಗಳ ಮೇಲೆ ನಿರೀಕ್ಷೆ.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>