ವಹಿವಾಟು ನಿರ್ಧರಿಸಲಿದೆ ಹಣದುಬ್ಬರ, ಚುನಾವಣೆ

ನವದೆಹಲಿ (ಪಿಟಿಐ): ಪ್ರಮುಖ ಕಂಪೆನಿಗಳ ಮೂರನೇ ತ್ರೈಮಾಸಿಕದ ಕೊನೆಯ ಕಂತಿನ ಫಲಿತಾಂಶ, ಹಣದುಬ್ಬರ ಅಂಕಿಅಂಶ ಮತ್ತು ಉತ್ತರ ಪ್ರದೇಶ ವಿಧಾನಸಭಾ ಚುನಾವಣೆ ಪ್ರಕ್ರಿಯೆ ಈ ವಾರದ ಷೇರುಪೇಟೆಯ ಭವಿಷ್ಯ ನಿರ್ಧರಿಸಲಿವೆ."

ಜನವರಿ ತಿಂಗಳ ಗ್ರಾಹಕರ ಬೆಲೆ ಸೂಚ್ಯಂಕ (ಸಿಪಿಐ) ಆಧಾರಿತ ಹಣದುಬ್ಬರ ಅಂಕಿಅಂಶ ಸೋಮವಾರ ಮತ್ತು ಸಗಟು ಬೆಲೆ ಸೂಚ್ಯಂಕ (ಡಬ್ಲ್ಯೂ ಪಿಐ) ಅಂಕಿಅಂಶ ಮಂಗಳವಾರ ಬಿಡುಗಡೆಯಾಗಲಿವೆ.

ಹಿಂಡಾಲ್ಕೊ ಇಂಡಸ್ಟ್ರೀಸ್‌, ಜೈಪ್ರಕಾಶ್‌ ಪವರ್‌ ವೆಂಚುರ್‍್ಸ್‌, ಎನ್‌ಎಂಡಿಸಿ, ಸನ್‌ ಫಾರ್ಮಾಸುಟಿಕಲ್‌ ಇಂಡಸ್ಟ್ರೀಸ್‌ ಮತ್ತು ಟಾಟಾ ಮೋಟಾರ್‍್ಸ್‌ಗಳ ತ್ರೈಮಾಸಿಕದ ಫಲಿತಾಂಶ ಈ ವಾರ ಪ್ರಕಟವಾಗಲಿದೆ. ಇದಲ್ಲದೇ ಉತ್ತರ ಪ್ರದೇಶ ವಿಧಾನಸಭಾ ಚುನಾವಣೆಯ ಪ್ರಚಾರ ಕೂಡ ಮಾರುಕಟ್ಟೆ ಮೇಲೆ ಪ್ರಭಾವ ಬೀರಲಿದೆ ಎಂದು ಮಾರುಕಟ್ಟೆ ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.