ಕೋಸ್ಟರಿಕಾದಲ್ಲಿ ಮಂಗಳೂರು ಮೂಲದ ಮಹಿಳೆ ಸಾವು
ಮಂಗಳೂರು: ಮಂಗಳೂರಿನ ರೋಹಿಣಾ ಭಂಡಾರಿ (49) ಎಂಬವರು ಅಮೆರಿಕ ಕೋಸ್ಟರಿಕಾದಲ್ಲಿ ಸ್ಕೂಬಾ ಡೈವಿಂಗ್‌ ಮಾಡುವಾಗ ಟೈಗರ್‌ ಶಾರ್ಕ್‌ ಮೀನಿನ ದಾಳಿಗೆ ಬಲಿಯಾಗಿದ್ದಾರೆ.
ನ್ಯೂಯಾರ್ಕ್‌ನಲ್ಲಿ ಸೇಲ್ಸ್ ಮತ್ತು ಮಾರುಕಟ್ಟೆ ವಿಭಾಗದಲ್ಲಿ ಕೆಲಸ ಮಾಡುತ್ತಿದ್ದ ಅವರು ನ.30ರಂದು ಸ್ನೇಹಿತರೊಡನೆ ಕೋಸ್ಟರಿಕಾದಲ್ಲಿ ಸ್ಕೂಬಾ ಡೈವಿಂಗ್‌ ಮಾಡುತ್ತಿದ್ದಾಗ ಅವರ ಕಾಲುಗಳನ್ನು ಟೈಗರ್‌ ಶಾರ್ಕ್‌ ಕಚ್ಚಿದೆ. ತಮ್ಮ ಮಾರ್ಗದರ್ಶನಕರೊಂದಿಗೆ ಕೋಕೋಸ್‌ ದ್ವೀಪದಲ್ಲಿ ಡೈವ್‌ ಹೊಡೆದು ಮೇಲೆ ಬರುವ ವೇಳೆಗೆ ಮೀನು ಅವರ ಕಾಲುಗಳನ್ನು ಕಚ್ಚಿದೆ ಎಂದು ಹೇಳಲಾಗುತ್ತಿದೆ.
ತಕ್ಷಣವೇ ಅವರನ್ನು ವೈದ್ಯರಲ್ಲಿಗೆ ಕೊಂಡೊಯ್ದರೂ ಚಿಕಿತ್ಸೆ ಫಲಿಸಲಿಲ್ಲ. ಡೈವಿಂಗ್‌ ಮಾರ್ಗದರ್ಶಕ ಕೂಡ ತೀವ್ರವಾಗಿ ಗಾಯಗೊಂಡಿದ್ದಾರೆ ಎಂದು ನ್ಯೂಯಾರ್ಕ್‌ ಅಧಿಕಾರಿಗಳು ಮಾಧ್ಯಮ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.
ರೋಹಿಣಾ ಭಂಡಾರಿ ಅವರು ಮಂಗಳೂರಿನವರಾಗಿದ್ದರೂ ಶಿಕ್ಷಣವನ್ನು ಜಾರ್ಜ್‌ ವಾಷಿಂಗ್ಟನ್‌ ವಿಶ್ವವಿದ್ಯಾಲಯದಲ್ಲೇ ಪಡೆದಿದ್ದರು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.