ನಯನಾಕೃಷ್ಣ ಗೆಳತಿ ಬಂಧನ

ಬೆಂಗಳೂರು: ವೈದ್ಯರೊಬ್ಬರ ಜತೆ ಲೈಂಗಿಕ ಕ್ರಿಯೆಯಲ್ಲಿ ತೊಡಗಿದ್ದ ದೃಶ್ಯವನ್ನು ಚಿತ್ರೀ­ಕರಿಸಿ­ಕೊಂಡು ಹಣಕ್ಕಾಗಿ ಬೆದರಿಕೆ ಹಾಕಿದ್ದ ಪ್ರಕರಣ ಸಂಬಂಧ ನಟಿ ನಯನಾಕೃಷ್ಣ ಅವರ ಸ್ನೇಹಿತೆ ಮೇಘನಾ ಎಂಬುವರನ್ನು ನಗರದ ಕೇಂದ್ರ ಅಪರಾಧ ವಿಭಾಗದ (ಸಿಸಿಬಿ) ಪೊಲೀಸರು ಸೋಮವಾರ ಬಂಧಿಸಿದ್ದಾರೆ.

ವೈದ್ಯರೊಬ್ಬರು ನಯನಾಕೃಷ್ಣ, ಮೇಘನಾ ಮತ್ತಿತರರ  ವಿರುದ್ಧ ಹೈಗ್ರೌಂಡ್ಸ್‌ ಠಾಣೆಯಲ್ಲಿ ಜೂ.19 ರಂದು ದೂರು ದಾಖಲಿಸಿದ್ದರು.
ಆ ನಂತರ ತಲೆಮರೆಸಿಕೊಂಡಿದ್ದ ಮೇಘನಾ ಅವರು ಚಿತ್ರದುರ್ಗದ ಮನೆಯೊಂದರಲ್ಲಿ ಆಶ್ರಯ ಪಡೆದಿದ್ದರು. ಆ ಬಗ್ಗೆ ಮಾಹಿತಿ ಕಲೆಹಾಕಿ ಅವರನ್ನು ಬಂಧಿಸಿ ನಗರಕ್ಕೆ ಕರೆದುಕೊಂಡು ಬರಲಾಗಿದೆ ಎಂದು ಸಿಸಿಬಿ ಅಧಿಕಾರಿಗಳು ತಿಳಿಸಿದ್ದಾರೆ.

ನ್ಯಾಯಾಲಯದಿಂದ ಜಾಮೀನು ಪಡೆದಿರುವ ಆರೋಪಿ ನಯನಾಕೃಷ್ಣ ಅವರು ತನಿಖಾಧಿಕಾರಿಗಳ ಎದುರು ಈವರೆಗೂ ವಿಚಾರಣೆಗೆ ಹಾಜರಾಗಿಲ್ಲ. ಆದ್ದರಿಂದ ಅವರಿಗೆ ವಿಚಾರಣೆಗೆ ಹಾಜರಾಗುವಂತೆ ಸೂಚಿಸಿ ನೋಟಿಸ್‌ ಜಾರಿ ಮಾಡಲಾಗಿದೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.

ಪ್ರಕರಣ ಸಂಬಂಧ ನಯನಾಕೃಷ್ಣ ಅವರ ಸ್ನೇಹಿತರಾದ ಕೆಂಪೇಗೌಡನಗರ ಠಾಣೆಯ ಕಾನ್‌ಸ್ಟೆಬಲ್‌ ಮಲ್ಲೇಶ್‌, ಸುದ್ದಿ ವಾಹಿನಿಯೊಂದರ ನೌಕರರಾದ ಹೇಮಂತ್‌ಕುಮಾರ್ ಮತ್ತು ಸುನಿಲ್ ಎಂಬು­ವರನ್ನು ಸಿಸಿಬಿ ಪೊಲೀಸರು ಈ ಹಿಂದೆಯೇ ಬಂಧಿಸಿದ್ದರು.