ರಸ್ತೆಗೆ ಕರೀಂಖಾನ್‌ ಹೆಸರು: 31ರಂದು ಸಮಾರಂಭ

ಬೆಂಗಳೂರು: ಇಂದಿರಾನಗರದ ನೂರು ಅಡಿ ರಸ್ತೆಗೆ  ಜನಪದ ತಜ್ಞ ಎಸ್‌.ಕೆ.ಕರೀಂ ಖಾನ್ ಅವರ ಹೆಸರು ಇಡುವ ಕಾರ್ಯಕ್ರಮವನ್ನು ಆ. 31ರಂದು ಸಂಘಟಿಸಲು ನಿರ್ಧರಿಸಲಾಗಿದೆ.

ಬಿಬಿಎಂಪಿ ಪ್ರಧಾನ ಕಚೇರಿಯಲ್ಲಿ ಬುಧವಾರ ಮೇಯರ್‌ ಅವರು ಕನ್ನಡ ಒಕ್ಕೂಟದ ಸದಸ್ಯರ ಜತೆ ನಡೆಸಿದ ಸಭೆಯಲ್ಲಿ ಈ ನಿರ್ಣಯ ಕೈಗೊಳ್ಳಲಾಗಿದೆ.
ಒಕ್ಕೂಟದ ಅಧ್ಯಕ್ಷ ವಾಟಾಳ್‌ ನಾಗರಾಜ್, ‘ರಸ್ತೆಗೆ ಕರೀಂ ಖಾನ್‌ ಅವರ ಹೆಸರು ಇಡಬೇಕು ಎಂದು 2006ರಲ್ಲಿ ಬಿಬಿಎಂಪಿ ಸಭೆಯಲ್ಲಿ ನಿರ್ಣಯ ಕೈಗೊಳ್ಳಲಾಗಿತ್ತು. ಈಗ ಕಾರ್ಯಕ್ರಮ ನಿಗದಿ ಆಗಿರುವುದು ಸಂತಸ ತಂದಿದೆ’ ಎಂದು ಹೇಳಿದರು.