ಆ.26 ರಂದು ಉಚಿತ ಯೋಗ ಶಿಬಿರ

ಚಿಕ್ಕಬಳ್ಳಾಪುರ: ‘ಹೋಲಿಸ್ಟಿಕ್ ಯೋಗ ಸಂಸ್ಥೆ ವತಿಯಿಂದ ಆ.26 ರಂದು ಬೆಳಿಗ್ಗೆ 7 ರಿಂದ 9ರ ವರೆಗೆ ನಗರದ ಸರ್ ಎಂ.ವಿ ಜಿಲ್ಲಾ ಕ್ರೀಡಾಂಗಣದಲ್ಲಿರುವ ಒಳಾಂಗಣ ಕ್ರೀಡಾಂಗಣದಲ್ಲಿ ಉಚಿತ ಯೋಗ ಶಿಬಿರ ಆಯೋಜಿಸಲಾಗಿದೆ’ ಎಂದು ಶಿಬಿರ ಆಯೋಜಕ ಎನ್.ರತ್ನವರ್ಮಾ ತಿಳಿಸಿದರು.

ನಗರದಲ್ಲಿ ಗುರುವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ‘ಹೋಲಿಸ್ಟಿಕ್ ಯೋಗ ಸಂಸ್ಥೆಯ ಸಂಸ್ಥಾಪಕ ಯೋಗಿ ಮಹೇಶ್ ವೈದ್ಯ ಅವರು ಶಿಬಿರದಲ್ಲಿ ಪವರ್ ಯೋಗ, ಹಠ ಯೋಗ, ಡೈನಾಮಿಕ್ ಫ್ಲೋಯೋಗ, ಕುಂಡಲಿನಿ ಯೋಗ, ಧ್ಯಾನ ಹಾಗೂ ಸತ್ಸಂಗಗಳ ಕುರಿತು ಮಾರ್ಗದರ್ಶನ ನೀಡಲಿದ್ದಾರೆ. ಸಾರ್ವಜನಿಕರು ಈ ಶಿಬಿರದ ಪ್ರಯೋಜನ ಪಡೆಯಬೇಕು’ ಎಂದು ಹೇಳಿದರು.

‘ಶಿಬಿರಕ್ಕೆ ಜಿಲ್ಲಾಧಿಕಾರಿ ಅನಿರುದ್ಧ ಶ್ರವಣ್ ಚಾಲನೆ ನೀಡಲಿದ್ದಾರೆ. ಎಸ್‍ಪಿ ಕಾರ್ತಿಕ್‌ರೆಡ್ಡಿ, ಜಿಲ್ಲಾ ಪಂಚಾಯಿತಿ ಸಿಇಒ ಗುರುದತ್ ಹೆಗಡೆ ಅವರು ಸೇರಿದಂತೆ ಸುಮಾರು 300 ಸರ್ಕಾರಿ ನೌಕರರು ಶಿಬಿರದಲ್ಲಿ ಭಾಗವಹಿಸುವ ನಿರೀಕ್ಷೆ ಇದೆ. ಶಿಬಿರಾರ್ಥಿಗಳಿಗೆ ಬೆಳಗಿನ ಉಪಹಾರದ ವ್ಯವಸ್ಥೆ ಮಾಡಲಾಗಿದೆ. ಪ್ರತಿಯೊಬ್ಬರೂ ತಮ್ಮೊಂದಿಗೆ ಮ್ಯಾಟ್ ತರಬೇಕು’ ಎಂದರು.