ಸತ್ಯದೇವ್ ಐಪಿಎಸ್ 'ಡಬ್ಬಿಂಗ್': ಕನ್ನಡದ ಹೆಸರಲ್ಲಿ ಅನಾಚಾರ ಎಂದ ಜಗ್ಗೇಶ್!

ಬೆಂಗಳೂರು: ಡಬ್ಬಿಂಗ್ ಬೇಕೆ? ಬೇಡವೇ? ಎಂಬ ಚರ್ಚೆಗಳ ನಡುವೆಯೇ ಅನುಷ್ಕಾ ಶೆಟ್ಟಿ, ತ್ರಿಶಾ, ಅಜಿತ್ ಅಭಿನಯಿಸಿದ್ದ 'ಯೆನ್ನೈ ಅರಿಂದಾಲ್' ಎಂಬ ತಮಿಳು ಸಿನಿಮಾ ಕನ್ನಡಕ್ಕೆ ಡಬ್ ಆಗಿದೆ. ಚಿತ್ರದ ಹೆಸರು ಸತ್ಯದೇವ್ ಐಪಿಎಸ್.

ಕೆಲವು ದಿನಗಳ ಹಿಂದೆಯಷ್ಟೇ ಈ ಚಿತ್ರದ ಟ್ರೇಲರ್ ಬಿಡುಗಡೆಯಾಗಿದ್ದು, ಸಾಮಾಜಿಕ ತಾಣಗಳಲ್ಲಿ ಇದು ವೈರಲ್ ಆಗಿದೆ.

ಸತ್ಯದೇವ್ ಐಪಿಎಸ್ ಚಿತ್ರದ ಬಗ್ಗೆ ಪರ ವಿರೋಧ ಚರ್ಚೆಗಳ ನಡುವೆ ನವರಸ ನಾಯಕ ಜಗ್ಗೇಶ್ ಹೊಸ ಬಾಂಬ್ ಸಿಡಿಸಿದ್ದಾರೆ.

ಕನ್ನಡದ ಹೆಸರಲ್ಲಿ ಅನಾಚಾರ. ಇದನ್ನು ಮಾಡಲು ₹40 ಲಕ್ಷ ಇನಾಮ್ ಪರರಾಜ್ಯದಿಂದ ಪಡೆದ ಮಾಹಿತಿ ಇದೆ ಎಂದು ಜಗ್ಗೇಶ್ ಟ್ವೀಟ್ ಮಾಡಿದ್ದಾರೆ.