ಎನ್‌ಎಸ್‌ಜಿ; ಭಾರತಕ್ಕೆ ತಾತ್ಕಾಲಿಕ ಹಿನ್ನಡೆ

ನವದೆಹಲಿ: ಪರಮಾಣು ಪೂರೈಕೆದಾರರ ಗುಂಪಿಗೆ (ಎನ್‌ಎಸ್‌ಜಿ) ಸೇರುವ ಭಾರತದ ಪ್ರಯತ್ನಕ್ಕೆ ಮತ್ತೆ ತಾತ್ಕಾಲಿಕ ತಡೆ ಎದುರಾಗಿದೆ. ಎನ್‌ಪಿಟಿಗೆ ಸಹಿ ಹಾಕದ ಭಾರತ ಮತ್ತು ಪಾಕಿಸ್ತಾನವನ್ನು ಈ ಗುಂಪಿಗೆ ಸೇರಿಸಿಕೊಳ್ಳುವ ಬಗ್ಗೆ ಗುರುವಾರ ಸ್ವಿಟ್ಜರ್ಲೆಂಡ್‌ನ ಬೆರ್ನ್‌ನಲ್ಲಿ ಮುಕ್ತಾಯವಾದ ಸರ್ವ ಸದಸ್ಯರ ಸಭೆಯಲ್ಲಿ ಒಮ್ಮತಕ್ಕೆ ಬರಲು ಎನ್‌ಎಸ್‌ಜಿ ರಾಷ್ಟ್ರಗಳು ವಿಫಲವಾಗಿವೆ.

‘ಎನ್‌ಪಿಟಿಗೆ ಸಹಿ ಹಾಕದ ರಾಷ್ಟ್ರಗಳನ್ನು ಎನ್‌ಎಸ್‌ಜಿಗೆ ಸೇರಿಸಿಕೊಳ್ಳುವ ವಿಚಾರವನ್ನು ತಾಂತ್ರಿಕ, ಕಾನೂನಾತ್ಮಕ ಆಯಾಮಗಳಿಂದ ಪರಿಶೀಲಿಸಬೇಕಾಗಿದೆ’ ಎಂದು ಎನ್‌ಎಸ್‌ಜಿ  ಹೇಳಿದೆ.