ಸೇನಾ ಭರ್ತಿ: ಘರ್ಷಣೆಯಲ್ಲಿ ಐವರಿಗೆ ಗಾಯ

ಕಾಶ್ಮೀರ(ಪಿಟಿಐ): ಜಮ್ಮು ಕಾಶ್ಮೀರದ ರೆಸೈ ಜಿಲ್ಲೆಯಲ್ಲಿ ಸೋಮವಾರ ನಡೆದ ಸೇನಾ ಭರ್ತಿಯಲ್ಲಿ ಘರ್ಷಣೆ ನಡೆದು  ಒಬ್ಬ ಪೊಲೀಸ್‌ ಸೇರಿದಂತೆ ಐವರು ಗಂಭೀರವಾಗಿ ಗಾಯಗೊಂಡ ಘಟನೆ ನಡೆದಿದೆ.

ಸೇನಾ ಭರ್ತಿಯಲ್ಲಿ ಭಾಗವಹಿಸಲು ನೂರಾರು ಅಭ್ಯರ್ಥಿಗಳು ಸರತಿ ಸಾಲಿನಲ್ಲಿ ನಿಂತಿದ್ದರು.  ಈ ಸಂದರ್ಭದಲ್ಲಿ  ನೂಕು ನುಗ್ಗಲು ಪ್ರಾರಂಭವಾಯಿತು. ಪರಿಸ್ಥಿತಿ ಕೈಮೀರದಂತೆ  ಪೊಲೀಸರು ಲಘು ಲಾಟಿ ಪ್ರಹಾರ ನಡೆಸಿದರು ಎಂದು ಮೂಲಗಳು ತಿಳಿಸಿವೆ.