‘ಕಸಕ್ಕಿಂತ ಕಡೆಯಾದ ಜನರಲ್‌ಗಳು’

ವಾಷಿಂಗ್ಟನ್ : ಅಧ್ಯಕ್ಷ ಬರಾಕ್ ಒಬಾಮ ಅವರ ಆಡಳಿತಾವಧಿಯಲ್ಲಿ ಅಮೆರಿಕದ ಜನರಲ್‌ಗಳು ‘ಕಸಕ್ಕಿಂತ ಕಡೆ’ಯಾಗಿದ್ದಾರೆ ಎಂದು ರಿಪಬ್ಲಿಕನ್ ಪಕ್ಷದ ಅಧ್ಯಕ್ಷೀಯ ಅಭ್ಯರ್ಥಿ ಡೊನಾಲ್ಡ್ ಟ್ರಂಪ್‌ ಟೀಕಿಸಿದ್ದಾರೆ. ಇದರೊಂದಿಗೆ ಟ್ರಂಪ್ ವಿವಾದಿತ ಹೇಳಿಕೆಗಳ ಸರಣಿ ಮುಂದುವರಿದಂತಾಗಿದೆ.

‘ಒಬಾಮ ಮತ್ತು ಹಿಲರಿ ಕ್ಲಿಂಟನ್ ನಾಯಕತ್ವದಲ್ಲಿ ಜನರಲ್‌ಗಳು ಕಸಕ್ಕಿಂತ ಕಡೆಯಾಗಿದ್ದಾರೆ. ಇದರಿಂದ ದೇಶ ಮುಜುಗರಕ್ಕೀಡಾಗುವಂತಾಗಿದೆ’ಎಂದು ಟ್ರಂಪ್ ದೂರಿದ್ದಾರೆ. ಅಧ್ಯಕ್ಷನಾಗಿ ಆಯ್ಕೆಯಾದಲ್ಲಿ ಕೆಲ ಹಿರಿಯ ಸೇನಾಧಿಕಾರಿಗಳನ್ನು ಬದಲಾಯಿಸುವುದಾಗಿಯೂ ಅವರು ಹೇಳಿದ್ದಾರೆ.