ಗಾಂಧೀಜಿ ಚಿತ್ರದ ಅಂಚೆಚೀಟಿ ₹4.15 ಕೋಟಿಗೆ ಮಾರಾಟ

ಲಂಡನ್‌: ರಾಷ್ಟ್ರಪಿತ ಮಹಾತ್ಮ ಗಾಂಧಿ ಅವರ ಭಾವಚಿತ್ರ ಇದ್ದ ಅಪರೂಪದ ಅಂಚೆ ಚೀಟಿಗಳು ಇಲ್ಲಿ ನಡೆದ ಹರಾಜಿನಲ್ಲಿ  ₹4.15 ಕೋಟಿಗೆ ಮಾರಾಟವಾಗಿವೆ.

ಇದು ಭಾರತದ ಅಂಚೆಚೀಟಿಗಳಿಗೆ ದೊರೆತ ಅತಿ ದೊಡ್ಡ ಮೌಲ್ಯ ಎಂದು ಆಯೋಜಕರು ತಿಳಿಸಿದ್ದಾರೆ.

1948ರ ಅವಧಿಯ ₹10 ಗಾತ್ರದ ಕಂದು ಮಿಶ್ರಿತ ಕೆಂಪು ಬಣ್ಣದ  ಗಾಂಧೀಜಿ ಚಿತ್ರವಿದ್ದ 13 ಅಂಚೆಚೀಟಿಗಳಷ್ಟೇ ಈಗ ಉಳಿದಿವೆ. ಇದರಲ್ಲಿನ ನಾಲ್ಕು ಅಂಚೆಚೀಟಿಗಳನ್ನು ಆಸ್ಟ್ರೇಲಿಯಾ ಮೂಲದವರೊಬ್ಬರು ಖರೀದಿಸಿದ್ದಾರೆ.