ಫಿನ್ಲೆಂಡ್‌: ಚೂರಿ ಇರಿತ ಸೃಷ್ಟಿಸಿದ ಆತಂಕ

ಹೆಲ್ಸೆಂಕಿ (ಎಎಫ್‌ಪಿ): ಫಿನ್ಲೆಂಡ್‌ನ ಟರ್ಕು ನಗರದಲ್ಲಿ ವ್ಯಕ್ತಿಯೊಬ್ಬ ಸುಮಾರು ಎಂಟು ಜನರಿಗೆ ಚೂರಿಯಿಂದ ಇರಿದಿದ್ದು, ಒಬ್ಬರು ಮೃತಪಟ್ಟಿದ್ದಾರೆ. ಆರೋಪಿಯ ಕಾಲಿಗೆ ಪೊಲೀಸರು ಗುಂಡಿಕ್ಕಿ ಬಂಧಿಸಿದ್ದಾರೆ. ಈ ಘಟನೆಯಿಂದಾಗಿ ನಗರದಲ್ಲಿ ಆತಂಕದ ವಾತಾವರಣ ಸೃಷ್ಟಿಯಾಗಿತ್ತು.

ಜನದಟ್ಟಣೆಯ ಪ್ರದೇಶದಲ್ಲಿ ಹಲವರು ಚೂರಿ ಇರಿತದಿಂದ ಕುಸಿದುಬಿದ್ದುದಾಗಿ ಪ್ರತ್ಯಕ್ಷದರ್ಶಿಗಳು ತಿಳಿಸಿದ್ದಾರೆ. ಈ ದುಷ್ಕೃತ್ಯದ ಹಿಂದೆ ಇರಬಹುದಾದ ಇತರ ವ್ಯಕ್ತಿಗಳ ಬಗ್ಗೆಯೂ ಪೊಲೀಸರು ಎಚ್ಚರ ವಹಿಸಿದ್ದಾರೆ.

2012ರಲ್ಲಿ ಆಗಿನ ಪ್ರಧಾನಿ ಜರ್ಕಿ ಕೆಟೈನೆನ್‌ ಅವರು ಸ್ಥಳೀಯ ಸಂಸ್ಥೆಗಳಿಗೆ ಚುನಾವಣಾ ಪ್ರಚಾರ ಮಾಡುತ್ತಿದ್ದ ವೇಳೆ ಚೂರಿ ಇರಿತದಿಂದ ಸ್ವಲ್ಪದರಲ್ಲಿ ಪಾರಾಗಿದ್ದರು.