ವಿಶ್ವದ ಹಿರಿಯಜ್ಜಿ 117ನೇ ವಯಸ್ಸಿನಲ್ಲಿ ನಿಧನ

ರೋಮ್‌ :  ವಿಶ್ವದ ಅತಿ ಹಿರಿಯ ವ್ಯಕ್ತಿ, ಇಟಲಿಯ 117 ವರ್ಷದ ಮಹಿಳೆ ಎಮ್ಮಾ ಮೊರಾನೊ ಅವರು ಶನಿವಾರ ನಿಧನರಾಗಿದ್ದಾರೆ.
1899ರ ನವೆಂಬರ್ 29ರಂದು ಜನಿಸಿದ್ದ ಅವರು ಉತ್ತರ ಇಟಲಿಯ ವರ್ಬೆನಿಯಾದ ತಮ್ಮ ನಿವಾಸದಲ್ಲಿ ನಿಧನರಾದರು ಎಂದು ಅಲ್ಲಿನ ಮಾಧ್ಯಮ ವರದಿ ಮಾಡಿದೆ.

‘ಅವರು ಅಸಾಧಾರಣ ಜೀವನ ನಡೆಸಿದ್ದಾರೆ. ಅದನ್ನು ಎಂದಿಗೂ ಮರೆಯಲು ಸಾಧ್ಯವಿಲ್ಲ’  ಎಂದು ಗ್ರಾಮದ ಮೇಯರ್ ಸಿಲ್ವಿಯಾ ಮರ್ಚಿಯೊನಿನಿ ತಿಳಿಸಿದ್ದಾರೆ.
‘ನನ್ನ ಆಹಾರ ಸೇವನಾ ಪದ್ಧತಿಯಿಂದಾಗಿಯೇ ಇಷ್ಟು ದೀರ್ಘಾವಧಿ ಜೀವಿಸಲು ಸಾಧ್ಯವಾಗಿದೆ’ ಎಂದು ಕಳೆದ ವರ್ಷ ನೀಡಿದ್ದ ಸಂದರ್ಶನವೊಂದರಲ್ಲಿ ಮೊರಾನೊ ಹೇಳಿಕೊಂಡಿದ್ದರು.