ಶಾಪಿಂಗ್ ಸೆಂಟರ್ ಮೇಲೆ ಲಘು ವಿಮಾನ ಪತನ: ಐದು ಮಂದಿ ಸಾವು

ಮೆಲ್ಬರ್ನ್: ಆಸ್ಟ್ರೇಲಿಯಾದ ಮೆಲ್ಬರ್ನ್ ನಗರದಲ್ಲಿರುವ ವ್ಯಾಪಾರ ಕೇಂದ್ರದ ಮೇಲೆ ಲಘು ವಿಮಾನವೊಂದು ಪತನಗೊಂಡು ಸಂಭವಿಸಿದ ದುರಂತದಲ್ಲಿ ಐದು ಮಂದಿ ಸಾವಿಗೀಡಾಗಿದ್ದಾರೆ.

ವಿಮಾನ ಟೇಕ್ ಆಫ್ ಆದ ಕೂಡಲೇ ವಿಮಾನದ ನಿಯಂತ್ರಣ ತಪ್ಪಿ ವ್ಯಾಪಾರ ಕೇಂದ್ರದ ಮೇಲೆ ಪತನವಾಗಿದೆ. ಈ ಹೊತ್ತಲ್ಲಿ ಆ ವ್ಯಾಪಾರ ಕೇಂದ್ರ ಮುಚ್ಚಿದ್ದರಿಂದ ದೊಡ್ಡ ದುರಂತವೊಂದು ತಪ್ಪಿದೆ. ಸಾವಿಗೀಡಾದವರು ವಿಮಾನದಲ್ಲಿದ್ದ ಪ್ರಯಾಣಿಕರಾಗಿದ್ದಾರೆ.

ಸ್ಥಳೀಯ ಕಾಲಮಾನ ಮಂಗಳವಾರ ಬೆಳಗ್ಗೆ 9 ಗಂಟೆಗೆ ಈ ದುರ್ಘಟನೆ ಸಂಭವಿಸಿದೆ.

ಉತ್ತರ ಮೆಲ್ಬರ್ನ್‍ನ ಎಸೆನ್‍ಡನ್ ಎಂಬಲ್ಲಿದ್ದ  ದಕ್ಷಿಣ ಮೆಲ್ಬರ್ನ್‍ನ ಕಿಂಗ್ ಐಲ್ಯಾಂಡ್‍ಗೆ ಈ ಖಾಸಗಿ ವಿಮಾನ ಪ್ರಯಾಣ ಬೆಳೆಸಿತ್ತು